मती 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

लोकसब डिबिया नेसके ढकियासे नै झापैछै, महज डैठमे राखैछै आ उ डिबिया घरमे रहैबला सबके खातिर इजोत दैछै। अहिनङ तोरोसबके इजोत लोकसबके बिचमे चम्‍के, जहिनङ लोकसब तोरासबके असल काम देखके, स्‍वरगमे रहैबला पिताके परसन्‍सा करे।”

“तुसब सन्‍सारके इजोत चिही। पहारमे रहल सहर घोसरैले नै सकैछै।

धैनके चियै सुध हिरदयबलासब, कथिलेत उसब परमेस्‍वरके देखतै।

धैनके चियै धारमिकताके खातिर भुखल-पियासलसब, कथिलेत उसब अघाइतै।

महज हम तोरासबके कहैचियौ, आपन दुस्‍मनोसबसे परेम कर आ तोरासबके सताबैबलासबके खातिर परथना कर

धैनके चियै आपनके आत्‍मिक रुपमे कमजोर बुझैबलासब, कथिलेत स्‍वरगके राज ओहिनेसबके चियै।

धैनके चियै मेल-मिलाप कराइबलासब, कथिलेत उसब परमेस्‍वरके बेटा-बेटी कहाइतै।

धैनके चियै सोक करैबलासब, कथिलेत ओइसबके सान्‍ती मिल्‍तै।

धैनके चियै धारमिकताके खातिर सताबट भोगैबलासब, कथिलेत स्‍वरगके राज ओहिनेसबके चियै।

धैनके चियै दया करैबलासब, कथिलेत उसब दया पाबतै।

“धैनके चिही तुसब, जब लोकसब हमर खातिर तोरासबके अपमान करतौ, सताइतौ आ झुठ बाइज-बाइजके तोरासबके बिरोधमे सब तरहके अधलाह बात कहतौ। तब खुसी आ आनन्‍द मना, कथिलेत तोरासबके खातिर स्‍वरगमे बरका इनाम राखल छौ। अहिनङे तोरासबसे पहिनेके अगमबक्‍तासबके उसब सताइने रहै।

धैनके चियै नरम स्‍वभाब भेल्‍हालसब, कथिलेत उसब पिरथिबीमे अधिकार करतै।

“तुसब पिरथिबीके नोन चिही, महज नोनके सबाद उइरजेतै त फेनो कोन चिजसे नोनगर हेतै? उ त काम नै लागैबला भ्‍याके फेकलजेतौ आ लोकसब ओकरा आपन टाङसे धाङै बाहेक औरो कोनो कामके नै हेतौ।

जनङ स्‍वरगमे रहैबला तोरासबके पिता सिध छौ, तोरोसबके ओहिनङे सिध हेबे परतौ।”

तोरासबके कहल बचन ‘हँ’ त ‘हँ’ ‘नै’ त ‘नै’ मातरे कह। अकरसे बेसी बाजैचिही त उ सैतानसे आबैछै।

“तुसब सुन्‍ने चिही, एहेन कहलगेल छेलै, ‘आँखके बदला आँख आ दाँतके बदला दाँत।’ महज हम तोरासबके कहैचियौ, दुस्‍ट लोकके कुछो नै कर। कोइ तोहर देहना गालमे थपराइतौ त, ओकर सामने दोसरो गाल थैप दहै।

यदी तोहर देहना आँख पाप करैले लगाइछौ त ओकरा निकाइलके फेक दहै, कथिलेत तोहर सौसे देह नरकमे जाइसे बरु तोहर देहसे एकटा हटेनाइ असल हेतौ। यदी देहना हाथ तोरा पाप करैले लगाइछौ त ओकरा काइटके फेक दहै। कथिलेत तोहर सौसे देह नरकमे जाइसे बरु तोहर देहसे एकटा हटेनाइ असल हेतौ।