Jọnu 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“Ọo mbẹdua bụ oshi vayịnu, unubẹdua bụru ẹkali iya. Onye ọwhu nọdu mu l'ime, mbẹdua nọdu l'ime onye ọbu bẹ onye ọwhu ọbu l'amị mebyi mịshia ya ike, o noo nkele ọ tọ dụdu iwhe unu l'a-dụ ike eme ilile mẹ mu l'unu atụgbaa bụru nnanụ.

Unu nọdu mu l'ime; tẹ mbẹdua nọdu unu l'ime. Ọo gẹ ẹkali oshi l'afụa mịa mebyi nke ẹka iya, m'ọ -bụa l'ọ kakfụru l'oshi vayịnu, bụkwawho g'unu l'afụa yee mebyi m'ọ -bụ-zhidua lẹ mu l'unu tụgbaru bụru nnanụ.

Ọ -bụru lẹ mu l'unu tụgbaru bụru nnanụ, okfu mu buru unu eburu l'ẹhu, ọ tọ dụdu iwhe bụ iwhe dụ unu ree, unu sụru t'e meeru unu l'eete emeru unu.

Ọ tọ bụkwa unubẹdua họtaru mu, ọ kwa mbẹdua gbechia họta unu dobe iche nke ọwhu unu l'a-dụ g'ọo oshi-ọmi mịa mebyi ono, l'a-nọdugbuwaruro. Ọ kwanụ iya bụ nke ọwhu bụ iwhe unu shi mu l'ẹka sụ tẹ Nna nụ unu; ya anụ iya unu.

O to nwedu n-yemobu ọdo, madzụ l'eye ibe iya, ka ọwa, mbụ lẹ madzụ kwoberu iswi ọnya iya whẹ swefu ẹnya lẹ ndzụ iya kweta lẹ ya l'a-nwụhu.

Iwhe bụ ẹkali, dụ mụbe Jisọsu l'ẹhu ndu ọwhu l'ẹte amịje mebyi bẹ l'ọokwafuje. Ẹkali ndu ọwhu l'amịje mebyi bẹ l'ọonoje akọcha akọcha nke ọwhu l'ọo-dụ ree kabaa ọomi mebyi.

Ọ waa bụ iwhe mu tụru unu iwu iya: Unu ye ibe unu obu lẹge mu yeru unu obu.

O noo ụzo, l'ee-shi goshi ọdu-biribiri nke Nna mu, mbụ t'unu mịa mebyi mịshia ya ike, gude nno goshi l'unu bụ ndu l'etso ụzo mu.

Jisọsu kfulashia sụ whẹ: “Ọo mụbe Jisọsu bụ ọkpobe oshi vayịnu. Nna mu bụ onye l'eleta mgbabu vayịnu ono ẹnya.

Iwhe bụ onye mu l'iya l'ẹte atụgbaa bụru nnanụ bẹ l'ee-tuwhakwa etuwha g'ọo ẹkali oshi a kọchafuru akọchafu, ya akpọo nkụ. Ẹgube ẹkali oshi dụ nno bẹ l'aa-chịta ye l'ọku, ọku ekepyashia.

“Sụa, iwhe lile-e bẹ mu l'ekfukotaru unu nke ọwhu ẹhu-ụtso nkemu l'a-bụ nkunu mẹe t'ẹhu tsọo unu ụtso tsọfu iya unu l'ishi.

Ọ -bụru l'unu l'emee iwhe lile, mu sụru t'unu mee bẹ unu l'a-nọpyabekwaa lẹ n-yemobu nkemu, mbụnu-a gẹ mbẹdua mekotaru iwhe Nna mu sụru tẹ mu mee, mu nọpyabe lẹ oye obu nke Nna mu ono.

Iwhe bụ iwu, mu l'a-tụru unu bụ t'unu ye ibe unu obu.

Nggẹ l'ọo iwhe unu bụ ndu nke mgboko-o mẹe ndu mgboko-o eye unu obu l'unu bu nke whẹ. Ọle mu họfutawaru unu lẹ mgboko-o dobe iche, unu ta abụhe nke whẹ. O noo iwhe meru whẹ kpọ unu ashị.