DUUCA 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Yaawä töwa’deuwödö töwä’ca’jäcä töwö cönä’döaacä Simón wwä: —Annacaane adiimacä, ajaajiyööcomo memaatäiye, na’cwacancomo mani’yätäiye; quee cönä’döaacä Jesuuquidiito.

Simón cöneccujä’acä, cönä’döaacä: —Owaanomaanei, coijaicho wadaadä ñaa netaadawa’cajoi ajäiyeeje’da. Yääje yeichaame amäädä adha’deddu woije mma jaji wema’ñojo; quee. Yääje chäwwäiñe tödööa’jäcä, na’cwacancomo cöni’yäicho jooje, ijaajiyööcomo töshiichajoone.

Töwö Jesuuquidiito töötä töweiye cönä’jaacä chö’cäi, soto ’jemjönö ña, Wanaadi wwä a’deuwe.

Chäänönga’como a’dejja’da we’ne, conemjönö dönnamoone, tötö’tajäätödööcomo sha’duminchaiyeto; quee cönä’döaacä Jesuuquidiito.

Yää eneea’jäcä Simón Peedhodo wwä, töwö tä’mudhe cönä’döi Jesuuquidiito je’taca; cönä’döaacä: —Cösancwacä amäädä Cajiichaana, conemjönö öwö; quee cönä’döaacä.

Jesuuquidiito cöneccujä’acä; cönä’döaacä chäwwäiñe: —Cädäijemjönö täjiichö’tänei ämjumma’da töweiye nai; cädäijato mmaane tumjumma.

Yaawä töwaajäiya’comjäcä, tönwanno tameedä tötaadawaajuichomo cöne’nomjaicho, Jesuuquidiito jadä töötädööcomo wetä.

Anejja jataawä Jesuuquidiito weichö, dhanwa woi ’jano yäätä cönä’jaacä. Jesuuquidiito töwwä eneea’jäcä, tä’mudhe cönä’döi ije’taca; chäwwä cönääjichö’täjaacä; cönä’döaacä: —Cajiichaana, yeejichö’tä’se aweiya’jäcä, yeejichö’täjai ma; quee cönä’döaacä. Yaawä Jesuuquidiito tamäädö que cönaajojoi; cönä’döaacä chäwwä: —Adheejichö’tä’se wa; nännamjö’ñojo mädä owoichö; quee cönä’döaacä. Yaawä dea mma yoichö cöne’jöi.

Töwääcadeeme’jo’se’da Jesuuquidiito weichaame jooje’cä mma chääcadö cöneecatai. Jooje soto töwe’jumma cönä’ja’to ñeecammajäätödö etaadö wetä, töwääjichö’täjoodöcoomo wetä mmaja.