Yoh 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“Une ndili citela ca mpeleya, nipo jemanja mli nyambi syakwe. Mundu jwakutamape mwa une, nipo une mwa jwalakwe, tacisogola yisogosi yejinji, pakuŵa naga pangali une jemanja ngakomboleka kutenda cilicose.

Jemanja mŵe ŵakulumbikana mwa une, nipo une tinjiŵa jwakulumbikana mwa jemanja. Lunyambi ngakomboleka kusogola cisogosi pajika, nambo mpaka yikombolece kusogola naga luli lulumbikene ni citela ca mpeleya. Yalumo soni jemanja ngakomboleka kusogola cisogosi nambo akaŵe mli mlumbikene ni une.

Naga akutama mwa une nipo maloŵe gangu gakutama mwa jemanja, ni kuti timciŵenda cilicose cimkucisosa, nipo timcicipocela.

Jemanja nganimusagula une; Une ni junamsagwile jemanja kuti mjawule ni mkasogole yisogosi yejinji, yele yili yakutamilisya. Myoyo Atati tacimpa yiliyose yitimwaŵende mu lina lyangu.

Cinonyelo cekulungwa cele mundu kukomboleka kola kwa acimjakwe cili kupeleka umi wakwe kwa jemanjajo.

Akusakataga lunyambi lulilose lwakusimanika mwa une lwangasogola yisogosi, nipo akusasamalilaga lunyambi lwakusogola yisogosi pakulusandulila nyambi wamba, kuti luŵe lwakusalala ni kusogola yisogosi yejinji.

Lilamusi lyangu ni ali lyakuti: Mnonyelaneje jwine ni mjakwe, mpela une mungusinamnonyelela jemanja.

Naga jemanja msogwele yisogosi yejinji, tiyicilosya kuti mli ŵakulijiganya* ŵangu, myoyo lumbili lwa Atati ŵangu tiluciwonecela.

“Une ndili citela ca mpeleya usyesyene, nipo Atati ŵangu ni ŵakuwulimila.

Jwalijose jwakakutamape mwa une akumponya pasa mpela lunyambi nipo akasajumulaga, syelesi ni nyambi syakasasisonganya ŵandu ni kusiponya pamoto, ni sikusakolelaga.

“Nimsalile ayi kuti lukondwa lwangu luŵe mwa jemanja ni soni kuti lukondwa lwenu luŵe lwekwanile.

Naga mkupikanila malamusi gangu, tinjipitilisya kumnonyela jemanja, mpela mundendele une pakupikanila malamusi ga Atati ŵangu, nipo akupitilisya kunonyela.

Myoyo, lilamusi lyangu kwa jemanja ni ali: anonyelaneje jwine ni mjakwe.

Yikaŵe kuti jemanja mli ŵa pacilambo capasi, ŵanduwo akamnonyele mpela acimjawo. Nambo une namsagwile jemanja kumtyosya pasikati pawo, nipo nganaŵa acimjenu, ni ligongo lyakwe akumŵenga.