যোহন 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যে সেই পুয়োবো উগুরে বিশ্বেজ্ গরে তার্ কনঅ বিচের্ ন-অয়, মাত্তর্ যে বিশ্বেজ্ ন-গরে তারে দুষি বিলি আগেত্তুন্ ধুরি ঠিগ্ গরা ওইয়্যে, কিয়া তে গোজেনর্ বানা এক্কোগুরি পুয়ো উগুরে বিশ্বেজ্ ন-গরে।

তারে দুষি বিলি ঠিগ্ গরা ওইয়্যে কিয়া জগদত্ পহ্‌র এচ্চ্যে, মাত্তর্ মান্‌জ্যর্ কামানি ভান্ন্যেই বিলি মানুচ্ পহ্‌রত্তুন্ আন্ধাররে বেশ্ কোচ্‌পেইয়োন্।

তাত্তুন্ দাঙর্ ওই উদো পুড়িবো আর মত্তুন্ সুরি যা পুড়িবো।”

যে কেঅ অন্যেয় কাম্ গুরি থেলে তে পহ্‌রানরে ঘিনায়। তার্ অন্যেয় কামানি ফগদাং ওই পুড়িবো বিলি তে পহ্‌রঅ ইধু ন-এজে।

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

মোশি যেবাবোত্যেগুরি ধূল্যেচর-চাগালাত্ সেই সাপ্পোরে অজলত্ তুল্ল্যে সেবাবোত্যেগুরি মান্‌জ্য পুয়োবোরেয়ো অজলত্ তুলো অবঅ

বাবে পুয়োরে কোচ্‌পায় আর তা আঢত্ বেক্কানি দিয়্যে।