Lukéstar 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Saoŗénge‐da phenél: Te mángla dek manúš ta te džal palál mánde, so beijendínel, te mukél, te lel po trušúl, ta t’aavél palál mánde.

Sóske savó mangél ta te ikerél po džiipé, les kanašavél; ko kanašavél asál mánge po džiipé, ka‐ikerél.

Phenél o Ísus: Ko thovél po vas ko phagiardó, (ko sabáni,) thai pósle palál pes dikhél, odovká nána doresél e Devléskere thagaribnáste.

So kazandínel o manúš, kána so si andé dünjás sa kazandínel, amí po džiipé našavél, thai čhivél?

Savó kaladžál man, thai me alavá‐da, lez‐da kaladžál e Manušéskoro Čhavó, kána kaavél pe silása, ándo ašaribé e Dadéskoro léskoro, thai e angeléngoro

O Ísus phenél: I lisítsa isí láke xev, o čiriklé isí lénge nézdos, amí e manušéskere Čhavéske nanái ka te thovél po šeró.

Phenél: Savó adalké čhavés kalél thai kakerél kabúli ándo aláv moŗó, man‐da kabúli kerél, savó man kabúli kerél, lez‐da odovká kai man bičhaldjás, kabúli kerél. Sóske ko si nái‐tsikno maškár tuménde, odovká nái‐baró isí.