मत्ती 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

मिनख दिओ जळार कुंडा तळै कोनी म्हेलीं पण आळ्या म म्हेलीं हीं जिऊँ घर म आबा-जाबाळा मिनखानै च्यानणो दिख सकै। थारा चोखा काम बि दिआ क च्यानणा की जंय्यां चमकणा चाए जिऊँ दुसरा मिनख भला कामानै थारै जरिए देख सकै अर थारा परम-पिता की जखो ईस्बर नगरी म ह बिकी बडाई करै।

थे जगत का मिनखा ताँई च्यानणा हो। अर जखी नगरी डूँगर प ह बा कोनी लुख सकै।

भागहाळा ह बे जाको मन परमेसर की नजर्या म पबितर ह; बे परमेसरनै देखसी!

भागहाळा ह बे जखा धरम का काम करबा ताँई भूखा हीं; परमेसर बाकी इंछ्या पूरी करसी!

पण म थानै खेऊँ हूँ क थे थारा दुस्मनाऊँ परेम करज्यो। अर जखो थानै सतावै, बा ताँई बी अरदास करज्यो।

“भागहाळा ह बे मिनख जखा आत्मा का भूखा हीं; क्युं क ईस्बर नगरी को राजपाट बाकोई ह!

भागहाळा ह बे जखा मेळमिलाप करावै ह; बे परमेसर का टाबर खुवासी!

भागहाळा ह बे जखा रोवै ह; क्युं क परमेसर बानै स्यांती देसी!

भागहाळा ह बे जखा धारमिक्‍ता की बजेऊँ सताया जावै ह, क्युं क ईस्बर नगरी को राजपाट बाकोई ह!

भागहाळा ह बे जखा दयालु ह; क्युं क बापै दया करी ज्यासी!

भागहाळा हो थे जखा मनै मानबा की बजेऊँ मिनख थानै सतावै ह, थारी बेजती करै अर झूठ बोलर हर बाता म थानै बुरा बतावीं हीं। जणा थे राजी होज्यो क्युं क ईस्बर नगरी म थानै इको फळ मिलसी। क्युं क बे तो परमेसर की खेबाळानै बी जखा थारूँ पेली हा बानै बी अंय्यांई सताया हा।

भागहाळा ह बे जखा सूदा हीं; बे धरती का हकदार होसी!

“थे धरती का सगळा मिनखा ताँई लुण हो; पण जद लुण मऊँ सुवाद चल्योजा जणा बिनै ओज्यु चरचरो कोनी बणायो जा सकै। अर नइ बो कोई काम आवै। पण बिनै फेक दिओ जावै ह, जिऊँ बो लोगा क पगा तळै मसळ्यो जावै ह।

इ ताँई थानै सिद बणबो चाए, जंय्यां की ईस्बर नगरी म रेह्बाळो थारो परम-पिता सिद ह।

पण थारी बात ‘हाँ’ की ‘हाँ’ अर ‘ना’ की ‘ना’ हो। क्युं क जखो मिनख इकै अलावा क्युं बोलै ह जणा बो सेतान कानिऊँ ह।

“थे जाणो हो थानै ओडायो गयो हो क, ‘आँख क बदलै आँख अर दांत क बदलै दांत।’ पण म थारूँ खेऊँ हूँ थे थारै सागै बुराई करबाळा क सागै बुराई मना करज्यो। पण ज कोई थारै दाया गाल प थपड़ मारै जणा बिकै कानि दुसरो गाल बी आगै कर दिज्यो।

इ ताँई ज तेरी दाइणी आँख तनै पाप करावै जणा तू बिनै फोड़ दे; क्युं क तेरै ताँई ओई भलो ह क तेरी काया को एक अंग नास होज्या पण तेरी सगळी काया नरक म जाबाऊँ बच जावै। अर ज तेरो दाइणो हात तनै पाप करावै जणा बिनै काट फेक; क्युं क तेरै ताँई ओई भलो ह क तेरी काया को एक अंग नास होज्या पण तेरी सगळी काया नरक की आग म जाबाऊँ बच जावै।