Secunnu Matteu 7-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Dumannati, e vi sarrà datu: circati, e truvirriti: battiti, e vi sarrà apertu.

Giacchì qualunqui dumanna, ricivi: cu’ cerca, trova: e sarrà apertu a cui tuppulia.

Ognunu addunca, chi senti chisti palori mei, e li metti in prattica, si assimigghirrà a l’ omu saviu, chi fabbricau la so casa supra petra

Tuttu ciò adunca, chi vuliti, chi l’ omini vi facissiru, faciticci anchi vuautri ad iddi. Giacchì chista è la liggi, e li profeti.

Quantu è stritta la porta, e angustiata è la via, chi cunnuci a la vita: e quantu sù pochi chiddi, chi la trovanu!

Trasiti pri la porta stritta: giacchì larga è la porta e spaziusa è la via, chi cunnuci a la perdizioni, e assai sù chiddi, chi trasinu pri la stissa.

Si dunca vuautri, ca siti mali, sapiti dari li cosi boni, chi vi sù stati dati, a li vostri figghi: quantu cchiù vostru Patri, chi è ntra li celi, darrà li beni a chiddi, chi li dumannanu?

Nun judicati, pri nun essiri judicati. Giacchì di lu stessu modu, comu judichirriti, sarriti judicati: e cu la stissa misura, cu la quali avirriti misuratu, sarriti misurati vuautri stissi.

E ognunu, chi senti sti mei palori, e nun li metti in prattica, si assimigghirrà a l’ omu stultu, chi fabbricau la so casa supra rina

E pirchì vidi lu sgroppu ntra l’ occhiu di lu frati to: e nun vidi lu travu ntra lu to occhiu? O cu quali ragiuni dici a to frati: Lassami livari lu sgroppu di lu to occhiu: ed intantu lu travu è ntra lu to occhiu?

Guardativi da li fausi profeti, chi vennu a vui sutta peddi d’ agneddu; ma dintra sù lupi rapaci. Da li soi frutti li canuscirriti. Forsi si cogghi la racina da li ruvetti, o li ficu da li spini?

Accussì ogni arvulu bonu fa boni frutti: l’ arvulu tintu però fa frutti tinti.

Nun pò l’ arvulu bonu fari frutti mali: nè l’ arvulu malu fari frutti boni.

Ogni arvulu, chi nun fa bon fruttu, sarrà tagghiatu, e jittatu ntra lu focu.