Jon 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Yeso ghayn abú úŋwən kwi, “Amə ingəŋ zənə imə naʼa itəni. Cha injəy mi noʼo zaŋa wa ŋunə u zaʼa aboʼo inyi. Cha adoʼ mi noʼo izom abú wa ŋunə u beni anó zənə amə ighayn.

Amə Azugə Nwiye amə naʼa itəni. Cha wa inyoŋ atəw mə naʼa ma itəni. Inayn zənə a si nayn inen iyə nə Azugə Nwiye, iyə nibə naʼa itəni.

Ka mbən mə faʼa ngwən aba da imə nə aghəy jəgi zənə amə ibɨy. Mbən faʼa da imə nə umbənə umi tənə. Ughəy wu umbi aghəy mbən jəg itəni nu cha imi noʼo imey. Zəŋ amə ughəy jəgi mbənə ŋwə̂ Wa mi naʼ inen. Nwiye Mbaʼ si naʼ ika abú uŋwən kwi u aghəy nigə.”

Anó zənə uŋu Mbaʼ kabay amə kwi, ba jum mbənə u zən Ŋwə̂ ibeni uŋwən, umbi jəg itəni nu cha imi noʼo imey. A yi zəmə uŋwən anəy zənə isəg mi nwi.”

Yeso ywiri abú úŋwən kwi, “Anó zənə Nwiye kaba amə kwi mbən beni wa ŋunə uŋwən tomo.”

Ba jum mbənə Mbaʼ naʼa iniŋ umbi zaʼa aboʼo inyi. Anigə cha ami noʼo fuw wa moʼ ŋunə u zaʼa aboʼo inyi

Sayimon Pita ywiri abú uŋwən kwi, “Asɨyisəg, mba mi ŋu abú ingwa? Aba ugwə mə nə inayn zənə imə naʼa itəni.

Amə ingəŋ zənə imə naʼa itəni nu iswiʼi azobo. Wa moʼ ŋunə u jəgə ingəŋ zəŋ, uyi tənə akə ighari feyn. Ingəŋ zənə ami na kwi isəg jum jəg itənə amə inyi nyə̂ inyo.”

Wa moʼ ŋunə u zaʼa aboʼo inyi kyay kwi amə mbaʼ ŋunə u tomo aŋu ghəw uŋwən kwi u zaʼa aboʼo inyi. A yi zəmə uŋwən anəy zənə isəg mi nwi.

Ingəŋ zənə Nwiye naʼa amə uŋwən ŋunə u swiʼi azobo. Amə uŋwən ŋunə uswiʼi azobo u naʼa itəni abú ba ungɨŋ isəg.”

Amə ingəŋ zənə imə naʼa itəni.

Amaʼazənə mbə́ chomo, Yeso num umbimi ingəŋ wu, chaʼara Nwiye ghaba abú ba mbənə mbə́ mə́ awu. Yə nibi aghəy ichin ichin akə isu wu. Ba jum num akə inji zənə mbə kabay. Amaʼazənə ba jum si jəg ikod, Yeso ghayn abú mbə məŋə-anó ma kwi, “Mbən fere ikəg tənə ibuʼe da ka akəg moʼ nim ma.”

Amaʼazənə mbə si fiy abaŋ ugwi wu ka ukiromata itəŋ kə ukiromata ifəw, mbə́ zən Yeso u mə yeŋ zaʼa igun animini wu. Yə́ mə́ yeŋ ŋuw iyad abaŋ ugwi wu. Amaʼazənə mbə́ zən uŋwən, mbə god kwaʼa azəd. Asɨmə Yeso ghayn abú úŋwən kwi, “Ka mbən mə goro ngwən, amə umugə!”