JOHAN 1-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Nisienlakhawm, ama lo lâwma a hming ringtu taphawthai kuomah chun, Pathien nauhai ni theina ding a pêk.

A tîrin Thu a um, Thu chu Pathien kuomah a um, Thu chu Pathien a nih.

Var chu inthim lai a hung var a, inthimin chu chu a hriet nawh.

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

Iengkim a rêngin amaa siem a nih; thil siem po po hi ama ṭhang lova siem iengkhawm a um nawh. Amaa chun hringna a um; chu hringna chu mihriemhai var a nih.

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

Ama chu khawvêlah a um a, khawvêl ama siem a na, khawvêlin ama a hriet si nawh. Ama mihai kuomah a hung a, ama mihaiin an lo lâwm si nawh.

Var indik tak mi tin sukvar hlak kha a um a, khawvêlah a hung zing a nih.

Dân chu Mosie hmanga pêk a na, lunginsietna le thutak chu Isu Krista leiin a hung um.