MARKA 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ka hming leiin mi po po theida nîng in ta; nisienlakhawm, a tâwp chena tuor pei chu, chu ngei chu sandamin um a tih.

Fimkhur unla, inring zinga umin ṭawngṭai ro, a hun chu in hriet si naw a.

Chun, an ṭhuoi cheua an inmantir phâ cheu chun, ‘Ieng am ka hril ding a na?’ tiin ngaituo lâwk naw ro, a hun taka inhriettira in um chu, chu ngei chu hril lem ro; a hriltu chu nangni in ni âwm si naw a. Thlarau Inthieng ni lem a tih.

Hnuoi le vân bo a ta, ka thu ruok chu bo naw ni.

“Nisienlakhawm, chu ni le a dâr thu chu Pa chau naw chun tukhawmin, vâna vântirkohai khawmin, Naupa khawmin, an hriet nawh.

Chun, indo thu le indo thuthang dâm in hriet pha leh lunginzing naw ro; chuongchu hung tlung ding hrim a nih; nisienlakhawm, tâwpna chu la ni hri naw ni.

Chuongchun, inring zingin um ro, in neitupa hung ding phâ chu zântienga manih, zâna manih, ârkhuona manih, zîngkara mani ding in hriet si naw a; chuong naw chun hung phut a ta, inin hung hmu hlau rawi a ti cheu. Chun, in kuoma ka hril hi mi po po kuoma hril ka nih, inring zingin um ro,” a ti ta a.

Hnam dang le hnam dang indo an ta; ram tum le ram tum indo an ta; hmun dang dangah simkhawleihai inhnîng a ta, ṭâmhai tlâng a ta. Chuong chu nauhase phut ang hi nîng a tih.

Chun, Chanchin Ṭha hi hnam po po laia hril hmasak ding a nih.

Mi tamtakin, ‘Krista chu ka nih,’ tîn keia hming sâlin hung an ta, mi tamtak hlêm an tih.

“Nisienlakhawm, fimkhur ro, rorêltuhai an inmantir ding cheu a nih; inkhâwmna inhaiah vuong an ti cheu a, keia leiin hotuhai le lalhai hmaah anni inhriettirna dingin la ngîr bawk in tih.

Krista tehlêm le zâwlnei tehlêmhai an hung suok ding a ni si a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.

“Nisienlakhawm, chuong nia chuong rimsikna hnunga chun nisa sukthimin um a ta, thla var ta naw ni a, vâna inthawkin arasihai hung tlâng a ta, vâna thilthawtheina umhai chu sukhnîngin um a tih.