Luka 17-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Hanyuma yakamutya yuyo munhu, “Winuce wubite, wihuwilo wako wukuponya.”

Hamba yakusutizye kali mupunghati, mwizuwa limonga, na hono yakusutya yakukuziza no kukutya ‘Nghunena,’ wumunenelaje.”

No muyawo monga, yaza wona vyono yapona, yakawuya yakumulumbo Mulungu ne lizi yiwaha; yakegwisa hasi ha mwande ye magulu ga Yesu, akuno yakumulumba. Nayo yali Musamaliya.

Mulanjilile! Hono nduguyo yakusutizye, wumukaje; na hono yanene wumunenelaje.

Baho Yesu yakatya, “Alu, si wali wanhu yikumi wono wezigwe? Awalya we licenda wali hayi lu?

Nayo Muwaha yakawatya, Hono mwali muwe no wihuwilo wudodo kotya nhe mhece ya haladali, mwali muwulonjele mubici wuwu wo mukuyu mukutya, kulice wukehadice mwi'lenga, nawo wali wumuhulicenyi.

Muli wose mono kolondola kuponya nhumbula yakwe, koyajiliza, ninga muli wose mono koyajiliza, yo koyiponya.

Yesu yakawatya wejizwa wakwe; “I mewajizo gono gakuwakwega wanhu ho wetume wubi; si goleka kuza, ninga woyi he kuli munhu yuyo mono yakugaleta! Ciba yali yawopelezwe lizala yiwaha mu singo, yatagwe mwi'lenga, si nha kumwiwajiza mudodo monga muyagwe na wawa.

Nha vyono zali mu vilo vya Noha, vyo zolowa vilo vyo Mwana wo Munhu. Wanhu wajendelelaga kulya no kung'wa, kutola no kutolwa, sunga mwi'zuwa lililya lyono Noha yenjilila mu safina. Lihwazi likaza, likawawulaga wose.