Popular Bible Verses from Genesis 6

പങ്ക് വെക്കു

tsaol-aq yaq bhai teivq khi miltsaq kovtavq bhai bhi jaol-a nail neq, aivq bhai noeq haq lal bhiq khi neema al jaiq-ail nal lal bhiq-a nail ngaol.

Milkhaoq doi dai tsaol-aq yaq juq al jaiq-ail doil khi, neenoeq neema phao gail al jaiq-ail haqeiv nail phaq khaqmao iqsanl aol nail bhai, Heeqphaq Miqyail ya moel-u phao

Thail hai ngaol-aoq, Nol-avq neq, Heeqphaq Miqyail nail sivtavq bhai neekhaol sil nail teevq gaq pevq nail ngaol.

Nol-avq dai khi aivq nail phaqyaq ma yaq nail ganl neq, niail hai ngaol: Nol-avq neq, tsaq nail daol nail teevq gaq pevq nail ngaol. Aqyanq al yanq miltsaq kovtavq bhai, teevq gaq teevq-eel oeqbal thaq duq maq jiav nail gaq pevq nail ngaol. Aivq neq, Miqyail nail sivtavq bhai ail lal khi aqdoevq doevq nail gaq pevq nail ngaol.

Al heel ngel-i mail, Heeqphaq Miqyail ge nail: "Ngaq-i mail teivq-a nail tsaol-aq yaq juq nee mail teevq gaq khe-ai, jaiqyaq juq iqsanl, keivq-avq juq iqsanl, soiq soiq-ail tsao nail jaiqyaq juq iqsanl bhai, ngal miltsaq kovtavq nee mail lav peivq gil nail ngaol. Aqyu juq bhai teivq-a nail ngel-i mail, ngaq nail neema nal-il" dai, ge nail ngaol.

Aq-u phao, miltsaq bhai tsaol-aq yaq juq mao dai mao lal-a nail ngaol. Aqyu juq nail galduq, yaqmiq juq mao dai bhao-a nail ngaol. Miqyail nail yaqyov juq neq, tsaol-aq yaq nail yaqmiq juq meeq nail bhai ya moel-u phao, aqyu juq-i mail khal hevq movq lal thaq nail gaq hevq-a nail ngaol. Al heel ngel-i mail, Heeqphaq Miqyail ge nail: "Ngaq nail aqhaqlal neq, khaqmao kev dai, tsaol-aq yaq nail lavqkhoel bhai, maq ya bhi jail lai-ail. Aqyu juq neq, aqsivq haqjoil nail tsaol-aq pevq nail ngaol. Aqyu juq-i mail ya doevq nail aqkovq gail, 120 kovq pevq dei-eiq" dai, ge bhiq-a nail ngaol. Aq-u phao dai khi, haoqnao bha kev dai, miltsaq kovtavq bhai tsaol-aq nail yaqmiq juq dai khi mail Miqyail nail yaqyov juq nee mail doevq lee-a nail, Neiphilo dai khul nail juq mao dai jaol nail ngaol. Aqyu juq neq, khilgaoq lavqgaoq gaoq ma eeq khi kav al kav khe aqmil dov nail aqnia juq pevq nail ngaol.

Nol-avq neq, Miqyail-i mail daoq bivq-a nail khe-ai nl-a nail ngaol.

Aq-u phao, Miqyail Nol-avq bhai ge bhiq-a nail: "Ngal tsaol-aq yaq iqsanl bhai lav cov nail galduq noeq ceiv-aoq nail ngaol. Miltsaq niil neq, aqyu juq nail haqeiv nail phaq-i mail bhee nail ngel-i mail, aqyu juq khi miltsaq niil iqsanl bhai, ngal lav peivq gil nail ngaol.

Al heel ngel-i mail, naol, haoqlil nail aqbhaol-i mail laovq laovq ma teevq laovq cov yaoq. Lavqkhoel phao aqkhaon lav sav khi lavqniil lavqkhoel iqsanl mail teivqnav-i mail leivq tsoiq gil yaoq.

Miqyail miltsaq kovtavq bhai hel daiq-u phao, kha dai haqeiv nail bhai ya moel-a nail ngaol. Khul khi mail dai ngal-aq, tsaol-aq yaq juq iqsanl oeqbal mail bhee nail ngaol.

Ulcuvq deq pheeq nail gaiqlaq bhai, aqdoevq bhi doevq nail galduq, aqdoevq khal doevq nail jaiqyaq juq iqsanl mail, teevq phaq nail aqphoil aqma teevq gu dai, laovq lavqkhoel bha, naoq-ai nee khul bhoel gil laivq yaoq.