मत्ती 2-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

बे घर म जार बि टाबरनै बिकी माँ मरीयम कनै देख्या, अर बि टाबर क आगै धोक खाई। अर आप-आपका झोळानै खोलर बिकै सोनो, लोबान अर धूप की भेंट चढाई।

हेरोद राजा क राज करबा का दिना म यहूदिआ क बेतलम म ईसु को जलम होयो जणा अगुणी दिसाऊँ क्युंक ज्योतसी जखा चाँद-तारा को ज्ञान राखता हा यरूसलेम म आया। बे बुज्या, “यहूदि मिनखा को राजा होबा ताँई जलम्यो बो टाबरियो कठै ह? बिको तारो अगुणी दिसा म उग्यो जणा म्हें बि तारानै देख्या। म्हें बि टाबर की भगती करबा आया हा।”

जद बे बि तारानै देख्या जणा बोळा राजी होया।

जद ज्योतसी सोर्या हा जणा सपना म परमेसर बानै चेतायो क, हेरोद कनै मना जायो, जणा बे दुसरा गेलाऊँ आपकै देस चलेग्या। ज्योतस्याँ क चल्या जाबा क पाछै परबु को एक ईस्बर नगरी दुत युसूफनै सपना म दरसाव देर ओडायो, “उठ अर टाबर अर बिकी माँनै लेर मिसर देस म भागज्या अर जद ताँई म तेरूँ नइ बोलुँ जद ताँई बठैई रेह्जे; क्युं क राजा हेरोद इ टाबरनै ढुंढर्यो ह। बो इनै मारबो चावै ह।”