Yohana 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Aweko kwiocwiny i beng’wu; amio iwu kwiocwiny para: amio iwu calu ma ng’om mio ngo. Adundewu kud upidi, kadok lworo de kud unege.

Yesu wacu ire kumae, An a yo ku lemandha, ku kwo de: Ng’atu acel de mbe ma bino ba Wego, ndhu ni kuma re.

Adundewu kud upidi: wuyi Mungu, i wuyi an bende.

Ento Jajuk, ma Tipo Maleng’, ma Wego bioro ku nyinga, ebiponjowu ku gin ceke, man ebipoyowu kum lembe ceke m’ayero iwu.

Ng’atu m’ubedo ku cik para, m’uworogi de, en e ng’atu m’umara: ng’atu m’umara de Vwa de bimare, man abimare, abinyuthra de ire.

Man abikwayu Wego, e ebimio iwu Jajuk mange, kara wubed wukugi nja ku nja, en e Tipo mi lemandha: ma ng’om copo jolo ngo; kum enene ngo, kadok ang’eya de eng’eye ngo; wun re wung’eye; kum ebedo i beng’wu, man ebibedo i iwu.

Man gin ma tek wubikwayu ku nyinga e abitimo ginde, kara Wego dok dwong’ i Wod; Tek wubikwaya ku gin moko ku nyinga, abitimo ginde.

Tek wumara wubiworo cik para.

I ot pa Vwa udi ma beco dupa nuti; dok ebedo kumeno ngo, kuno di ayero iwu; kum acidho niyiko kabedo iwu.

Man tek acidho niyiko kabedo iwu, abibino kendo, abijolowu de i bang’a gira; kara ka m’ani ie, wun bende wubed keca.

Thoma wacu ire kumae, Rwoth, wang’eyo ngo ka m’icidho i ie; wang’eyo yoje nenedi?