MATEO 27-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Chay kikin pachataq Jesusqa tukuy kallpawan ajinata qaparirqan: “Elí, Elí, ¿lemá sabactani?” (Kaytaq niyta munan: “Diosniy, Diosniy, ¿imamantataq saqirpariwankiri?”) –Nispa.

Chhikapachataq Diospaq wasin k'uchuniqpi kaq qatanaqa wichaymanta urayninkama iskayman llik'iwachakurqan. Kaypacha jallp'aqa kharkhatirqanmi, qarqakunapas phatmirakurqankum, aya pakana jutk'ukunapas wisq'arakurqanku; jinataq ch'uwa kawsayniyuq wañuq runakunapas kawsarimurqankum.

Jesustaq wajmanta tukuy kallpanwan qaparirqan jinaspataq wañupurqan.

Jayk'aqchus kurajkaq romano pallapalla, jinataq pikunachus paywan kuska Jesusta qhawachkarqanku chaykunaqa, kaypacha jallp'apaq kharkhatisqanta, jinataq tukuy imachus ruwakuchkarqan chayta rikuspaqa anchatam mulljakurqanku, jinaspataq ajinata nirqanku: –¡Chiqampunim kay runaqa Diospaq Churin karqan! –Nispa.

Chawpi p'unchaymanta kimsa ch'isi pachakamaqa, tukuy kaypacham ch'amakaykupurqan.

Pilatotaq paykunata tapurirqan: –¿Mesías nispa ninkichis chay Jesuskaqwan imatataq ruwasaqri? –Nispa. Tukuyninku ajinata jaynirqanku: –¡Chakataykuy! –Nispa. Pilatotaq paykunaman ajinata nirqan: –Ajinaqa, ¿ima mana allintataq pay ruwanri? –Nispa. Chaywampas paykunaqa wajmanta waqach'akurqanku: –¡Chakataykuy! –Nispa.