ಮತ್ತಾಯೆ 10-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“ತೂಲೆ, ಚೆನ್ನನಾಯಿಲೆ ನಡುಟು ಕುರಿಕುಲೆನ್ ಪೊಗ್ಗಾಯಿಲೆಕ್ಕ ಯಾನ್ ನಿಕ್ಲೆನ್ ಕಡಪುಡ್ದು ಕೊರ್ಪೆ. ಅಂಚಾಯಿನೆಡ್ದ್ ಸರ್ಪೊಲೆ ಲೆಕ್ಕ ಬುದ್ಧಿವಂತೆರ್ಲಾ ಪಾರಿವಾಳದ ಲೆಕ್ಕ ಕಪಟದಾಂತಿನಾಕುಲುಲಾ ಆದುಪ್ಪುಲೆ.

ತನ ಪ್ರಾಣೊನು ಕಾತೊನುನಾಯೆ ಅವೆನ್ ಕಳೆವೊನ್ವೆ; ಆಂಡ ಎಂಕಾದ್ ತನ ಪ್ರಾಣೊನು ಕಳೆವೊಂಡಿನಾಯೆ ಅವೆನ್ ಕಾತೊನ್ವೆ.

ಉಂದತ್ತಂದೆ ಶರೀರೊನು ಕೆರ್ದ್ ಆತ್ಮೊನು ಕೆರಿಯೆರೆ ಆವಂದಿನಾಕುಲೆಗ್ ಪೋಡ್ಯಡೆ, ಆತ್ಮ ಶರೀರ ರಡ್ಡೆನ್ಲಾ ನರಕೊಡು ಪಾಡ್ದ್ ನಾಶ ಮಲ್ಪುನ ದೇವೆರೆಗ್ ಪೋಡಿಲೆ.

ಬೊಕ್ಕ ಏರಾಂಡಲಾ ತನ ಕ್ರುಸ್ಸುನು ಪತ್ತೊಂದು ಎನ ಬೆರಿಯೆ ಬರಂದಿನಾಯೆ ಆಯೆ ಎನ ಶಿಷ್ಯೆ ಆವೆರೆ ಯೋಗ್ಯದಾಯೆ ಅತ್ತ್.

“ಅಂಚಾಂಡ ಏರ್ ಜನೊಕುಲೆ ಎದುರು ತಾನ್ ಯೇಸುನಾಯೆ ಅಂದ್‌ದ್ ಒಪ್ಪಿಯೊನ್ವೆನಾ, ಯಾನ್ಲಾ ಆಯನ್ ಎನ್ನಾಯೆ ಅಂದ್‌ದ್ ಪರಲೋಕೊಡುಪ್ಪು ಎನ ಅಮ್ಮೆರೆ ಎದುರು ಒಪ್ಪಿಯೊನ್ವೆ. ಆಂಡ ಏರ್ ಜನೊಕುಲೆ ಎದುರು ತಾನ್ ಯೇಸುನಾಯೆ ಅತ್ತ್ ಅಂದ್‌ದ್ ಪನ್ಪೆನಾ ಆಯನ್ ಯಾನ್ಲಾ ಪರಲೋಕೊಡುಪ್ಪು ಎನ ಅಮ್ಮೆರೆ ಎದುರು ಎನ್ನಾಯೆ ಅತ್ತ್ ಅಂದ್‌ದ್ ಪನ್ಪೆ.

ಸೀಕ್‌ದಾಕುಲೆನ್ ಗುಣ ಮಲ್ಪುಲೆ, ಸೈತಿನಕುಲೆನ್ ಬದ್‌ಕಾಲೆ, ಕೊಷ್ಟ ಪತ್ತ್‌ದಿನಕುಲೆನ್ ಶುದ್ಧ ಮಲ್ಪುಲೆ. ದೆವ್ವೊಲೆನ್ ಬುಡ್ಪಾಲೆ, ನಿಕ್ಲೆಗ್ ಧರ್ಮೊಗು ತಿಕ್ಕ್‌ದ್ಂಡ್, ಧರ್ಮೊಗೇ ಕೊರ್ಲೆ.

ಅಂಚಾಯಿನೆಡ್ದ್ ಪೋಡ್ಯಡೆ; ಮಸ್ತ್ ಗುರ್ಬ್ಬಿಲೆಡ್ದ್‌ಲಾ ನಿಕುಲು ಹೆಚ್ಚ್‌ದಾಕುಲು.

“ಭೂಲೋಕೊಡು ಸಮಾಧಾನ ಉಂಡು ಮಲ್ಪೆರೆ ಬೈದೆ ಅಂದ್‌ದ್ ಎನ್ನಡೆ. ಸಮಾಧಾನೊನು ಪುಟ್ಟಾವೆರೆ ಯಾನ್ ಬೈದಿಜಿ, ಕತ್ತಿನ್ ಪಾಡಿಯೆರೆ ಬೈದೆ.