यहून्नो 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

गेह दाखो ब्रन्ज़ शुगाह: केहरे डाड़ीर शुई; अरी गेरंङ बणेंके बंङज़ा दंङ गेह दोरंङ, दोई महसे फल हपि, छना कुचे गेरंङ शता शुहचे, केहरे छले लेह मरपोंन।

केहरे गेरंङ बणेंकी तोईन, दंङ गेह केतंङ छना डाड़ी अगर ब्रन्ज़ारिंङ साते माह शोतो ता ऐनाह ए फल माह रंड्री, ध्वांए ठ्रोह, केहरे ला छले रुठे लेह मरपोंन अगर केहरे गेरंङ बणेंक माह बंङज़ोन ता।

अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग।

केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो।

अतुआ कछंङ दिह कंड्रिमी थल्जी कि दोई एनोह मित्रा रंङ अंयों दाह लहज़ा, दिहबे मोह्ड़े ऊई छले तरीका माह कि दोई दोतिंङ बचाएच़िमी थल्जी एनोह जहान ला रें च़रपोतो।

हर इच्च़ा डाड़ी अरी गेरंङ साते जुडे़के तोह दंङ अच़ि फल माह रंड्रा, दोबि दोई ट्रिके चरच़ि, दंङ अंऊ डाड़ी फल रंड्रा दोई दुह अंङे चरच़ि।

गिऊ हुकुम दिह तोह, कि छना गेह केतंङ साते दाह लहतग, ध्वांए केहरे ला इदिऊ अई दिरंङ साते दाह लांही।

गिऊ पिता परमेश्वरो महिमा दिरंङ ए शवाह, कि केहरे महसे फल हतांई, दोथरे केहरे गिऊ चेलारे शोंई।

सच्चे दाखो ब्रन्ज़ गेह शुगाह; दंङ गिऊ पिता परमेश्वर ज़िमदार शुह।

अगर अरीया गेरंङ बणेंके माह बंङज़ोतो ता दुह डाड़ी ऊ ठ्रोह ट्रिके छङें चरच़ि। दंङ कर्चे इपि; दंङ मीहच़ी दोरे डाड़ीर ठ्रोहका लेह रोहच़ी केट्री।

गेह केतंङ साते दिहरे गप्पारे दिऊ थल्जी कुट्रातेग, कि केहतु अंद्रेग ला दुह ए खुशी शोतो अंऊ गिऊ अंद्रेग तोह, खुशी केहतु बड़के बंङज़ोतो, दंङ केहतु खुशी पूरा शुबी जूंस।

अगर केहच़ी गिऊ हुकुम मनेक्फोई, ता गिऊ दाह रिंङ बणेंके बंङज़ोन; छना कि गेह घेंङौ पिता परमेश्वरो हुकुम मनेक्च़ातेग, दंङ दोऊ दाह रिंङ बणेंक बंङज़ातग।

दीह गप्पातु हुकुम गेह केतिंङ दिऊ थल्जी रंड्रातग कि केन्दु बिचंङ दाह लांही।

अगर केहरे संसारो मीहतु ठ्रोह शुहचंङ, ता संसारो मीह ज़ि केतंङ साते दाह लहज़ी तोहई, पर दिह बजह च़ि कि केहरे दिह संसारो मीहतंङ साते नाता माह तहच़ातंई, पर गेह केतिंङ संसारो मीहतु बिचंङ च़ि अंङे केहतग; दिऊ थल्जी संसारो मीहरे केतंङ साते बैर लहज़ातोर।