MARKA 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Jesu`n a kiangah, “Na gintat theih photleh! A gingtami a dingin bangkim ahithei hi,” achi hi.

Tuatakin naupangpa pa ngaihtak in a kihou a, “Tuachi`n mittui luang pum in Toupa ka gingta hi, ka ginlahna ah hung panpih in!” achi hi.

Tualeh amah inn sung a ahunglut takin, a nungjuite`n, “Bangchia kou hawlkhia theilou ka hi ua le?” chi`n aguk in a dong ua. Tuachi`n aman akiang uah, “Hihbangte pen thumna leh anngawlna chihlouh, bangmah in apawtsak theikei,” achi hi.

“Chi ahoih hi, hinanleh chi in a alna mansuah taleh bangchi`n na alsak kik diai? “Nouman chi kineih unla, khat leh khat kilem in om un,” achi hi.

“Kuapeuh ka min a hichibang naupang neute lak a khat kipahpih in kei hung kipahpih ahi ding; tualeh kuapeuh kei hung kipahpih tuh, kei hung kipahpih ahi kei ding ua, kei hungsawlpa kipahpih ahijaw uhi,” achi hi.

Kuapeuh Krist a nahihjiak ua kamin a tui noukhat dawn ding hungpia tuh, adiktak in kung hilh ahi, a nuamman amansuah kei hial ding hi.

“Hinanleh Kuapeuh kei hung gingta neunoute lak a khat puksak pen, a ngawng ah buhgawina suang lianpi awhsak uh henla, tuipi ah khiale uh, amah a dingin ahoihjaw ding hi.

Na mit in khialhna a ahung puksakleh, kheikhia in! Mit nih nei a gawtmun mei mittheilou a paih a na om sang in, mit khat nei a Pasian gam a lut nang a dingin ahoihjaw hi.