Luku 6-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

I ya mua njɛ ŋa nɔ Ilaaɔ̃ mɔ á mu nŋɛ. Si gũa nla nlai á ce nŋɛ amua. Á yagaɛ ku kitigbaɛ ku kɔ̃ hee andɛɛ, nɔ ku cuu nŋɛ si bɔgɔ. Ntɔ ntɔ gũa iyi ì wãaò inɛ ŋa, nŋui Ilaaɔ̃ mɔ á wã nŋɛ do.

Amanɛ jiida í ya nya jiida wai hai si mii jiida iyi wa singa si idɔɛ. Amanɛ laalɔ mɔ í ya nya laalɔ wai hai si mii laalɔ iyi wa singa si idɔɛ, domi mii iyi wa kɔ̃ si idɔi amanɛ, nŋui gɛlɛɛ í ya fɔ.

Amma i bi mbɛɛ nŋɛ ŋa, i ce nŋa jiida ŋa, i ya wɛ̃ nŋa nɔ i maà ya cɔ kpãai ku sã ŋa. Bii ì waa ce bɛɛbɛ ŋa, riba nŋɛ á la nɔ aa jɛ amai Ilaaɔ̃ ŋa, nŋu iyi kù nɛ saa, domi nŋu takaɛ wa nyisi amanɛ gudulu ŋa do amanɛ laalɔ ŋa didɔ̃ɛ.

I jɔ̀ i nɛ araarei inɛ ŋa bɛi Baa nŋɛ mɔ í nɛ.

Jesu í sɔ̃ ŋa má í ni, i maà ya kiiti inɛ ŋa, nɔ Ilaaɔ̃ mɔ kaa kiiti ŋɛ. I maà ya yɛ taalei inɛ ŋa nɔ Ilaaɔ̃ mɔ kaa yɛ taale nŋɛ. I ya kpa idei kurarai njɛ ŋa nɔ Ilaaɔ̃ mɔ á kpa idei kurarai iŋɛ mɔ.

Amma iŋɛ iyi ì sotĩ ì waa gbɔ idem ŋa, ǹ wa n sɔ̃ ŋɛi, i ya bi mbɛɛ nŋɛ ŋa, nɔ inɛ ŋa iyi à cé ŋɛ i ya ce nŋa jiida ŋa. I weea inɛ ŋa iyi à waa ceekpe ŋɛ, nɔ i ya cea inɛ ŋa iyi à waa ce nŋɛ laalɔ kutɔɔ ŋa.

Dimi iyi ì bi inɛ ŋa a ce nŋɛ, iŋɛ mɔ i ce nŋa dimi nŋu.

Bii inɛ gɔ í sambalaɛ, toaa kɛkɛlɛ akãɛ má. Inɛ iyi í gba ibɔ kumbooɛ, maà ti i kɔ ku so danzigiɛ má. Bii inɛ gɔ í tɔɔɛ mii gɔ, muaa. Bii inɛ gɔ í so mii ndɛɛ gɔi, maà ti i beeɛ má.

Ŋɔi Jesu í sɔ̃ ŋa má í ni, jĩi jiida kaa so iso laalɔ. Bɛɛbɛ mɔi jĩi laalɔ kaa so iso jiida.

Ntɔ ntɔ jĩi fei hai si isoɛi à ya màa. A ci ya ka figi si agũ, bɛɛbɛ mɔi a ci ya ka rezɛ̃ɛ si agũ fũfũ, mà irei.