JUAN 11-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Jesuuquidiito cönä’döaacä chäwwä: —Öwö ñäädä töwäämaajo jonno weja’canä edhaajä, do’ta edhaajä mmaja. Ñäädä yeecanö’nei, töwääma’jödö weichaame naadonca’de. Ñäädä öwö yeecanö’nei ääma’da na’de yeichöje. ¿Yääje yeichö mecaanö’anä amäädä? quee cönä’döaacä Jesuuquidiito.

Yaawä Jesuuquidiito cönä’döaacä chäwwä: —¿Yääje jönca wä’döaanä äwwä, ecaanö’a’jäcä äwwä Wanaadi jäduudu meneea’de; quee jönca wä’döaanä? quee cönä’döaacä Jesuuquidiito.

Yaawä Jesuuquidiito cönaamoi.

Jesuuquidiito wwä eta’jäcä töwö cönä’döaacä: —Yää chäädäichö wäämato’jönö mma, jäduuje Wanaadi weichö eneejotoojoone, jäduuje Wanaadi nnedö weichö eneejotoojo mmaja; quee cönä’döaacä.

Yääje töwa’deuwödö’jo täta cöna’deuwöi: —Dáasado, adheeja’cacä; quee cönä’döaacä. Yaawä ñäädä yäämaajä’jödö cöneeja’cai. Dhamäädö, i’judu mmaja tömööjä’e cönä’jaacä yäämaajä iwontotoojo que. Ijeedö töwonque cönä’jaacä jaañaweeda que. Yaawä Jesuuquidiito cönä’döaacä soto wwäiñe: —Yoncatääcä eduuwa, oojoimaiye; quee.

Yaawä Jesuuquidiito cone’da cönä’döjoi chea; cönä’döi yaawä äwa döiña. Yää cönä’jaacä ya’tadö mmädä; täju cönä’jaacä ye’wä, dha’dutuuje tödööajä.

Yää ’jeje edääje mmaja Jesuuquidiito cönä’döa’dea: —Cöjimmotoncomo Dáasado nönö’ca; öwö wöta iiñöcöödö jonno emjaca; quee.