John 10-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“The reiver comes‐na but for to steal, and kill, and ding doon. I come that they may hae life, and mair rowth oʼt.

“I am the Gude Shepherd; the gude shepherd gies his ain life for his sheep.

“My sheep hear my voice, and I ken them, and they follow me.

“And I wull gie Eternal Life to them, and nane sal rive them oot oʼ my haun.

“I am the door; gin ony man come ben by me, he sal be saved, and sal gang oot and in, and fend weel.

“I am the Gude Shepherd, and ken my ain, and my ain ken me.

“My Faither, wha has gien them to me, is michtier nor I, and nane is fit to rive them oot oʼ my Faitherʼs haun. “I and my Faither are ane.”

“And the Faither kens me, and I ken the Faither; and I gie my ain life for the sheep.

“Nae man rives it frae me, but I lay it doon oʼ mysel. I hae strenth to lay it doon, and strenth to tak it up again. This commaun hae I oʼ my Faither.”

Than Jesus spak to them again, “Truly, truly say I tʼye, I am the door oʼ the sheep!

“But the orra man for a fee, wha isna the herd, and auchts‐na the sheep, whan he sees the wolf comin doon, leaʼs them and flees; and the wolf grips them, and skails them abreid.

“Truly, truly say I tʼye, He wha comes‐na ben by the door intil the fauld, but speels up by some gate oʼ his ain, is but a thief and a reiver.