Popular Bible Verses from Génesis 6

പങ്ക് വെക്കു

Mapa tꞌãri pꞌua bapꞌeda, Tachi Akꞌõrepa mãgaji

Maapai Tachi Akꞌõrepa eperãarã pia akꞌɨ–e paji, audú ne–inaa kꞌachia ooi awaa pꞌanapatapꞌedaa perã mãikꞌaapa kꞌĩsia kꞌachia aupai kꞌĩsiapatapꞌedaa perã.

Mamĩda Noepa Tachi Akꞌõrede ijãa bapachi. Mapa Tachi Akꞌõrepa iru pia akꞌɨpachi.

Noé nãga bapachi. Noé tꞌãri pia bapachi. Oopachi Tachi Akꞌõrepa oopi bɨkꞌa. Apemaarã iru ikꞌaawa pꞌanapatapꞌedaarãpa audú ne–inaa kꞌachia oopachida mĩda, irua mãga ookꞌaa paji. Tachi Akꞌõrepa kꞌinia bɨkꞌa oopachi.

—Páripɨ na eperãarã oojikꞌate aji. Eperãarã mɨchia ooda jõtꞌaaitꞌee. Ichiaba ne–animalaarã taunomaa, tausaaree beerã jõpiitꞌeeda aji, chi eujãde bipa urtꞌĩu nĩuteepata mãikꞌaapa ipanaarã paara.

Maapai na pꞌekꞌau eujãde eperãarã cho–kꞌara ĩwajida. Angeleerãpa eperãarã kꞌaurã kꞌĩra wãree unudakꞌãri, miakꞌãijida ãchia kꞌinia pꞌanadapꞌedaarã ome. Mãga unukꞌãri, Tachi Akꞌõrepa mãgaji: —Eperãarã ichita chokꞌai pꞌanapi–e paitꞌee, na pꞌekꞌau eujãdepema perã. Ciento veinte añopai choodaitꞌeeda aji. Mãgá angeleerã araa padakꞌãri eperãarã kꞌaurã ome, ãchi warrarã ũkꞌuru gigante uchiajida. Mamĩda tꞌẽepai ichiaba gigante paraaji. Chonaarãwedapemaarãpa mãgɨɨrã tꞌo pꞌanapachida, ne–inaa kꞌĩra tꞌãdoo oopatapꞌedaa perã.

Noepa jõma ooji Tachi Akꞌõrepa jaradakꞌa.

Mãga unukꞌãri, Tachi Akꞌõrepa Noemaa mãgaji: —Kꞌĩsia iru bɨda aji, eperãarã jõtꞌaaitꞌee, na pꞌekꞌau eujãde ne–inaa audú kꞌachia oomaa pꞌanadairã. Maperãpɨ na pꞌekꞌau eujã jõmaweda jõtꞌaaitꞌeeda aji.

Pɨ, pɨchideerã ome madeepa chokꞌai uchiadamerã, barco waibɨa oopáde aji. Ma barco nãga ooipia bɨ. Pakꞌuru kꞌayoo kꞌarakꞌaraa jɨrɨipia bɨ. Mãgee pakꞌurudee barco ooitꞌee. Ma pakꞌuru jɨrrɨpa sooipia bɨ taawaikꞌa eere mãikꞌaapa edajãare. Ichiaba barco edajãde cuarto ooipia bɨ.

Eperãarãpa ne–inaa kꞌachia kꞌĩra tꞌãdoo oo wãpachida, kꞌĩra nejasiada–ee.

Ichiaba ne–animal chaachaadepema pɨa barcode ateeitꞌee; chi ɨmɨkꞌĩra, chi wẽra ome. Mãgá ne–animalaarã pɨkꞌa chokꞌai uchiadaitꞌee.