Jâŋ 21-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Gháp zʉ̂ məzʉ̂ tə myâghʼ, Yěso túŋu Síməu Pyêh ngô: «Síməu môu Jâŋ, o koŋ ghâa tə ndêi ghíʼ pwo pye koŋ ghaa?» A pwôr ngô: «Ə̂ŋ Nde! O tsuŋu mə́ njî ńgó n nkoŋ ghô.» Yěso lâʼ lə́ zʉ́ ngô: «Pápə́ pôu məndənzʉ mâa.» Ə́ nkə́ ncí ntuŋú yé lə̂ mbâatə mpfu pwô ngô: «Síməu môu Jâŋ o koŋ ghâa?» A pwôr lə́ zʉ́ ngô: «Ə̂ŋ Nde, o tsuŋu mə́ njî ńgó n nkoŋ ghô.» Yěso lâʼ lə́ zʉ́ ngô: «Pápə́ mbî zâa.» Yěso kə̂ ncí ntúŋú yé lə̂ mbâatə mpfu tárə́ ngô: «Síməu môu Jâŋ, o koŋ ghâa?» Pyêh shʉ́ŋə sʉ̂ yé, ńté no Yěso túŋú yé lə̂ mbâatə mpfu tárə́ ńgó a koŋ yé? Ə́ ndǎʼ lə́ Yěso ngô: «Ə́ Nde, o pə̌ njî zə̂u tsəm, o tsuŋu mə́ njî ńgó n nkoŋ ghô.» Yěso lâʼ lə́ zʉ́ ngô: «Pápə́ mbî zâa.

Məŋ ndaʼ gho kwaʼ lə́nə́ʉ ńgó o lə pə́ môu-ngwəsəu, ə́ nkə̂r têi zô pə́ gho, ə́ ndə̂r lə̂ yʉʼ yi o kǒŋ; o táa lwǔŋ, ə́ ŋáʼá mbô mô, ŋuu ndeʼe lə̂ cʉ́ʼ nkə́r têi zô, ə́ ndaghʼ gho ńdə̌r lə̂ yʉʼ yi koo o yáa mə́ nkôŋ gho.»

A lâʼ lə́ páp ngô: «Pei máʼ lənkʉ lə̂ ndyəghʼə́ kənyúʼ yi təʉ lə̂ ndághʼ ńgǒu shû.» Gháp maʼ lənkʉ, ə́ ghou shû ə́ zâa tə káa gháp kə́ nkûʼ gháp lə̂ fú nci ńshúŋ lənkʉ.

Síməu Pyêh lâʼ lə́ páp ngô: «N ngwo wǒ mǎʼ shû!» Gháp laʼ lə́ zʉ́ ngô: «Paghʼə wo nǎa lə̌r.» Gháp pə pǎp naa ndə́r ə́ ngwo kə́u cər Kənyúʼ, ə́ ndé pə́ maʼ shû, lə́ káa ghou gháp có.