निउतरह्या 2-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

पत्रुस ओइन्हे कहल, “अपन मन बदलके पाप करना छोरदेऊ, और तुहुरे प्रत्येक जाने अपन-अपन पापके माफिक लग येशू ख्रीष्टके नाउँमे डुब्कि लेऊ; तब् तुहुरे पवित्र आत्मक वरदान भेटैबो।

ओइने निउतरह्यनके संग सिखिँत, और संगति करिँत। और ओइने प्रभुभोजमे शामिल हुइँत। और सक्कु विश्वासीन एक्के संग अपन खाना खाइँत, और हरदम प्राथनामे लग्ले रहिँत।

तब् ओइने सक्कु जाने पवित्र आत्मासे भरगिलाँ। और ओइन्हे पवित्र आत्मक देहल वरदान अनुसार ओइने मेरमेरके भाषामे बोले लग्लाँ।

तब् स्वर्गमेसे एकफाले भारी बयालके बौखा हस एकथो आवाज आइल। और ओइन्के बैठल पूरा कोन्तीमे फैलगिलिन। तब ओइन्के आघे असिन आगीक मोँजा देखा पर्लिन, जोन मोँजक आकार जीभ हस रहिस। और उ अलग-अलग होके प्रत्येक जहनकेमे परगिलिन। तब् ओइने सक्कु जाने पवित्र आत्मासे भरगिलाँ। और ओइन्हे पवित्र आत्मक देहल वरदान अनुसार ओइने मेरमेरके भाषामे बोले लग्लाँ।

और ओइने प्रत्येक दिन एक्के मन बनाके मन्दिरमे एकजुट होके आराधना करिँत। और प्रभुभोजके लग एकदोसुर जहनके घरेम जमा हुइँत। और ओइने खुशी और शुद्ध मनसे मिल्जुलके खाना खाँइत। और ओइने परमेश्वरके प्रशंसा करिँत। और सक्कु जाने यनसे खुशी रहिँत। और जोन-जोन मनैनहे मुक्ति मिलिन, ओइन्हे दिन-दिने प्रभु यनके समूहमे शामिल करादिन।

आखिरी दिनमे असिन हुई कहिके परमेश्वर कथाँ। ‘मै सक्कु मनैनहे मोरिक आत्मा देहम। और तुहुरिन्के छाईछावन अगमवाणी बोल्हीँ। और तुहुरिन्के जवान मनै दर्शन देख्हीँ। और तुहुरिन्के बुह्राइल मनै सपना देख्हीँ।

और विश्वास करुइया उ सक्कु जाने एक्के संग बैठिँत। और ओइन्के थेन रलक सक्कु चिज ओइने एकदोसुर जहनहे बाँतिँत्। ओइने अपन सम्पति और सामान बेँचबेँचके जिही-जिहिहे ज्या-ज्या चिजके जरुरी परिन, ओइन्हे उ चिज बाँटदिँत।

और उ समयसे आघे जे-जे परमप्रभुक नाउँ लिहीँ, उ सक्कु जाने मुक्ति भेटैहीँ।’”

प्रभुक महान और गौरवमय दिन अइनासे आघे सूर्य अंधार होजाई। और जोन्ह्याँ खुन हस होजाई।