मत्ती 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

सबसु पेली थे परमेसर को राज हेरो अर सई गेल्‍ला मं चालो तो ये सबळी चीजा थान्अ मतई मल जाव्अली।

तड़का की चन्ता मत करो, क्युं क तड़का की चन्ता वो खुद ही कर लेव्अलो। आज बेई तो आजको दुख ई घणु।”

“म थान्अ खेऊ छु क जीबा बेई खाबा-पीबा की अर ई काया बेई लत्ता की चन्ता छोड़द्‍यो। या जन्दगी रोटी सुं अर या काया लत्ता सुं ज्यादा कोन्अ कांई?

पण ज्दया तु परातना करअ तो खुदकी कोटड़ी मं चलजा अर कुवाड़ जुड़र छान्अ सेक खुदका परम-पिता सुं परातना कर। फेर थारो परम-पिता ज्यो लुखर थारा कर्या कामा न्अ देख्अ छो, तन्अ उंको पाछो फळ देव्अलो।

तो थे अस्यान परातना करब्अ करो; “हे! सरग मं बेठ्‍या म्हाका बाप, थारो नांऊ पवितर रेव्अ। थारो राज आव्अ, थारी मरजी जस्यान सरग मं पूरी होव्अ छ, वस्यान ई धरती प बी पूरी होव्अ।

म्हाका सारअ दन की रोटी आज मान्अ दे।

म्हाकी गलत्या छमा कर, जस्यान मं म्हारा अपराधी न्अ छमा कर्यो छु।

म्हान्अ पाप की परक्ष्या मं मत पड़बाद्अ, पण बराई सुं बचा। क्युं क राज, सामर्थ अर महमा सदा थारी छ। आमीन!”

“थे दूसरा का अपराध छमा करअला तो थांको सरगहाळो बाप बी थान्अ छमा करअलो।

देखो आम्बर का जन्दावर न्अ तो बाव्अ अर न्अ काट्अ अर न्अ वे कोठ्‍यार मं नाज भरअ पण थांको सरगहाळो बाप वांको बी पेट भरअ छ तो थे वासुं साउटा खास कोन्अ कांई?

“धरती प खुद बेई माया मत जोड़ो क्युं क अण्डअ जंग अर किड़ा लाग्अ छ, अर चोर मोको देखर उन्अ चोर'र लेजाव्अ छ। पण सरग मं खुद बेई माया जोड़ो, जण्ढ्अ न्अ तो जंग लाग्अ अर न्अ किड़ा उन्अ खाव्अ अर न्अ चोर चोरी करर लेजाव्अ। क्युं क जण्ढ्अ थारो धन छ उण्डअ थारो मन बी लाग्यो रेव्अलो।

“कोई बी मनख एकलार दो मालिका की सेवा कोन्अ कर सक्अ। वो तो एक सुं बेर अर दूसरा सुं हेत रखाण्अलो, या फेर एक को मान अर दूसरा को नरादर करअलो। थे परमेसर अर माया दोन्या की सेवा एकलार कोन्अ कर सको।

जिसुं कांकड़ को चारो ज्यो आज छ पण तड़क्अ ज्यांन्अ आग मं बाळ्अला, वान्अ परमेसर अस्या लत्ता पेराव्अ छ तो ओ अदगाबला बस्वासहाळावो, वो थान्अ ओर सावटा लत्ता कोन्अ पेराव्अलो कांई?

पण ज्दया थे दान देवो तो ज्यो थांको जीवणो हाथ करअ उंको तोल बावळ्या हाथ न्अ बी कोन्अ पड़णी चायजे। जिसुं थांको दान छान्अ रेव्अ, अर ज्दया थारो बाप ज्यो छान्अ सेक देख्अ छ थन्अ उंको फळ देव्अलो।”

“सावधानर्यो! थे मनखा न्अ दखाबा बेई खुदका धरम का काम मत करो, नतरक्अ आपणा सरगहाळा परम बाप सुं थान्अ कांई बी फळ कोन्अ मल्अलो।

“ज्दया थे बरत करो तो ढोंग करबाळा की न्याई मुण्डो लटकार बरत मत करज्यो। वे खुदका मुण्ढा न्अ अस्यो उतार लेव्अ छ क दूसरा मनख या समझ्अ क वो बरत करर्यो छ। म थां मनखा न्अ सांची खेऊ छु क वान्अ वांको फळ मलचुक्यो। ज्दया थे बरत करो तो मुण्ढा न्अ धोल्यो अर खुदका माथा मं तेल लगावो, जिसुं मनखा न्अ नही पण थांका बाप न्अ ज्यो अन्तरयामी छ, यो दिख्अ क थे बरत करर्या छो। थांको बाप ज्यो अन्तरयामी छ, थान्अ फळ देव्अलो।