MARKUS 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Da'isan hondo na mian anu tinoka ka' inamba, sahingga i Yesus tiba anu saja' mombatuki Ia, madi' kino tempo' nongkaan. Sabab aijo' i Yesus notatae hi anu saja' mombatuki Ia, “Imbo'mo da kita mamba i tampat anu liing, da timbali manintade na kita, ka' komiu timbali milawe pe'e.”

Lantas i Yesus notatae hi aha, “Samian na nabi o adati iyayamae, sambiha'nyo i posi kampungnyo, ka' hi aha to utu-utusnyo ka' sampoto utusannyo mae”.

Salatan i Yesus ilumobos lengkat i duangan, Ia nontoa mian da'isan. Ia molibos hi aha, kalana aha sumomo domba anu madi' ko polaya'nyo. Sahingga Ia mule' nontampu'unimo nongajanakon manjoo' na han hi aha.

I tampat aijo' i Yesus madi' noko bau sa'angu' pe'e na anu okabangangi, sambiha'nyo nompa'alin to pia-piangkuka na mian anu masakit, Ia mompotudu lima-Nyo i buan nu ubak nu aha. Ia binangang kalana aha madi' palesaya. Lapas aijo' i Yesus namba i kampu-kampung ise' anu mompaha ohani aijo', ka' mongajan.

Lapas aijo' i Yesus nongala olima' na roti ka' ohua' na ikan aijo' ka' tinihanga'nyo na langit ka' nontaeakon talima kaseh hi Tumpu. Ilapas aijo' biniha-biha'-Nyo na roti aijo' nu lima-Nyo ka' nombee' hi anu saja' mombatuki Ia, da obagi-bagiakon hi mian da'isan aijo'. Ka' ohua' na ikan aijo' binagi-baginyo mule' hi aha iwi-iwi'. Aha nongkaan sampe nobosu. Lapas aijo' labi nu anu kinaan aijo' ilimu' nu anu saja' mombatuki Yesus – iwi-iwi' daagi' sampulu' ka' ohua' na kalanjang inobuke'.