ଲୁକ 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ଏପେଙ୍ଗ୍ ଜେକନିକାରିଙ୍ଗ୍ ଦାନ୍ ହିୟାଟ୍, ଲାଗିଙ୍ଗ୍ ହେଲେକେ ମିଙ୍ଗେଙ୍ଗ୍ ଈଶ୍ୱର ହିଦ୍‌ନାନ୍। ଆରେ ହେୱାନ୍ ଆଦିକ୍ କିଜି ହିଦ୍‌ନାନ୍। ଇନେସ୍‌କି ଏପେଙ୍ଗ୍ ଇମ୍‌ଣି ମାଣ୍ ତାଙ୍ଗ୍ ଲାଜ୍‍ଜି ହିନାଦେର୍, ହେ ମାଣ୍ ତାଙ୍ଗ୍ ମିଙ୍ଗେଙ୍ଗ୍ ଲାଜ୍‍ଜି ହିଦ୍‌ନାର୍।”

ର ହାର୍ଦି ମାନାୟ୍ ଗରବ୍ ବିତ୍ରେ ହାର୍ଦି ବିଷୟ ବାର୍ତିଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ତା ଗରବ୍‌ତାଙ୍ଗ୍ ହାର୍ଦି ବିଷୟ ହନାତ୍। ମାତର୍ ର ବାନ୍ୟା ମାନାୟ୍ ଗରବ୍ ବିତ୍ରେ ବାନ୍ୟାବିଷୟ ବାର୍ତିଆଜି ମାନ୍‌ଗାନାତ୍। ଲାଗିଙ୍ଗ୍ ତା ଗରବ୍‌ତାଙ୍ଗ୍ ବାନ୍ୟାବିଷୟ ହନାତ୍। ର ମାନାୟ୍ ତା ଗରବ୍ ବିତ୍ରେ ଇନାକା ମାନ୍‌ଗାନାତ୍, ହେୱାନ୍ ହେଦାଙ୍ଗ୍ ୱେଚ୍‌ନାନ୍।”

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍‌କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍‌ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍‍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍‌କି ହେୱାନ୍ ହାର୍ଦି ମାନାୟ୍‌ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍‌ଚାନାନ୍।

ମି ସରଗ୍‌ନି ଆବା ଈଶ୍ୱର ଇନେସ୍ ମିଙ୍ଗେଙ୍ଗ୍ ଦୟା କିଦ୍‌ନାନ୍, ହେଲେକେ ହେୱାରିଙ୍ଗ୍ ପା ଦୟା କିୟାଟ୍।”

ଯୀଶୁ ଆରେ ୱେଚ୍‌ଚାନ୍, “ଏପେଙ୍ଗ୍ ଇନେରିଙ୍ଗ୍ ପା ବିଚାର୍ କିମାଟ୍। ଲାଗିଙ୍ଗ୍ ମିଙ୍ଗେଙ୍ଗ୍ ପା ଈଶ୍ୱର ବିଚାର୍ କିଦୁନ୍। ଇନେରିଙ୍ଗ୍ ପା ଦସି କିମାଟ୍, ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପା ଦସି ଇଞ୍ଜି ଇଞ୍ଜୁନ୍। ଜେକନିକାରିଙ୍ଗ୍ କେମା ହିୟାଟ୍, ଲାଗିଙ୍ଗ୍ ମିଙ୍ଗେଙ୍ଗ୍ ପା ଈଶ୍ୱର କେମା କିଦ୍‌ନାନ୍।

ଯୀଶୁ ତା କାତା ୱେନାକାରିଙ୍ଗ୍ ୱେଚ୍‌ଚାନ୍, “ୱେନାଟ୍! ଏପେଙ୍ଗ୍ ମି ଶାତ୍ରୁରିଙ୍ଗ୍ ଲାଡ୍ କିୟାଟ୍। ମିଙ୍ଗେଙ୍ଗ୍ ଇମ୍‌ଣାକାର୍ ଗିଣ୍ କିଦ୍‌ନାରା, ହେୱାରିଙ୍ଗ୍ ଏପେଙ୍ଗ୍ ଗିଣ୍ କିମାଟ୍। ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଅବିଶାପ୍ ହିଦ୍‌ନାରା, ହେୱାରିଙ୍ଗ୍ ଆଶ୍ରିବାଦ୍ କିୟାଟ୍। ଇମ୍‌ଣାକାନ୍ ମିଙ୍ଗେଙ୍ଗ୍ ଅପ୍‌ମାନ୍ ହିଦ୍‌ନାରା, ଏପେଙ୍ଗ୍ ହେୱାର୍ କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍।

ଜେକନି ମାନାୟାର୍ ମିଙ୍ଗେଙ୍ଗ୍ ସନ୍‌ମାନ୍ ପାୟାଆନାଙ୍ଗ୍ ଇଞ୍ଜି ଇଚା କିନାଦେର୍, ଏପେଙ୍ଗ୍ ପା ହେୱାନିଙ୍ଗ୍ ହେଲେକେ ସନ୍‌ମାନ୍ କିୟାଟ୍।

ଇମ୍‌ଣାକାନ୍ ର କୁର୍‌ୱାତ ଚାପ୍ଡ଼ା ଇଡ଼୍‌ଦାନାର୍, ହେୱାନିଙ୍ଗ୍ ଆରେ ର କୁର୍‌ୱା ପା ଚଚ୍‌ଚି ହିୟାଟ୍। ଇମ୍‌ଣି ମାନାୟ୍ ମି ଆଙ୍ଗି ଅତାନ୍‌ନା ହେୱାନିଙ୍ଗ୍ ମି ପେଣ୍ଟ ପା ହିୟାଟ୍। ଯଦି ଇନେର୍ ମିଙ୍ଗେଙ୍ଗ୍ ଇନାକା ଏନ୍ତାନାର୍, ହେୱାନିଙ୍ଗ୍ ହିଆଟ୍। ଯଦି ଇମ୍‌ଣି ମାନାୟ୍ ମିଦି ଇଚ୍‍କେ ଇନାକା ଅନାର୍, ହେଦାଙ୍ଗ୍‌ତିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ଏନ୍‌ମାଟ୍।

ଯୀଶୁ ଆରେରଗ ୱେଚ୍‌ଚାନ୍, “ହାର୍ଦି ମାର୍ ଇନେସ୍ ହାର୍ଦି ପାଡ଼୍‌ ଆହ୍‌ନାତ୍, ହେଲେକେ ହାର୍ଦି ମାନାୟ୍ ବାନ୍ୟା କାମାୟ୍ କିଉନ୍। ଆରେ ବାନ୍ଯା ମାର୍ ବାନ୍ଯା ପାଡ଼୍‌ ଆହ୍‌ନାତ୍, ହେଲେକେ ବାନ୍ଯା ମାନାୟ୍ ହାର୍ଦି କାମାୟ୍ କିଉନ୍।

ହେଦାଙ୍ଗ୍ କାଜିଙ୍ଗ୍ ମାନାୟାର୍ କାମାୟ୍‌ତିଙ୍ଗ୍ ହୁଡ଼୍‌ଜି ମାନାୟାରିଙ୍ଗ୍ ପୁନିୟା ଆନାତ୍। ମାନାୟାର୍ ୱାଡ଼ି ମାର୍‌ତାଙ୍ଗ୍ ଅଙ୍ଗୁର୍ ପାଡ଼୍‌ ଏଚୁର୍। ଆରେ ୱାଡ଼ି ମାର୍‌ତାଙ୍ଗ୍ ତଗାପାଡ଼୍‌ ଏଚୁର୍।