Lúʼkáasʉ 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Pei zéi, pei tsúŋtə́ mbəʉ zéi ḿbáp, ńté ńgó Môu Ŋuu ghʉ̌ tó pə̂ mpfu yi káa pei yáa mə́ nzʉ̂ʼtə wéi yé.»

Pei lôu pə́ ndaʼ Ləfou Sê, ńjí ńgó Sê cʉ̌ʼ ŋə́ pfuʼ məzə̂u mei lə́ pei.»

Ə mbou ndáʼ lə́ ŋuu tsəm ngô: «Pei laghʼə́ tû zéi lə̂ nkə́ nyáŋ ntsâa pə̂ ngwô zə̂u, ńté ńgó káa ŋuu cî yé mbî ńté pə̂ məzə̂u mi a ghwǒ měi, tə mbaa ghíʼ a lə̌i mbə́i ngwǒ tə nkə́u pə́ ghó.»

Ńté ńgó yʉʼ yi məfuʼ méi pə́ wó, ntə̂ʉ wéi wo kə́ pə̂ yé pə́ yʉʼ wó lə́wó.

Tə mboʼ wǒ ŋuu lə́ pei cî ndə̂ nzʉ̌ŋ wó, ə́ kʉʼʉ́ məlǎp lə̂ ləcǐ-mbî ye?

Yěso kə̂ ncí ndâʼ lə̂ ngaŋə-jyêʼ-no ye ngô: «Ə̂ zə̂u yi ə́ ghʉ̌, m mə̂ ndâʼ wéi ńgó koo pei jwôghʼ nzʉ́ŋ ńté ləcǐ-mbî wei, ńté no zə̂u pei wo zʉ́, mbaa no ndǐ yi pei mǎʼ lǎghʼ pǒu mbəʉ zéi.

Tə mbaa mənyuŋu tû méi mə́tsəm, ə̂ mi kwaʼá. Koo pei nyâŋ mbôghʼ wéi có zə̂u. Lətəi-ndwuŋ wei lei yi mbuŋu məpuŋu!

Pye pâa, pei khwôghʼ lə́ koo pei pôghʼ wéi! Ńté ńgó Tə́ wei lə koŋ yé koŋə́, ə́ ŋə́ ləfou lə́ pei.

Pei náŋ məngə́ŋâa ńjwó: Káa gháp pə̂ mbî gháp zə̂u, káa kə́ pǒu pə́ pyê gháp ŋə̂ ndə̂, káa ghwo gháp ntaŋ, káa kə́ ghwo gháp nkəi; lə́ Sê pôu mə́ nzághʼə gháp. Pei jí ńgó pei ghwo lətəi-ndwuŋ ndêi pəshʉ̌ŋ.

Koo pei kə̂ njwóghʼ mbûʼ mbəʉ zéi ntê zə̂u yi pei wo zʉ́ tə mbaa pə́ yi pei wo nó.

Tə mboʼ Sê mâʼ məndǐ shʉʼʉ gháʼa lə́ ləghěi yi a jwôghʼ ntə̂ʉ nkâʼ leʼé wo, ə nzʉ̂ pôu fóghʼ pə́ soʼ mâʼ mǒghʼ, mə́i a cʉ́ʼ tó lə́ pei mǎʼ zarə́ mbə̂u ndǐ? Yêe pə̂i-ntə̂ʉ zéi khwôghʼ ée!

Ə zə̂u yi ə́ lwǒ táa kwǎr sʉ̂ lâʼ. No tsəm yi pə́ lóʼo cər ntsəm, pə táa njí.