मत्ती 19-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

यीशु ने तिन्हा पास्से दिख्खी करी बोल्लेया, मणूआं तांइ ए नामुमकिन है, पर परमेश्वर तांइ सब किच्‍छ मुमकिन है।

इधेरे तांइ अवे से दोह्ई जणे बखरे-बखरे नी पर से इक्क-तन हिन इधेरे तांइ जे परमेश्वर ने जोड़े रा है, तिसजो कोई बखरा ना करो।

उन्हा जो यीशु ने जवाब दित्तेया, कै तुसा ने शास्त्र बिच नी पढ़े रा है कि दुनिया जो रचणे वाले ने सुरु बिच, उन्हा जो इक्क जनानी ते इक्क मड़द रे रुप बिच रचेया थिया? ते बोल्लेया थिया, इधेरे तांइ प्यो ते मां जो छड्डी करी मड़द अपणी लाड़ी कने दो हुन्दे भी इक्क तन रैह्णा।

यीशु ने बोल्लेया, निके-निकेयाँ जो मेरे का आणा देयो, इन्हा जो मत रोको, किजोकी स्वर्ग रा राज इदेयां रा ही है।

पर मते जणे जे अब्बे पैल्ले हिन, आखरी होई जाणे अते जे आखरी हिन, से पैल्ले होई जाणे।

ते मेरे तांइ जिनिए भी अपणा घर-बार, भैण-भ्याल, मां-प्यो, निके-निके या अपणे खेतरां जो छड्डी दित्तेया, तिसजो सौ गुणा जादा मिलणा अते तिनिए हमेसा री जिन्दगी रा भी हकदार बणना।

यीशु ने तिसजो बोल्लेया, जे तू पूरा सही होणा चाह्‍ंदा, तां जे किच्‍छ भी तेरे का है से बेच्ची करी पैसे गरीबां जो बंड्डी दे, ताकि तिज्जो स्वर्ग अन्दर धन-दौलत मिल्ले ते आई करी मेरा चेल्ला बणी जाओ।

तिन्हा ने तिसजो बोल्लेया, तू मेरे का भलाई रे बारे अन्दर किजो पूच्छेया करदा है? भला तां इक्क ही है, पर जे तू जिन्दगी जो पाणा चांदा, तां हुक्मां जो मन्नेया कर।

मैं तुसा जो फिरी बोल्ली दिन्दा कि अमीर मणू रा परमेश्वर रे राज अन्दर जाणे का इक्क ऊँट रा सुई रे भोक्क का घुसड़ी जाणा जादा असान है।

अते मैं तुसा जो बोलदा, कि जे भी मणू अपणी लाड़ी जो व्यभिचार जो छड्डी करी कुसकी होरसी वजह कने तलाक दिंगा ते दूज्जी लाड़ी ब्याह्ई लिन्गा, से व्याभिचार करदा ते जे तिस छड्डे री जनानी कने ब्याह् करगा, तिस तांइ से भी व्याभिचार ही होणा है।

तां यीशु ने अपणे चेल्‍लेयां जो बोल्लेया, मैं तुसा जो सच बोलदा कि अमीर मणू रा स्वर्ग रे राज अन्दर जाणा बड़ा मुस्कल ए।