लुका 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

येसुइ जबाफ देइकेभइल, “साङ्‌टो केवारिकमाटे भितर पोसिके बल करुक्। मोइ तेउह्रासब्‍के कहतम्, धेरइ जेना साङ्‌टो केवारिकमाटे भितर पोसिके खोज्‍ने पुनु पोसिके नासकत्।

उछिका एक्‍टि अठार बर्‌ससे भुत लाग्‍ल रोगिनि बेटि रहि। उसे कुप्‍रि भइकुन सोझि भइके निसक्‍ते रहि। येसुइ उसे बेटि मानुसके देखिकुन बोलाइकुन कहिकेभइल, “ए बेटि, आबे तोइ रोगकमाटे छुट्‌कारा पाउल।”

ओनेनेइ आफ्‍न हाथ उक्रउप्र राखिकेभइल हसे ओख्‍निहिँ बेटि सोझि भइकुन परमेसोरके प्रसम्‍सा करिके लाग्‍लि।

तर धेरइ जेना यख्‍नि पाछु भइलारसब पाछुजाइकुन आघु भइताहात् र यख्‍नि धेरइ जेना आघु भइलारसब पाछुजाइकुन पाछु नइ भइताहात्।”

जखनिके घरक मालिक उठिकुन केवारि बन्‍द करित् तोहेसब चाहिँ बाहारकमाटे केवारि ढक्‍ढककेतिन कताहाउ, ‘मालिक, हाम्र लागि केवारि खोल्‍देओ।’ उहाइ कहित, ‘तोहेसब कोनो हखउ र कुछिकमाटे अइल हखउ? मोइ नाइचिनम!’

ओसकइ नइजे, तर मोइ तेउह्रासब्‍के कहतम्, आ-आफ्‍न पापके मानिकुन नाछाडउ कने तोहेसब पुनु सभइ मासिताहाउ।”

तर उहाइ फेरि कहित, ‘तोहेसब कोनो हखउ र कुछिकमाटे अइल हखसब? मोइ नाचिनम! ए दुस्‍ट काम कर्‌लाहारसब, इछिसे जाइहालउ!’

अझइ येसुइ कहिकेभइल, “परमेसोरक राज्‍जेके मोइ कितिसाङ दाजिके? परमेसोरक राज्‍जे कस्‍न भइत? इसे त कोलोउ मानुसेइ बारियँ छर्‌ल तोरिक बिया जस्‍नइ हखइ। उसे उम्‍रिकुन बाढित हसे बड्‌क भइकुन उक्र हाङ्‌गा-बिगायँ चरइसबेइ गुड लागाइत।”