Popular Bible Verses from Génesis 1

പങ്ക് വെക്കു

Tmatl Dios: Kbinchan cub xjal ic tza'nx ke kilbilal, ic tza'nx ke ko que'yin, ex e tten tcawbil cyibaj cyiẍ tuj mar, cyibaj chyu'j ex txkantl jil in che lipan twitz cya'j, cyibaj alumaj, tibaj tcyakil twitz tx'otx', ex cyibaj txcup in xi cyjaku'n cyc'u'j twitz tx'otx'. Cubtzun tbincha'n Dios xjal ic tza'nx te tilbilal, ic tza'nx tilbilal Dios cub tbincha'n; xinak ex xu'j e cub tbincha'n.

E cubtzun tcy'iwla'n ex xi tma'n cye cyja': Che c'wa'line, chmet-x cybaje, cynojsame twitz tx'otx' ex che cawine tibaj. Cbel ten cycawbile cyibaj cyiẍ tuj mar, cyibaj chyu'j ex txkantl jil in che lipan twitz cya'j, ex cyibaj cycyakil txcup ate' twitz tx'otx'.

T-xe tnejel cub tbincha'n Dios cya'j ex tx'otx'.

Minti'tok ttxolil tx'otx', ex minti'tok at twitz; attok klolj tibaj mar ma' t-xe', ex in yucchtok T-xew Dios tibaj a'.

Tmatzun Dios: E tbant spic'un. Banttzun spic'un.

O til Dios tcyakilju otok bant tu'n, tbanilxix tcyakil. Extzun juntl k'ij tuc'ix juntl konic'an; ex atzun tkakin k'ij jlu.

O til Dios ba'n e'la spic'un, ex el tpa'n spic'un ti'j klolj.

Tmatltzun Dios cye cyja': Ma txi nk'o'ne cyeye tcyakil awal in tk'o'n tiyjil, aju tcub tuj tcyakil twitz tx'otx', ex tcyakil tze' in tk'o'n twitz ex at tiyjil tuj. Atzun cxe'l cynic'be'ne.

K'ijl tbi spic'un oc tk'o'n; atzun klolj, konic'an tbi oc tk'o'n. Extzun jun k'ij tuc'ix jun konic'an; ex atzun tnejel k'ij jlu.

Tmatl Dios: E tbant jun pabl tib t-xol a', tu'n tel tpa'n tib txkan a' ti'j txkantl. Ictzun tten o bant.

Atzun cye cycyakil txcup ate' twitz tx'otx', cyuc'ix ke chyu'j ex txkantl jil in che lipan twitz cya'j, cyuc'ix keju in xi cyjaku'n cyc'u'j twitz tx'otx', cycyakil keju itz' ke, cha'x c'ul c'oquel te cywa, chi Dios. Ictzun tten o bant.

Tmatl Dios: E cybant k'ol spic'un twitz cya'j, tu'n tel cypa'n k'ijl ti'j konic'an, tu'n cyajben te cyechal tk'ijlalil, k'ijl ex abk'i

Tmatl Dios: E ttzaj pok'l c'ul twitz tx'otx' tuc'ix tcyakil wik awal in tk'o'n tiyjil, ex tze' in tk'o'n twitz ex at tiyjil tuj, teyle te junjun tiyjil. Ictzun tten o bant.

Tbincha Dios pabl tib t-xol a'. Txkan a' cyaj tjak' pabl tib, ex txkantl a' cyaj tibaj pabl tib.

Jaw pok'l c'ul twitz tx'otx', tuc'ix tcyakil wik awal in tk'o'n tiyjil, ex tze' in tk'o'n twitz ex at tiyjil tuj, teyle te junjun tiyjil. O til Dios ba'n e'la jlu.

Tbincha Dios cabe nmak k'ol spic'un, aju k'ol spic'un mas matij tu'n t-spic'bante k'ijl, atzun juntl ch'in k'ol spic'un tu'n t-spic'bante konic'an. Ax icx tbincha ke che'w.

Tmatl Dios: E tcub tchmon tib tuj junx lugar tcyakil a' at tjak' twitz cya'j, ex e tcyaj k'ancha'l aju tzkij. Ictzun tten o bant. Tx'otx' tbi aju tzkij oc tk'o'n; atzun a' otok cub tchmon tib, mar tbi oc tk'o'n. O til Dios ba'n e'la jlu.

E cubtzun tcy'iwla'n ex tma cyja': Che pok'lxe, chmet-x cybaje ex cynojsame mar; ex e tchmet cybaj chyu'j twitz tx'otx' ex txkantl jil in che lipan twitz cya'j, chi Dios.

Tmatl Dios: E cypok'l alumaj twitz tx'otx', teyle te junjun tiyjil, ex txcup in xi cyjaku'n cyc'u'j twitz tx'otx', ex txkantl txcup ate' twitz tx'otx', teyle te junjun tiyjil. Ictzun tten o bant.

Tmatl Dios: E cypok'l nim cyajlal txcup tu'n cyyucch tuj a', ex e cypok'l chyu'j ex txkantl jil tu'n cylipan twitz cya'j.

Tbincha Dios ke txcup twitz tx'otx', teyle te junjun tiyjil, ke alumaj, teyle te junjun tiyjil, ex cycyakil txcup in xi cyjaku'n cyc'u'j twitz tx'otx', teyle te junjun tiyjil. O til Dios ba'n e'la jlu.