MARCOS 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Jesustaq paykunaman ajinata nirqan: –Jamuychis, sapanchis uj sumaq ch'inlla kachkan chay chhikaniqman samararikunapaq purisunchis –nispa. Imaraykuchus achkha runakunam chaypi kachkarqanku, wakin chayamurqanku jinataq ujkunaqa puripuchkarqanku, chayrayku paykunaqa manam mikhurikuytapas atipurqankuchu.

Chaywampas Jesusqa ajinata paykunaman nirqan: –Tukuy chhikakunapim uj Diospaq sutimpi willaqta waqaychanku, chaywampas manam kikin jallp'ankaqpi, wawqimasinkuna chawpikaqpi jinataq kikin wasinkaqpiqa –nispa.

Yampumanta uraqaspataq, Jesusqa achkha runakuna tantakumuqta rikurqan jinaspataq anchata paykunamanta khuyapayarikurqan, imaraykuchus paykunaqa mana michiqniyuq uwijakunajinam kachkarqanku, chayrayku paykunamanqa tukuy imaniqmanta yachachiyta qallarirqan.

Chaypitaq Jesusqa makinwan unqusqakunaman jaywqataspaqa wakinkunallatam alliyachipurqan, manataq uj musphay ruwaykunatapas ruwayta atirqanchu. Paytaq ancha musphasqa kachkarqan, chay runakunapaq paypi mana iyawniyuq kasqankuraykuqa. Jesusqa tukuy qaylla ayllukunapi sumaq willaykunata yachachispam puriykacharqan.

Chhikamantataq Jesusqa chay phichqa t'ant'atawan iskay challwatawan jap'ispa, janaqpachaman qhawarispa Diosman yuspärayta qurqan. Chhikamantataq t'ant'akunata phatmiraspa, yachaqaq qatiqninkunaman qurqan paykunapaq runakunaman ch'iqirachimunankupaq. Chay iskay challwakunatapas tukuynin runakunaman ch'iqirachirqallankutaqmi. Tukuyninku sajsarankama mikhurarqanku. Juch'uy q'upa t'ant'akunata jinataq challwa puchukunatawan apthapispataq chunka iskayniyuq kanastakunata junt'arachirqanku.