Hechos 2-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Yuxan jix yal naj Pedro tet ebꞌ jaxca tiꞌ: —Naꞌwej je bꞌa, catuꞌ che yakꞌon bautizar je bꞌa junjun jex yin sbꞌi Jesucristo, yet watxꞌ chi iꞌle can el je penail. Catuꞌ oj yaon can oc Santo Espíritu je yin junjun jex.

Caw jix yaoc scꞌul ebꞌ yin wan cuybꞌanile jix yal ebꞌ ẍejabꞌ Jesús. Junxane jix yute snaꞌbꞌal ebꞌ masanil. Chi syambꞌa cꞌal sbꞌa ebꞌ. Chi sloꞌon ixim pan ebꞌ, ixim snaꞌbꞌaniltej Naj Kaawil, catuꞌ chi txali cꞌal ebꞌ.

Jix jul Santo Espíritu tuꞌ yin ebꞌ, jix kꞌanabꞌ ebꞌ yin wan txꞌoj tiꞌeal, jatacꞌalaꞌ tzet jix akꞌle yal ebꞌ yu Santo Espíritu tuꞌ.

Eyman jix yabꞌ yel yaw jun tzetyetal ebꞌ bꞌey satcan, jaxca junoj kaꞌeꞌ caw jow yeqꞌui. Jix noel yul jun na bꞌey yaman ecꞌ ebꞌ tuꞌ yu jun jaxca kaꞌeꞌ tuꞌ. Ey wan tzetyetal jix yil ebꞌ jaxca xaj kꞌakꞌ jix pujtoj xol ebꞌ masanil. Catuꞌ jix eyqꞌuey yibꞌan junjun ebꞌ. Jix jul Santo Espíritu tuꞌ yin ebꞌ, jix kꞌanabꞌ ebꞌ yin wan txꞌoj tiꞌeal, jatacꞌalaꞌ tzet jix akꞌle yal ebꞌ yu Santo Espíritu tuꞌ.

Junjun cꞌal cꞌu chi syambꞌa sbꞌa ebꞌ yul stemplo Dios. Chi syambꞌa pax sbꞌa ebꞌ bꞌey yul-laj na, catuꞌ chi spoꞌon ecꞌ pan ebꞌ xol-laj. Junxane chi yun slow ebꞌ yin tzalacꞌulal. Caw eyoc watxꞌcꞌulal yin ebꞌ. Catuꞌ chi yalon watxꞌ kꞌane ebꞌ tet Dios. Caw chi tzala masanil ánima yetoj ebꞌ. Jaxca cꞌal tiꞌ, jix yun yakꞌle chꞌibꞌ sbꞌisil ebꞌ yu Naj Kaawil junjun cꞌu yu ebꞌ tꞌinan xa taꞌ chi colchai.

Jix yalon Dios jaxca tiꞌ: Jaꞌ yet oj jul slawubꞌal tiempoal, oj waoc Wespíritu yin masanil ánima. Catuꞌ oj yalon el ebꞌ cꞌaale cꞌal ebꞌ cutzꞌine jin kꞌane. Catuꞌ oj jin txꞌox wan tzetyetal tet ebꞌ achꞌe, jaxca tol oj sweyichne ebꞌ. Catuꞌ oj jin kꞌanabꞌ yin weyicheal tet ebꞌ icham winaj.

Masanil ebꞌ jix yaoc scꞌul yin Cristo,* junxane jix yun can ebꞌ. Junxane pax jix yute stzettaj yetal ebꞌ. Ey ebꞌ chi xonel xꞌotxꞌ, cꞌal wanojxa tzetyetal ey tet ebꞌ. Catuꞌ chi spoꞌon ecꞌ stool tuꞌ ebꞌ xol-laj ebꞌ, jatacꞌalaꞌ tzet sowalil bꞌey junjun ebꞌ.

Jal ebꞌ chi awten jin bꞌi, jain je Yaawil jin tiꞌ an, oj colcha el ebꞌ masanil wu an, ẍi Dios yul An Juun tuꞌ.

Oj oc kꞌejkꞌinal yin sat cꞌu. Jaxa xꞌaaw, cajin xacꞌal oj yun el jaxca chicꞌ. Tol oj yun wan tiꞌ xin, yet cꞌamto chi jul scꞌual jin julbꞌal, jain je Yaawil jin tiꞌ an. Jaꞌ yet jun cꞌual tuꞌ caw miman yeloc apnoj, oj qꞌueya scꞌul ánima yet tuꞌ.