DUUCA 21-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Yaaje yeijäcä äädai’chätääcä yeichöje; Wanaadi wwä adha’deutäcä weiñäje, tameedä mädä töweeja’dä’emö jonno määwanaacatäiye’de, Soto nnedö je’taca mä’dötäiye’de; quee cönä’döaacä Jesuuquidiito chäwwäiñe.

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

Yää shinchädö que aweichöcoomo michaana’caato’de.

Öwööne wu’a’de äwwäiñe awa’deuto’como, asejjedööcomo mmaja, tameedä ätu’de’tännamo wwäiñe ä’cana’cajo’da aweicho’como. Tönwanno eccujo’tojo ’je’da naato’de yaawä.

Caju maja, nono maja nataamea’de, öwö ya’deddu mmaane ataamejai’cha na.

“Yaawä shii, nuunä, shidiichä mmaja chu’tädööje naato’de. Sotoocomo edä nono de’woncomo natansu’daato’de. Dama wätu’medö weijäcä, madaataca wäätadö weijäcä mmaja, tönwanno nääcatoncaato’de. Soto nääcatoncaato’de towaadäädäiñe’da tödööene, nono de’wä yeeja’do’tojo nontädööje. Caju ña naadö jadä’jödöödä nätu’mea’de. Yaawä Soto nnedö neneeaato’de ca’dutu de’wä yeejödö, jäduuje, tawaanato töjääcä.

Änwanno mä’quiiñeme’cajaato’de tameedä soto wwäiñe sootoije aweichöcoomo jo’tädööje.

Nono wätu’medö joojato na’de aneetaja’cäcäiñene’jödöödä, ämi mmaja, cädäi mmaja. Täneemö tönoiñato caju ña näänea’de.

Yaawä wänä ecaadö eta’jäcä äwwäiñe, wewoodoichanä jäcä mmaja, määcatoncatäi’che. Mädääje awa’de yeeja’do’tojo na, yaatameedöjöönö mma yeichaame; quee cönä’döaacä Jesuuquidiito. Edääje mmaja töwö cönä’döa’dea chäwwäiñe: —Sotoocomo newääna’taato’de, acu’shänääcomo mmaja.

“Yaawä shii, nuunä, shidiichä mmaja chu’tädööje naato’de. Sotoocomo edä nono de’woncomo natansu’daato’de. Dama wätu’medö weijäcä, madaataca wäätadö weijäcä mmaja, tönwanno nääcatoncaato’de. Soto nääcatoncaato’de towaadäädäiñe’da tödööene, nono de’wä yeeja’do’tojo nontädööje. Caju ña naadö jadä’jödöödä nätu’mea’de.

Edääje mmaja töwö cönä’döa’dea chäwwäiñe: —Sotoocomo newääna’taato’de, acu’shänääcomo mmaja.

Jesuuquidiito cönä’döaacä chäwwäiñe: —Odhoowoinchadäiñe’da eichäcä, mätäncu’tojooto’no. Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe; “Chu’nädö aca nä’döi eduuwa;” quee töwä’döancädäiñe mmaja. Dha’dedducoomo mma maneetatäi’che.