मर्कूस 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

थेकी “आबा, खुई खिता मुथुप्‍च्‍येते काम छ्याःङ मेत। थुप थुपला दि ओङा खाबाते दुक्‍पा ङे भोगे खिता माफाप्‍सीन ओङच्‍या ओतान। ईन्‍सीनोङ ङे थोक माक्‍याबाला मेङगो सासीन ङे साबाच्‍योक मेन्‍दाला आबा खुई साबा च्‍योकराङ ओङस्‍यीत,” सिन प्रार्थना खासुङ।

थेबा गाङेला “ख्‍योकोन च्‍याङबो खाला देत। था दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि। ख्‍योकोन लेमु खिता छोल्‍गीदुक। तर खेराङगी खिता चालाच्‍योक खिता मुथुप्‍तुक,” सिन सिदुक।

ङा ख्‍योकोनला च्‍यि सिते सासीन था दि सा लुङबा खाङ मिओनला गा लाङच्‍येते बात लोप्‍जीन दि फेम्‍मे मिलाङ सम्‍झे खिन दिकी थरिङ खाबाते काम लेमुते काम ईन सिनोङ गाङेपा लोप्‍क्‍यो,” सिन सिदुक।

थेमे थेकी थेबा सुमबोला “था ङाराङला चुक दुक्‍पा ओङगीते सिरच्‍ये पीरगी खित्‍सादु ङे सेम छोकीन सिन्‍सुङ। ख्‍योकोन ङात्ताङ र्‍वा खिन दुरू जागोराङ देत,” सिन साकीन

थेबा गाङेराङ सेइनराङ ओतान। थेजीनराङ येशूकी स्‍योबेनज्‍यीक लाःक्‍तु लाकीन थे लाईदु परमेश्‍वरला धन्‍यवाद बिन्‍सुङ। थोक खानामेई थेकी थे स्‍योबेन च्‍यागीन “लो या, दि सो। दिचेन ङे जीउ ईन,” सिनकामा चेलातेबाला गोकीन बिन्‍सुङ।

थोकराङ खाईन अंगूर छ्याङ लुक्‍पाते कचौराज्‍यीक लाःक्‍तु लाकीन थेकी थे लाईदुङ परमेश्‍वरला धन्‍यवाद बिन्‍सुङ। थेमे थेङ थेबाला “लो या, दिङ थुङ,” सिन बिन्‍नामेई थेबा गाङेकी पालो पालो खाईन थुसुङ। थे थुङा तेरगीन थेकी “दिचेन ङे ठाक ईन। मि काल्‍बेई लाईदु स्‍यिजीन ङे जीउदुकी थेन्‍दाते ठागी खित्‍सादु परमेश्‍वरगी मिओनताङ तिरी खिओ साबाते जमान पूरो खित्‍च्‍येते ईन।

थेमे थेकी चेलातेबाला “था ख्‍योकोन गाङेकी ङाला ताङला छ्योङगो। थोक ओङगो सिन परमेश्‍वर बातला परमेश्‍वरगी ‘ङा गोठालाला सेत्‍क्‍यो, थेला सेत्‍नामेई लुकओनचेन जतासुकैपा छरपुट्ट डुइओ,’ सिन साबा ओत।

लो ल्‍वा, था डुइ उ थोङसुङ? ङाला धोका तेरकान्‍ते मि देपा ओङगीनराङ दुक,” सिन सिदुक।

पत्रुसकी थोक सिरजीन थेकी “पत्रुस, खो दोक छ्ये खाला बात माकेत। था ङोमु पाखे छ्योबो बाजि ङि फोत फोतसाकला पालो सुम ज्‍येन मि दोन्‍दु खुई ङाला ङोराङ मेस्‍येओ सिन सिओ,” सिन सिदुक।