Lukə̀ 11-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mbə̀ʼə pɨghə nɨ nɨ̀ pənə ngàŋə̀ ngɨ̀rə̀ ɨ̀nwùə̀ tɨ̀pòŋə̀ zhyə̂ a nɨ ŋâ ɨ̀pwuumə̀ pɨ̀shìʼnə̀ ambo ɨ̀poonə̀ pɨghə, tǎ ɨwɨghə a nɨ̀pwuurə̀ a tyiʼə̀ ka ŋâ e Àzhwùə̀ Nẅùə̀ ambo pànə̀ nɨ pɨ pyiitə̀nə e nɨ zèrə.”

“Nɨ ndwuumə̀ wə̀ ǹshwəŋə̀ a wɨghə lo, nɨ̀ kɨ pyiitə̀ pyiitə̀nə, pɨ ghǎ ŋŋâ nɨ pɨghə; nɨ̀ kɨ tàʼà tàʼnə, nɨ̀ zəənə̀; nɨ̀ kɨ ntsòotə̀ tsòotə̀nə, pɨ̌ ẅùʼə̀ ŋŋâ nɨ pɨghə.

Ntiinə ŋwùə̀ ntsùmə̀ nɨ à kɨnə mbyiitə̀ pyiitə̀nə, ǎ kẅiirə̀; ŋwùə̀ ntsùmə̀ nɨ à wa ntàʼà, ǎ zəənə̀. Ŋònə̀ nɨ à wa ntsòotə̀, pɨ̌ kɨ ẅùʼə̀ ŋŋâ nɨ ze.

Yěsû a shwəŋə̀ ambo pobə lo, “Nɨ̀ pə nchàʼtə̀ a Nẅùə̀ nɨ̀ shwəŋə̀ lo, ‘Tǎ, ghɨ̀rə̀ pànə̀ tə nguʼtə̀ nɨ̀linə̀ ɨ̀tsô; ànwùə̀ Nɨ̀fò o â tô.

Nkɨ ndə̀ənə̀ ɨ̀fàntə̀ ɨ̀nwùə̀ ɨ̀pəə, ntiinə pəə kɨnə mmə ndə̀ənə̀ a pyə̀ nɨ pànə̀ pa nfàntə̀ ambo pəə la. Kò wə̀ pyiimə̀ pəə wɨ̀ghə̀ àkwàʼnə̀.’”

Ŋâ mɨ̀zɨghə̀ myə̀ nɨ mɨ kùʼnə̀nə ambo pəə sìnə̀ wə̀ nɨ mɨ̀njyə̂ nɨ mɨ̌ tô.

Ɨ̀myə̂ ɨ̀mô chyə̂ mbə la tsaʼa nkàʼà ambo mbɨ̀ŋmə̀ o. Ɨ̀myə̂ ɨ̀mô tə mbə ɨ̀shìʼnə̀ yi mbɨ̀ŋmə̀ o ɨ̀ chyə̂ nɨ nkàʼà. La mɨ tə ka pə e ɨ̀shìʼnə̀ yi mbɨ̀ŋmə̀ o ntsùmə̀ ɨ̀ chyə̂ amwuə ndzùmə.

Yěsû à lə̀ chi nshwəŋə̀ lo, “Ka ŋònə̀ nɨ mbə̀ʼə a tswuʼə̀ nkàʼà ndòo nɨ̀kwùʼə̀ nkumnə̀ ghu, kə̀ ntsàa a nkɨ̀kwùunə. Ŋwùə̀ à wa ntswuʼə̀ nkàʼà ntə̂ pə alyiʼə ŋaŋnə̀nə mbə̀ʼə ŋwùə̀ a kwuunə̀ a ndâ a zəənə̀ ẅèrə.