Popular Bible Verses from Matius 5

പങ്ക് വെക്കു

Pang hari:‑da ho tau ung mampahùrong pallita, màli: na patauꞌi‑i. Sangadinna, na patumenneng i kaoneang iaho mangking massilaoi: nasang tau i laling rasang. Mène: ho ti masilaomu, parallu tumpana: i heleꞌna tau, mangking na ita‑i se ti pingkuheoꞌ-heoꞌmu ung belo:, pang nai anto mampaiaho‑i se Amammu i suruga.”

Pang u niala se ho rampeang masilaona lino. Hari:‑da ung hela manghuni lipu: ung one: iaho mungku.

Maupaꞌ ti tau ung mabusa: pinanahanna, sàbaꞌ mangìsànga Puang.

Maupaꞌ ti tau ung burorang pang ung mangkahara i katongangang, sàbaꞌ nipatosàngi: se.

Hampoꞌ Ku pusua: matung teꞌ, Pulemu‑i ti poni:-ponimu pang pusumbayang‑ing ti tau ung massolàngi‑ko

“Maupaꞌ ti tau ung mangàna: kalaena mase-mase i heleꞌna Puang, sàbaꞌ dea‑mi se ti ung mangkoraia kadatuang suruga, na rara i latenna.

Maupaꞌ ti tau ung mambaha kadameang, sàbaꞌ nikonaia anakàna Puang.

Maupaꞌ ti tau ung masussa, sàbaꞌ nipakatanai: se.

Maupaꞌ ti tau ung nisolàngi sàbaꞌ mampukauꞌ pampuinahanna Puang, sàbaꞌ mangkoraia kadatuang suruga.

Maupaꞌ ti tau ung mampulemu padanna, sàbaꞌ nipulemua‑da ho.

U maupaꞌ se ìna u nisalai: se, nisolàngi, pang ìna nasang ung kadetu nipantannaꞌ‑ingko se sàbaꞌ Koi:. Sàbaꞌ nabi-nabi ung ara, to ha ara‑mo: se, nisolàngi‑da ho. Jadiꞌ, parallu u haka: se teng pang masannang, sàbaꞌ lammuꞌ ti kamaupaꞌangmu i suruga.”

Maupaꞌ ti tau ung i hoiꞌ pinanaha, sàbaꞌ mampumanaꞌa lino ung màle.

“Dio se ung mangulaꞌ‑Maꞌ niala rampeang sianna lino. Hampoꞌ ìna miluhali matahaꞌ ti tàmiꞌangna, niakaa ti mampumasia pole? Hari:‑da hura: buaꞌna, sangadinna nitibe pang na ida-idaka tau.

Deanna‑mo to, pingkuheoꞌ-heoꞌmu se parallu hari: salaiangna, sibali Amammu i suruga hari: salaiangNa.”

Kànaꞌ teng u mangkonai:, ‘Ayyo,’ dea‑raka, ‘Hari:.’ Mangkonai: làbi nai anto, baꞌ bùruꞌ‑moda nai Ung bulituku.”

“U sàding‑mo se, ara ho nipipaturo:‑ing teꞌ, ‘Mata nibalaꞌia mata, sise: nibalaꞌia sise:.’* Hampoꞌ Ku pusua: matung teꞌ, Hau miàmaꞌ mao i tau ung mampukauꞌ ung kadetu matung, sangadinna isai-sai ti ung mantampeda: tammusu konangmu, hengi‑ing ho ti sammaliang.

Deanna‑mo to, ìna mènena mata konangmu mampahùling‑ko, kalèteke malai pang tibe! Sàbaꞌ belo:‑da sule: u kaloꞌ, nai none: kànaꞌ ti kalaemu hampoꞌ nitibe mao i naraka. Pang ìna mènena kangkang konangmu mampahùling‑ko, lengkeꞌi pang tibe. Sàbaꞌ belo:‑da sule: u tuho: sammaliang‑i kangkangmu, nai none: kànaꞌ ti kalaemu hampoꞌ mintama i naraka.”