यूहन्ना 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

आऊँ तुसेंगी शान्ति देई जना ऐं, अपनी शान्ति तुसेंगी दिना ऐं; जियां दुनिया दिंदी ऐ, आऊँ उयां नेई दिंदा; थुआड़ा मन नेई कबरां ते नेई डरे।

यीशु ने उसी आखया, “रस्ता ते सच्च ते जिंदड़ी आऊँ आं; मेरे बगैर कोई पिता दे कोल नेई आई सकदा।

“थुआड़ा मन परेशान नेई उवै, तोस परमेसर उपर बश्वास करदे ओ मेरे उपर बी बश्वास करो।

लेकन मददगार मतलब पवित्र आत्मा जिसी पिता मेरे नाम च भेजग, ओ तुसेंगी सारीयां गल्लां सखाग, ते जे केछ मैं तुसेंगी बोला ऐ, ओ सब तुसेंगी याद कराग।”

जेदे कोल मेरे उक्म न ओ उनेंगी मनदा ऐ, उवै मेरे कन्ने प्यार करदे न; ते जेड़ा मेरे कन्ने प्यार करदा ऐ, ओस कन्ने मेरा पिता प्यार करग, ते आऊँ ओस कन्ने प्यार करगा, ते अपने आप गी ओस उपर परकट करगा।

ते आऊँ पिता कन्ने अर्ज करगा, ते ओ तुसेंगी एक ओर मददगार देग, के ओ मेशा थुआड़े कन्ने रौग। मतलब सच्च दा आत्मा, जिसी दुनिया कबूल नेई करी सकदी, किके ओ नां उसी दिखदी ऐ ते नां उसी जानदी ऐ; तोस उसी जांनदे ओ, किके ओ थुआड़े कन्ने रौंदा ऐ, ते ओ थुआड़े च ओग।”

ते जे केछ तोस मेरे नां च मगंगे, उवै आऊँ करगा के पुत्तर थमां पिता दी मैमा उवै। जेकर तोस मेरे कोलां मेरे नां च केछ मगंगे, तां आऊँ उसी करगा।”

“जेकर तोस मेरे कन्ने प्यार करदे ओ, तां मेरे उक्में गी मनगे।

मेरे पिता दे कर रौने लेई बड़ीयां जगां न, जेकर नेई ओदीयां हां, तां आऊँ तुसेंगी आखी ओड़दा हा, किके आऊँ थुआड़े लेई जगा त्यार करने गी जा करना ऐं।

ते जेकर आऊँ जाईयै थुआड़े लेई जगा त्यार करा, तां पी आईयै तुसेंगी अपने उत्थें लेई जागा, के जिथें आऊँ रवां, उत्थें तोस बी रवो।”

थोमा ने उसी आखया, “ए प्रभु, अस नेई जांनदे के तू कुत्थें गी जा नां ऐं; तां ओ रस्ता कियां जानचै?”