Dimatekenu 17-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Ni dijina dié, ka kuixana jinga dingi exi Mbalamu, maji dijina dié di kala kiá Mbalahamu; kuma nga ku bhange kukala u tata dia ndumba ia ifuẋi.

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Talesa, ku mbandu iami eme, kikutu kiami ki nga-nda kuta ni eie, kienhiki: Ua kà kala u tata ia ndumba dia ifuẋi.

Ngana Nzambi, phe, u mu ambela, uixi: Ni kidi kiene, mukajiʼé Sala hinu ua-nda ku ku vualela monʼa diiala; eie-phe ua kà mu luka Izake; muenephe nga-nda ku ta-nê kikutu kiami; kikutu kinangenena phala o mbutu iê hádia i mu bhingana.

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Bheniʼobho Mbalahamu u bhetamena bhoxi u olela, anga u amba ku muxima uê, uixi; Kifua muthu uala mu hama ia muvu, hanji dingi a vuala mona? O Sala uala kiá mu makuinhiʼvua a muvu, ua kà bhanga dingi muiji?

Nzambi anga u ambela dingi Mbalahamu, uixi: Mukajiʼé Salai kuende dingi ni ku mu ixana Salai, maji dijina diê di kale kiá Sala.

A kà mi saia o xitu ia kinhûnga kienu; kienhiki ki kala kijimbuete kia kikutu kiami bhu kaẋi kʼami ni enu.

Kikutu kiami-phe ki kuatela kua Izake, a-nda ku ku vualela-nê kuala Sala, muvu uiza-mu, bhu kumbi kala bhabha.

Mona uoso uala mu nake dia izuua mudienu, muthu ua ku mu saia kabasa diiala, katé bhua kà suka o miji ienu; o mubhika a mu vualela monzo, mba a mu sumbu mu kitadi ku akuaʼxi iengi, mua kà mu saia, né-mbe ka tokala ku mbutu ié. Ni ió a mu vualela monzo, ni ió ua mu sumbu mu kitadi, kikala muene mu a saia; kikutu kiami anga ki di monekena ku xitu ienu, ki kala kikutu ki ngangenena.