Yoane 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Zereda mi ahe na oni; gi zereda mi afu fu roni. Mi afu nga ha fu roni, wa aboro nafu he fu roni zegino te. Ka oni rúngo nga kpotoroni yo ya, ka oni gúnde nga a ya.

Yesu ki ya fu ko, “Mi nga gene, nga rengo, nga unga a; a nga boro sa ka ye koyo du Buba ni gbua te, kina mbiko re.

“Kaoni rúngo nga kpotoroni yo ya; oni ídi pa Mbori, oni ídi pa re a.

Gu Mounda, nga Ziazia Toro, gu ko Buba ka keda ko ni rimore, ko ayugo apai dunduko fu roni, ki ye na agu apai ku bangironi dunduko mi agumba fu roni.

Gu ni du gi rugute be ni ni ki ka kuti ni, kina ni nakpi nyemu re; gu ni du nyemu re ti ni Buba akpi nyemu ni akpi, mi akpi nyemu ni akpi a, ki yugu tire fu ni.”

Mi akpara fu Buba, ko fu kura Mounda fu roni, ko nye anye na oni kindi, nga gu Ziazia Toro nga irarengo; gu ko ka aboro adia nga ko ku gume zegino dunduko ya; bambiko i abi nga ko te, i aina nga ko a te. Oni ini ko; bambiko ko nye na oni, ko adú rogo roni yo.

Gu he oni ka nikpari pa ha ni rimore, mi animangi gu amanga re, Buba du ni taasitaasi ko rogo Wiriko yo. Ka oni kpari pa gu he fere ni rimore, mi mangi gu amanga re.

“Si ngia oni nakpi nyemu re, oni ka kuti girugute.

Rogo ga Buba bambu dungu banye du yo; ka si nadu nga wo ya, ka mi agumba ha fu roni; bambiko mi nandu ka mbakada ba fu roni.

Ka mi ndu ka mbakada ba fu roni, mi ayé berewe, ki rogo roni fuo re; ho du mi ni, oni du a ho.

Toma ki ya fu ko, “Gbia, ani aina nga ho mo andu ku ho ni te; ani wiri pa ina gene wãi?”