JA̰A̰ 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Jeju tél ədadə́ na: I mā n i mápá kə́ nge rāā kadə̄ deē ndi kə kumneé ní. Nge ń reē rɔ̄ḿ tə́ anī, ɓō a rāān aĺ bátə́ ō, nge ń taā kemḿ anī, kəndā a rāān aĺ bátə́ ō.

I Ndíl n i nge rāā kadə̄ deē ndi kə kumneé ní, ba dā̰ rɔ̄ rāā yá̰a̰ alé. Najə̄ gə̄ ń m-ə́dásí ní i Ndíl ō, i ndi kə kumuú ō.

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

Jeju tél ədadə́ na: Kəla yā Nə́ɓā i kadə̄ ī-taāī kem nge ń Nə́ɓā əlan ní.

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

Simo̰ Piyer tél ədan na: Kɔ́ɔ̄ɓē, j-aw̄ i kə̄ rɔ̄ náā tə́? Ḭ̄ āw̄ kə najə̄ gə̄ kə́ dɔ ndi kə kumuú kə́ ngándáńg tə́.

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

Deē kógə̄ḿ kə́ asə reē rɔ̄ḿ tə́ kanjə̄ kadə̄ i Bɔbə́ḿ ń əlam̄ ní n ndɔ́rə̄n kə̄ rɔ̄ḿ tə́ ní gətóo. Ba deē ń reē rɔ̄ḿ tə́ ní, oy a m-ā m̄-ndólə̄n ta ngóy ndɔ̄ gə̄ tə́.

Tɔdɔ̄ mápa yā Nə́ɓā i nge ń ḭḭ dɔ rā̰ tə́ reē dɔ nang tə́, ba rāā adə̄ de kə́ dɔ nang tə́ gə̄ ndin̄ kə kumdə́ ní.

Mā i mápá kə́ a rāā kadə̄ deē ndi kə kumneé.

Jeju taā mápá kə́ mí gə̄, ndadə̄ Nə́ɓā dɔ tə́, ba nə̄ɓō de gə̄ ń ndin̄ nang tə́ ní, ni-adə̄də́ kānjə̄ ō. Adə̄də́ ngá̰ý tītə̄ ń kemdə́ nin̄ kɔ́ gə̄ gḛy ní. Dan ń nin̄-ndānə̄n̄ anī, ni-əda ngé ndóō yá̰a̰ yān gə̄ na kə kánə̄n̄ gotə mápa ń na̰y ní ba kadə̄ ta kógə̄ḿ kə tḭ̄ḭ̄ alé.

Nin̄-nēlə̄n̄ to asə kum mbang kógə̄ḿ, pá tá a̰ā̰n̄ Jeju a njə̄rā dɔ bā bo tə́ a reē kə̄ kadə to tə́, adə̄ ɓōĺ rāādə́. Banī Jeju ədadə́ na: I mā ba ī-ɓōlíī alé.