Lukas 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mpa kmi a nbal e ka mijak dedesar, fali keta metryat motak e Yakw, Tomwate Anaky a kmwa saryamprene.”

Mpa ka mireke ma Ratu nfarete neluk Rai na mir momorip a fuky, betno keta I ntafal safe-safe monuk a ne ber a kmi.”

Ne Yesus nfalak ber tomwatar a ne, “Ka mijak fen ngamone, ma kete mir makeus a nresy. Fali tomwatar to rmorip rof lan nir anoskai, boloka nir kabanir monuk a ne nlie nlengan.”

Fali ain mpe ye ma mnyau mir kabanir ma kotkir, keta mdyaun dedesar kabanir a ne!”

Tomwatar ma dedesar e dalmir suse keta to bise ma rtafal ni ngarkar, boloka jam lese motak.

Yesus nfalak ber Ni manglartar, “Mdyengar ma kfwalak, ka kete dalmir suse na mir momorip feti keta mine safe. Ma ka kete dalmir suse nbal feti keta mfyonak safe.

Ma Ratu nfayaki monuk ulmir bukrir lo, mpa kete mimtaut; fali na Ratu sounlury e kotkimir nlengan nof almunar ne!

“Hei Ningw manglartar a kmi, kete mimtaut! Boloka lan du kmi, Ratu nfil a kmi ma keta miktem a mfyarete na Ratu Ni ain farete.

No msyalan manik akar! Sir to ryefar finyar, to ral isnir, ma to rnau nir tnyamar na lumbung, nempa Ratu nfane sir. Kmi mifai feti keta Ratu nsalan a kmi a nlengan nof mangkyar a ne.

Mpa, kete dalmir suse feti keta mine safe, myenum safe, nre mfyonak safe.

Urwar ma lere ye ramin lete dalam ma bobole tomwatar rapu motak e Ratu nafyamping sir ma nangafel. Ma keta I npiare kmi nlengan nof urwar a ne! Ma safema to milele I!

Nempa safe-safe monuk ma ramudim a ne keta Ratu nfatutu, ma safe-safe monuk ma tomwatar to rafai keta I nfatutu ber sir.