यूहन्ना 10-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

चोरवा ते भेँरीनहे चोराई, मारे और नाश पारे किल आइत। मै ते ओइने जित्ती रहिँत और कबु नै मुइँत कहिके अइनु।

मै मजा भेँरहुवा हुइतुँ। मजा भेँरहुवा अपन भेँरीनके लग अपन ज्यान दैदेहत।

जसिके भेँरी अपन अस्ली भेँरहुवक बोली चिहिन्थाँ, ओस्तेके मोरिक मनै मोरिक बातमे ध्यान देथाँ। मै ओइन्हे चिहिन्थुँ, और ओइने मोरिक चेला बनगिल बताँ।

ओइन्हे मै सदाकालके जीवन देथुँ, और ओइने कबु नाश नै हुइहीँ, और केऊ फेन ओइन्हे महिन्से छिनके नै लैजाई।

दवार महिँए हुइतुँ, यदि कौनो मनैया मोर सोज भित्तर जाई कलेसे परमेश्वर उहिहे बँचैहीँ, और ऊ भित्तर-बाहेर अइना-जैना करी और खाइक लग खाना भेटाई।

मै मजा भेँरहुवा हुइतुँ, मै अपन भेँरीनहे चिहिन्थुँ, और मोरिक भेँरी महिन्हे चिहिन्थाँ।

मोरिक बाबा मोरिक भेँरी महिन्हे देले बा; ऊ सक्कुहुनसे महान बा। ओइन्हे बाबासे केऊ फेन छिनके नै लैजाई। बाबा और मै एक्के हुइती।”

जसिके बाबा महिन्हे चिन्हत, ओस्तेके मै बाबाहे चिहिन्थुँ और मै भेँरीनके लग अपन ज्यान देथुँ।

केऊ महिन्से मोरिक ज्यान लेहे नै सेकी, पर मै अपन इच्छासे अपन ज्यान देथुँ। अपन ज्यान देना अधिकार मोरिक थेन बा और फेनदोस्रे लेना अधिकार फेन मोरिक थेन बा। काकरेकी यी वहे आज्ञा हो जोन मै मोरिक बाबक थेनसे भेटाइल बतुँ।”

तबेकमारे येशू ओइन्हे फेनदोस्रे कलाँ, “जात्तिके, मै तुहुरिन्हे कहतुँ, मै वहे दवार हुइतुँ, जोन सोज भेँरी खोरमे जैथाँ।

भेँरी चह्राइक लग भारामे धारगिलक मनैया जब बवाँसाहे आइत देखी ते ऊ भेँरीनहे छोरके भागजाई। काकरेकी ऊ ओइन्के भेँरहुवा नै हो, और भेँरी ओकर नै हुइतिस। तबेकमारे बवाँसा भेँरीनके बगालहे हमला करत, और बगालहे छिदिरबिदिर पारदेहत।

येशू कलाँ, “जात्तिके, मै तुहुरिन्हे कहतुँ, जे भेँरीनके खोरके दवार सोज भित्तर नै पेलत। पर दोसुर ओहोँरसे भिता टुरके जाइत कलेसे उ चोरवा और डाँका हो।