Malagasy - Protestant version 1985 (NT) Non-Drama based on Malagasy Protestant Bible 1965

Malagasy -  Protestant version 1985 (NT) Non-Drama based on Malagasy Protestant Bible 1965

<div class="version vid873 iso6393plt" data-vid="873" data-iso6393="plt">
 <div class="book bkLUK">
 <div class="chapter ch12" data-usfm="LUK.12">
 <div class="label">12</div><div class="s2">Ny nananaran&#8217;i Jesosy ny mpianany tsy hatahotra olona, ary tsy hiteny ratsy ny Fanahy Masina.</div><div class="p"> 1ARY tamin&#8217;izany, raha niangona ny vahoaka betsaka tsy hita isa ka nifanitsaka, Jesosy dia niteny tamin&#8217;ny mpianany aloha ka nanao hoe: Mitandrema#12.1 Na: niteny tamin&#8217;ny mpianany ka nanao hoe: Ambony indrindra, mitandrema. hianareo, fandrao azon&#8217;ny masirasiran&#8217;ny Fariseo, dia ny fihatsarambelatsihy. 2Fa tsy misy nafenina izay tsy haseho, na takona izay tsy ho fantatra. 3Koa na inona na inona teneninareo ao amin&#8217;ny maizina dia ho re eo amin&#8217;ny mazava; ary izay bitsihinareo mangingina ao amin&#8217;ny efi-trano dia hotorina eo amin&#8217;ny tampon-trano.</div><div class="p"> 4Ary lazaiko aminareo sakaizako hoe: Aza matahotra izay mamono ny tena, nefa nony afaka izany, dia tsy mahay manao mihoatra noho izany. 5Fa hasehoko anareo izay hatahoranareo: Matahora Izay manam-pahefana hanary any amin&#8217;ny helo,#12.5 Gr. Gehena. rehefa novonoiny; eny, hoy Izaho aminareo: Matahora Azy. 6Tsy eranambatry va no vidin&#8217;ny tsintsina dimy? nefa tsy misy hadinoina eo anatrehan&#8217;Andriamanitra ireny na dia iray akory aza. 7Fa na dia ny volon-dohanareo aza dia voaisa avokoa. Aza matahotra; fa mihoatra noho ny tsintsina maro hianareo.</div><div class="p"> 8Fa lazaiko aminareo: Na zovy na zovy no manaiky Ahy eo anatrehan&#8217;ny olona, dia heken&#8217;ny Zanak&#8217;olona kosa izy eo anatrehan&#8217;ny anjelin&#8217;Andriamanitra; 9fa izay mand&#224; Ahy eo anatrehan&#8217;ny olona, dia holavina kosa izy eo anatrehan&#8217;ny anjelin&#8217;Andriamanitra.</div><div class="p"> 10Fa na zovy na zovy no hanao teny hanohitra ny Zanak&#8217;olona dia hahazo famelan-keloka; fa izay miteny ratsy#12.10 Gr. manao blasfemia; izahao Mat. ix, 3. ny Fanahy Masina dia tsy mba hahazo famelan-keloka.</div><div class="p"> 11Ary raha mitondra anareo ho ao amin&#8217;ny synagoga sy ny mpanapaka ary ny manam-pahefana izy, dia aza manahy izay havalinareo, na izay holazainareo; 12fa ny Fanahy Masina no hampianatra anareo amin&#8217;izany ora izany izay mety holazainareo.</div><div class="s2">Ny namalian&#8217;i Jesosy ny lehilahy anankiray izay nangataka Azy hananatra ny rahalahiny, ary ny nilazany ny tsy mahamety ny fieremana.</div><div class="p"> 13ARY nisy anankiray teo amin&#8217;ny vahoaka nanao tamin&#8217;i Jesosy hoe: Mpampianatra &#244;, teneno ny rahalahiko mba hizara lova amiko. 14Fa hoy Izy taminy: Ralehilahy, iza no nanendry Ahy ho mpitsara na mpizara ao aminareo?</div><div class="p"> 15Ary hoy Izy tamin&#8217;ny olona: Mitandrema, ka miarova tena mba tsy ho azon&#8217;ny fieremana hianareo; fa ny ain&#8217;ny olona tsy miankina amin&#8217;ny habetsahan&#8217;ny zavatra ananany.</div><div class="p"> 16Dia nanao fanoharana taminy Izy ka nanao hoe: Ny tanin&#8217;ny lehilahy manan-karena anankiray nahavokatra be. 17Ary izy nihevitra tao am-pony hoe: Ahoana no hataoko, fa tsy manana fitoerana hamoriako ny vokatro aho? 18Ary hoy izy: Izao no hataoko: handrava ny trano fitehirizako aho ka hanao izay lehibebe kokoa, ary ao no hamoriako ny variko rehetra sy ny fananako. 19Dia hilaza amin&#8217;ny fanahiko hoe aho: Ry fanahy &#244;, manana fananana be voatahiry ho amin&#8217;ny taona maro hianao; mitsahara, mihin&#224;na, misotroa, mifalia. 20Fa Andriamanitra kosa nanao taminy hoe: Ry adala, anio alina no halaina aminao ny fanahinao, ka ho an&#8217;iza izay zavatra nohar&#236;nao? 21Toy izany izay mihary harena ho an&#8217;ny tenany ihany, nefa tsy mba manan-karena ny amin&#8217;Andriamanitra.</div><div class="p"> 22Ary hoy Jesosy tamin&#8217;ny mpianany: Noho izany dia lazaiko aminareo hoe: Aza manahy ny amin&#8217;ny ainareo, izay hohaninareo, na ny amin&#8217;ny tenanareo, izay hotafinareo. 23Fa ny aina mihoatra noho ny hanina, ary ny tena noho ny fitafiana. 24Hevero ny goaika; fa tsy mba mamafy na mijinja ireny; ary tsy manana fitoeran-javatra na trano fitehirizana, nefa Andriamanitra mamelona azy; tsy mihoatra lavitra noho ny vorona va hianareo? 25Ary iza moa ao aminareo, na dia manahy aza, no mahay manampy ny andro iainany,#12.25 Na: ny halavan&#8217;ny tenany. na dia kely monja#12.25 Gr. hakiho iray. aza? 26Koa raha ny kely indrindra aza tsy hainareo, nahoana hianareo no manahy ny amin&#8217;ny sisa? 27Hevero ny fanirin&#8217;ny vonin-kazo;#12.27 Karazan&#8217;ny lilia. tsy mba miasa na mamoly ireny; nefa lazaiko aminareo: Na dia Solomona teo amin&#8217;ny voninahiny rehetra aza tsy mba nitafy tahaka ny anankiray amin&#8217;ireny. 28Ary raha ny ahitra izay any an-tsaha anio, nefa hatao ao am-patana rahampitso, no ampitafin&#8217;Andriamanitra toy izany, tsy mainka va hianareo ry kely finoana? 29Koa aza mitady izay hohaninareo na izay hosotroinareo hianareo, ary aza miahanahana.#12.29 Na: aza aingaingain&#8217;ny fanantenana foana. 30Fa ny jentilisa amin&#8217;izao tontolo izao dia fatra-pitady izany rehetra izany; fa ny Rainareo mahalala fa tokony ho anareo izany zavatra izany. 31Kanefa katsaho ny fanjakany;#12.31 Na: [ny fanjakan&#8217;Andriamanitra]. dia hanampy ho anareo izany zavatra izany.</div><div class="p"> 32Aza matahotra, ry ondry vitsy, fa efa sitraky ny Rainareo ny hanome anareo ny fanjakana. 33Amidio ny fanananareo, ka manaova fiantrana; manaova kitapom-bola tsy mety ho tonta ho anareo, dia harena any an-danitra tsy mety ho lany, izay tsy azon&#8217;ny mpangalatra, sady tsy misy kalalao manimba. 34Fa izay itoeran&#8217;ny harenareo, dia ho any koa ny fonareo.</div><div class="p"> 35Aoka hisikina ny valahanareo sy hirehitra ny jironareo; 36ary aoka hianareo ho tahaka ny olona izay miandry ny tompony, raha mody avy amin&#8217;ny fampakaram-bady izy, ka nony tonga sy mandond&#242;na izy, dia vohany miaraka amin&#8217;izay. 37Sambatra ny mpanompo izay ho hitan&#8217;ny tompony miambina, raha avy izy. Lazaiko aminareo marina tokoa fa hisikina ny tompony, dia hampipetraka azy hihinana, dia ho avy ka hanompo azy. 38Ary na avy amin&#8217;ny fiambenana faharoa amin&#8217;ny alina izy, na avy amin&#8217;ny fiambenana fahatelo, ka mahita toy izany, dia sambatra ireo mpanompo ireo. 39Ary fantaro izao, fa raha fantatry ny tompon-trano izay ora hihavian&#8217;ny mpangalatra, dia ho niambina izy ka tsy namela ny tranony hotamina. 40Dia miom&#224;na koa hianareo; fa ho avy ny Zanak&#8217;olona amin&#8217;izay ora tsy ampoizinareo.</div><div class="p"> 41Ary hoy Petera: Tompoko, izahay va no ilazanao izany fanoharana izany, sa ny olona rehetra? 42Ary hoy ny Tompo: Iza moa no mpitandrin-draharaha mahatoky sy manan-tsaina, izay hotendren&#8217;ny tompony hifehy ny mpanompony mba hanome azy anjara hanina amin&#8217;ny fotoana? 43Sambatra ny mpanompo izay ho hitan&#8217;ny tompony fa, indreo, manao toy izany, raha avy izy. 44Lazaiko aminareo marina fa hotendreny ho mpanapaka ny fananany rehetra izy. 45Fa raha manao anakampo kosa izany mpanompo izany hoe: Maharitra ela ny tompoko vao ho avy, ka dia mikapoka ny ankizilahy sy ny ankizivavy izy sady mihinana sy misotro ka mamo, 46dia ho avy ny tompon&#8217;izany mpanompo izany amin&#8217;ny andro izay tsy ampoiziny sy amin&#8217;ny ora izay tsy fantany, dia hotapahiny roa#12.46 Na: hokapohiny mafy. izy ka homeny anjara any amin&#8217;ny tsy mahatoky. 47Fa ilay mpanompo izay mahalala ny sitrapon&#8217;ny tompony ihany ka tsy miomana na manao izay sitraky ny fony dia hokapohina be. 48Fa izay tsy nahalala kosa ka nanao izay zavatra tokony hikapohana azy dia hokapohina kely. Fa izay nomena be, dia be no hotadiavina aminy; ary izay nampitehirizina be, dia bebe kokoa no hadinina aminy.</div><div class="p"> 49Tonga hanipy afo et&#7923; ambonin&#8217;ny tany Aho, ka manao ahoana ny faniriako mba hirehetan&#8217;izany sahady?#12.49 Na: ary inona intsony no iriko, raha mirehitra sahady izany? 50Ary manana batisa hanaovana Ahy batisa Aho, ka manao ahoana ny fahoriako ambara-pahatanterany! 51Ataonareo va fa tonga hanome fihavanana ambonin&#8217;ny tany Aho? Tsia, hoy Izaho aminareo, fa fampisarahana. 52Fa hatramin&#8217;izao dia hisy dimy hisara-tsaina ao an-trano iray, ny telo hanohitra ny roa, ary ny roa hanohitra ny telo. 53Hisara-tsaina ireo, ka ny ray hanohitra ny zanani-lahy, ary ny zanakalahy hanohitra ny rainy; ny reny hanohitra ny zanani-vavy, ary ny zanakavavy hanohitra ny reniny; ny rafozambavy hanohitra ny vinantoni-vavy, ary ny vinantovavy hanohitra ny rafozani-vavy.</div><div class="p"> 54Ary hoy Jesosy tamin&#8217;ny vahoaka: Raha mahita rahona miposaka any andrefana hianareo, miaraka amin&#8217;izay dia hoy hianareo: Ho avy ny ranonorana; dia tonga izany. 55Ary raha avy any atsimo ny rivotra, dia hoy hianareo: Hafana ny andro; dia tonga izany. 56Hianareo mpihatsaravelatsihy, ny tarehin&#8217;ny tany sy ny lanitra dia hainareo fantarina; fa ahoana kosa no tsy ahaizanareo mamantatra izao andro izao?</div><div class="p"> 57Nahoana hianareo no tsy mahalala mitsara araka ny marina?#12.57 Na: Nahoana hianareo no tsy mahay mitsara marina avy ao am-ponareo ihany? 58Fa raha miara-mandeha amin&#8217;ny manana ady aminao hianao hanatrika ny mpanapaka, raha mbola any an-d&#224;lana dia mazotoa manao izay hahafahanao aminy, fandrao hitondra anao any amin&#8217;ny mpitsara izy, ary ny mpitsara hanolotra anao amin&#8217;ny mpamatotra, ary ny mpamatotra hanao anao ao an-trano-maizina. 59Lazaiko aminao fa tsy ho afaka ao hianao, ambara-pandoanao ny variraiventy farany indrindra.</div>
 </div>
 </div>
</div>

Baiboly Protestanta Malagasy © Malagasy Bible Society, 1965, 2019.

ARY tamin’izany, raha niangona ny vahoaka betsaka tsy hita isa ka nifanitsaka, Jesosy dia niteny tamin’ny mpianany aloha ka nanao hoe: Mitandrema hianareo, fandrao azon’ny masirasiran’ny Fariseo, dia ny fihatsarambelatsihy. Fa tsy misy nafenina izay tsy haseho, na takona izay tsy ho fantatra. Koa na inona na inona teneninareo ao amin’ny maizina dia ho re eo amin’ny mazava; ary izay bitsihinareo mangingina ao amin’ny efi-trano dia hotorina eo amin’ny tampon-trano.
Ary lazaiko aminareo sakaizako hoe: Aza matahotra izay mamono ny tena, nefa nony afaka izany, dia tsy mahay manao mihoatra noho izany. Fa hasehoko anareo izay hatahoranareo: Matahora Izay manam-pahefana hanary any amin’ny helo, rehefa novonoiny; eny, hoy Izaho aminareo: Matahora Azy. Tsy eranambatry va no vidin’ny tsintsina dimy? nefa tsy misy hadinoina eo anatrehan’Andriamanitra ireny na dia iray akory aza. Fa na dia ny volon-dohanareo aza dia voaisa avokoa. Aza matahotra; fa mihoatra noho ny tsintsina maro hianareo.
Fa lazaiko aminareo: Na zovy na zovy no manaiky Ahy eo anatrehan’ny olona, dia heken’ny Zanak’olona kosa izy eo anatrehan’ny anjelin’Andriamanitra; fa izay mandà Ahy eo anatrehan’ny olona, dia holavina kosa izy eo anatrehan’ny anjelin’Andriamanitra.
Fa na zovy na zovy no hanao teny hanohitra ny Zanak’olona dia hahazo famelan-keloka; fa izay miteny ratsy ny Fanahy Masina dia tsy mba hahazo famelan-keloka.
Ary raha mitondra anareo ho ao amin’ny synagoga sy ny mpanapaka ary ny manam-pahefana izy, dia aza manahy izay havalinareo, na izay holazainareo; fa ny Fanahy Masina no hampianatra anareo amin’izany ora izany izay mety holazainareo.

ARY nisy anankiray teo amin’ny vahoaka nanao tamin’i Jesosy hoe: Mpampianatra ô, teneno ny rahalahiko mba hizara lova amiko. Fa hoy Izy taminy: Ralehilahy, iza no nanendry Ahy ho mpitsara na mpizara ao aminareo?
Ary hoy Izy tamin’ny olona: Mitandrema, ka miarova tena mba tsy ho azon’ny fieremana hianareo; fa ny ain’ny olona tsy miankina amin’ny habetsahan’ny zavatra ananany.
Dia nanao fanoharana taminy Izy ka nanao hoe: Ny tanin’ny lehilahy manan-karena anankiray nahavokatra be. Ary izy nihevitra tao am-pony hoe: Ahoana no hataoko, fa tsy manana fitoerana hamoriako ny vokatro aho? Ary hoy izy: Izao no hataoko: handrava ny trano fitehirizako aho ka hanao izay lehibebe kokoa, ary ao no hamoriako ny variko rehetra sy ny fananako. Dia hilaza amin’ny fanahiko hoe aho: Ry fanahy ô, manana fananana be voatahiry ho amin’ny taona maro hianao; mitsahara, mihinàna, misotroa, mifalia. Fa Andriamanitra kosa nanao taminy hoe: Ry adala, anio alina no halaina aminao ny fanahinao, ka ho an’iza izay zavatra noharìnao? Toy izany izay mihary harena ho an’ny tenany ihany, nefa tsy mba manan-karena ny amin’Andriamanitra.
Ary hoy Jesosy tamin’ny mpianany: Noho izany dia lazaiko aminareo hoe: Aza manahy ny amin’ny ainareo, izay hohaninareo, na ny amin’ny tenanareo, izay hotafinareo. Fa ny aina mihoatra noho ny hanina, ary ny tena noho ny fitafiana. Hevero ny goaika; fa tsy mba mamafy na mijinja ireny; ary tsy manana fitoeran-javatra na trano fitehirizana, nefa Andriamanitra mamelona azy; tsy mihoatra lavitra noho ny vorona va hianareo? Ary iza moa ao aminareo, na dia manahy aza, no mahay manampy ny andro iainany, na dia kely monja aza? Koa raha ny kely indrindra aza tsy hainareo, nahoana hianareo no manahy ny amin’ny sisa? Hevero ny fanirin’ny vonin-kazo; tsy mba miasa na mamoly ireny; nefa lazaiko aminareo: Na dia Solomona teo amin’ny voninahiny rehetra aza tsy mba nitafy tahaka ny anankiray amin’ireny. Ary raha ny ahitra izay any an-tsaha anio, nefa hatao ao am-patana rahampitso, no ampitafin’Andriamanitra toy izany, tsy mainka va hianareo ry kely finoana? Koa aza mitady izay hohaninareo na izay hosotroinareo hianareo, ary aza miahanahana. Fa ny jentilisa amin’izao tontolo izao dia fatra-pitady izany rehetra izany; fa ny Rainareo mahalala fa tokony ho anareo izany zavatra izany. Kanefa katsaho ny fanjakany; dia hanampy ho anareo izany zavatra izany.
Aza matahotra, ry ondry vitsy, fa efa sitraky ny Rainareo ny hanome anareo ny fanjakana. Amidio ny fanananareo, ka manaova fiantrana; manaova kitapom-bola tsy mety ho tonta ho anareo, dia harena any an-danitra tsy mety ho lany, izay tsy azon’ny mpangalatra, sady tsy misy kalalao manimba. Fa izay itoeran’ny harenareo, dia ho any koa ny fonareo.
Aoka hisikina ny valahanareo sy hirehitra ny jironareo; ary aoka hianareo ho tahaka ny olona izay miandry ny tompony, raha mody avy amin’ny fampakaram-bady izy, ka nony tonga sy mandondòna izy, dia vohany miaraka amin’izay. Sambatra ny mpanompo izay ho hitan’ny tompony miambina, raha avy izy. Lazaiko aminareo marina tokoa fa hisikina ny tompony, dia hampipetraka azy hihinana, dia ho avy ka hanompo azy. Ary na avy amin’ny fiambenana faharoa amin’ny alina izy, na avy amin’ny fiambenana fahatelo, ka mahita toy izany, dia sambatra ireo mpanompo ireo. Ary fantaro izao, fa raha fantatry ny tompon-trano izay ora hihavian’ny mpangalatra, dia ho niambina izy ka tsy namela ny tranony hotamina. Dia miomàna koa hianareo; fa ho avy ny Zanak’olona amin’izay ora tsy ampoizinareo.
Ary hoy Petera: Tompoko, izahay va no ilazanao izany fanoharana izany, sa ny olona rehetra? Ary hoy ny Tompo: Iza moa no mpitandrin-draharaha mahatoky sy manan-tsaina, izay hotendren’ny tompony hifehy ny mpanompony mba hanome azy anjara hanina amin’ny fotoana? Sambatra ny mpanompo izay ho hitan’ny tompony fa, indreo, manao toy izany, raha avy izy. Lazaiko aminareo marina fa hotendreny ho mpanapaka ny fananany rehetra izy. Fa raha manao anakampo kosa izany mpanompo izany hoe: Maharitra ela ny tompoko vao ho avy, ka dia mikapoka ny ankizilahy sy ny ankizivavy izy sady mihinana sy misotro ka mamo, dia ho avy ny tompon’izany mpanompo izany amin’ny andro izay tsy ampoiziny sy amin’ny ora izay tsy fantany, dia hotapahiny roa izy ka homeny anjara any amin’ny tsy mahatoky. Fa ilay mpanompo izay mahalala ny sitrapon’ny tompony ihany ka tsy miomana na manao izay sitraky ny fony dia hokapohina be. Fa izay tsy nahalala kosa ka nanao izay zavatra tokony hikapohana azy dia hokapohina kely. Fa izay nomena be, dia be no hotadiavina aminy; ary izay nampitehirizina be, dia bebe kokoa no hadinina aminy.
Tonga hanipy afo etỳ ambonin’ny tany Aho, ka manao ahoana ny faniriako mba hirehetan’izany sahady? Ary manana batisa hanaovana Ahy batisa Aho, ka manao ahoana ny fahoriako ambara-pahatanterany! Ataonareo va fa tonga hanome fihavanana ambonin’ny tany Aho? Tsia, hoy Izaho aminareo, fa fampisarahana. Fa hatramin’izao dia hisy dimy hisara-tsaina ao an-trano iray, ny telo hanohitra ny roa, ary ny roa hanohitra ny telo. Hisara-tsaina ireo, ka ny ray hanohitra ny zanani-lahy, ary ny zanakalahy hanohitra ny rainy; ny reny hanohitra ny zanani-vavy, ary ny zanakavavy hanohitra ny reniny; ny rafozambavy hanohitra ny vinantoni-vavy, ary ny vinantovavy hanohitra ny rafozani-vavy.
Ary hoy Jesosy tamin’ny vahoaka: Raha mahita rahona miposaka any andrefana hianareo, miaraka amin’izay dia hoy hianareo: Ho avy ny ranonorana; dia tonga izany. Ary raha avy any atsimo ny rivotra, dia hoy hianareo: Hafana ny andro; dia tonga izany. Hianareo mpihatsaravelatsihy, ny tarehin’ny tany sy ny lanitra dia hainareo fantarina; fa ahoana kosa no tsy ahaizanareo mamantatra izao andro izao?
Nahoana hianareo no tsy mahalala mitsara araka ny marina? Fa raha miara-mandeha amin’ny manana ady aminao hianao hanatrika ny mpanapaka, raha mbola any an-dàlana dia mazotoa manao izay hahafahanao aminy, fandrao hitondra anao any amin’ny mpitsara izy, ary ny mpitsara hanolotra anao amin’ny mpamatotra, ary ny mpamatotra hanao anao ao an-trano-maizina. Lazaiko aminao fa tsy ho afaka ao hianao, ambara-pandoanao ny variraiventy farany indrindra.

കേൾക്കുക Lioka 12