यूहन्ना 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“मैं तुसा जो अपणी सांती देई करी जाया करदा है। जदेई सांती दुनिया रे मणू दिंदे तैसी सांती नी। तुसा रे दिल दुखी ना हो, ते ना ही डरे।”

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

तुसा रा मन दुखी ना हो। परमेश्वर पर विश्वास रख्खो, ते मेरे पर भी विश्वास रख्खो।

पर पिता ने मेरे नां कने भेजणा इक्क मददगार जो भेजणा जे पवित्रात्मा है, तिसने तुसा जो सब गल्लां सखाणी, अते जे किच्‍छ मैं तुसा जो बोल्लेया से सब गल्लां तिन्ने तुसा जो चेत्ता कराणी।

जे मेरे हुकमां जो जाणदा ते तिन्हा जो मनदा, से ही मेरे कने दाह-पीड़ रखदा अते जे मेरे कने दाह-पीड़ रखदा तिस कने मेरे पिता ने भी दाह-पीड़ रखणी, अते मैं तिस कने प्यार करणा ते अप्पु जो तिसेरे सामणे जाहिर करणा।

मैं पिता-परमेश्वर का प्रार्थना करगा, ते से तुसा जो इक्क मदतगार दिंगा, कि से हमेसा तुसा कने रेह्। मतलब से आत्‍मा, जे लोक्कां जो परमेश्वर रे सच रे बारे बिच एहसास दुआंदी, ते जिस जो दुनिया अपणाई नी सकदी, किजोकी से ना तां तिन्हा जो दिखदा ते से ना तिसजो जाणदा। तुसा तिसजो जाणदे, किजोकी से तुसा रे कने रैहन्दा, ते से तुसा बिच होणा।

जे किच्‍छ तुसा मेरे नां कने मंगणा, से मैं करणे, ताकि पुत्तर रे जरिए पिता री बड़ाई हो। जे तुसा मेरे नां च मंगगे, तां मैं तिसजो करगा।

जे तुसा मेरे कने प्यार करदे तां मेरे हुकमा जो मन्नो।

मेरे पिता रे घरे बड़ी सारी रैह्णे री जगाह् हिन, जे अगर जगाह् नी हुंदी तां मैं तुसा जो बोल्ली दैणा थिया, किजोकी मैं तुसा तांइ जगाह् तैयार करणे तांइ चलेया।

मैं जाणे रे बाद तुसा रे रैह्णे तांइ जगाह् तैयार करणी, ताकि फिरी आई करी तुसा जो अपणे कने उत्ते लेई जांगा ताकि जित्ते मैं रेयां तित्ते तुसा भी रेयो।

थोमा ने यीशु जो बोल्लेया, ओ प्रभु जी, असा नी जाणदे कि तुसा कुते जाया करदे हिन, तां रस्ता किय्यां जाणगे?