If you have would like a copy of this version please contact info@davaraudiobibles.org

Text: Gowli New Testament, CC-BY-SA-4.0, The Love Fellowship. -- Audio: Gowli New Testament Audio Bible, CC-BY-SA-4.0, Davar Partners International, The Love Fellowship, 2023

Gowli New Testament

Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.

म्या दिन घोनेच टेक्सा सा मिंकू एठा पापी कुरकू दियागा मेरान हेजेवा मेना डा, ताकी दिकु यीशु गा शिक्षा आजुमे। एठा फरीसि कुरकू एठा मूसा गा नियम इथूमिठाच डाबोलटे कुरूकुरू लज्जे, “इनी कोरो पापी कुरकू टे गेल्ला सोपती थंदळवा होय, एठा दिकुगा सेंग्गोन जोजोम कखाफबा होय।” मेटे डीचनी दिकुटे इनी उदाहरण मंडीके अगर आपे तलाटे जेका मेरान म्या सेद्दी मेंडाकू टासो, एठा दिकु तलाटे म्याखोम आटजे टासो, मेटे चोच नव्यनाऊ आराटे एठा टुक्की लिंजेन सेनेवा डो, डी आटजे मेंडाके बान घगाटा? एठा मेटे घाटाएन होय, मेटे देटेन भेबाव खुशीटे डीचके खांदा लिंजेन ठुल्केनेच होय, हेजा उरान हेंडो सोप्तीकुके एठा मेराकू के जामाटे मंडीवा होय, इंजा सेंग्गोन खुशी मनातिंजे, चोयाकी इंजा आटजे मेंडा घाटाएन होय। मेटे इंज आपेटे साच्चो मंडीवा, कि इनिका रिती टे म्या मन बबादला मिठाच पापी गा बारेन भी स्वर्गेन एटोका खुशी होंगा, देटोका नव्यानाऊ येनोगो धर्मी गा विषय बान डाऊ, दिकुन मन इखाट गा जरुरी बाने,

“यीशु नी म्या एठा उदहारण जीटे मंडीके, अगर तुनी जापाए मेरान गेल चाँदी टासो, एठा दियागा म्या चिक्खा आटजे टासो, मेटे देटेन दिवा जुलेबा एठा उराके जुना टे आरेजेवा जब टाएन डीके घाटाऊ बाने, पूरा ध्यान टे घगाटावाका। एठा जब चिक्खा घाटाऊवा होय, मेटे देटेन हेजा सोपतीकु एठा मेराकू के जामाटे मंडीवा होय, इंजा सेंग्गोन खुशी मनातिंजे, चोयाकी इंजा आटजे मिनी चिक्खा घाटाएन होय। इंज आपेटे मंडीवाकी इनिका रिती टे मन बबादला मिठाच पापी गा विषय गेन परमेश्वर गा स्वर्गदूत गा सम्मान खुशी डाऊवा होय।”

डाबोलटे डीचनी म्या एठा उदाहराण गेन घाल्के, “म्या कोरो गा बरी कोकिंज डा। सानी कोण नी बाटे टे मंडीके, ‘हे बाटे संपत्ति गा टे जो भागो इंजा होय, देटेन नका इंज्के सागे।’ मेटे बाटे नी बरी भी कोणकिंज गा तलान संपत्ति खाटिंजके। अदा दिन गा बादोन सानी कोण हेजा अदा संपत्ति किजीटे हेजा उरा आराटे डामा गा सेंग्गोन, लेंक्की देशोन ओले, देटेन डीचनी हेजा डामा मोज मस्तीन स्याके। जब देटेन सेबाईका खर्चो के डा, मेटे डी देशोन म्या खाट कळकी हेन, एठा डीच पूरा कंगल जे होय। देटेन म्या कोरो गा उरान कामय दडा ओले जो डीका देशो गा थंदळ कोरो डा, डीचनी डीचके हेजा खिटीन सुकळीकु चचारा गा घल्जी कुल्केनेच। डीच इतना रांगेच्का डा, कि डी आटा के भी जोमटे हेजा लाज बिबी चाहता डा, जो सुकळीकु जोम डा। चोयाकी डीचके जेका चोचका बान जिऊ डा। जब डीच होशोन हेन मेटे डीच सोचातिंज लज्जे, ‘इंजा बाटे गा चोटोका मुंजरीकूके जो होना ओटो टे जादा आटा घाटाऊवा होय एठा इंज येटेन रांगेच गुजू लक्के होय। इंज नका बिटबा डो, इंजा बाटे गा मेरान सेनेवा एठा डीचके मांडेवा कि बाटे इंज्नी स्वर्ग गा परमेश्वर गा खिलाफबेन एठा अमा नजर गेन पापो डाके होय। नका इंज इनी लायको बाने कि अमा कोण मेंटो मंडी गा पेनो इंज्के आमगा म्या मुंजरी मिठाच गा रोंगो डोकेमी।’”

“मेटे देटेन डी देशो के आराके एठा हेजा गा बाटे मेरान सेने घल्जी सेंदरा लज्जे। देटेन भी लेंक्कीनके का डा, कि दिया बाटे नी डीचके धोटे आस्वान हेन, एठा हेजा कोणटे कोनेन साळूप जेडो डीचके घापटावे एठा डीचके भेबाव जोका जोम लज्जे। कोण नी डीचके मंडीके, ‘बाटे, इंज्नी स्वर्ग गा परमेश्वर गा खिलाफबेन एठा अमा नजरेन पापो डाके होय। नका इंज इनी लायको भी बान थंदळ डुका, कि अमा कोण मेंटो भी मंडी गा, पेनो इंज्के अमा भाग्यकु तलाटे म्याखोम गा रोंगो डोकेमी।’ पेनो बाटे नी हेजा गा भाग्यकु टे मंडीके, ‘अच्छा कपळे कोलाटे डीचके उरे, एठा दियागा टी गेन मुंडी, एठा नंगा गेन बुट्टा उरिकी। एठा खाट खाना तैयारे ताकी आले जोम्बा, एठा खुशी मनातिंजेवा। चोयाकी येटेन येनोगो डा इंजा कोण गोएन मिंकू रोंगो डा, लेकिन नका डाबोलटे जीटाएन होय, आटजे डा, नका घाटाएन होय।’ एठा दिकु खुशी ममानातिंज लज्जे होय।”

“जब येटेन सेबाईका डाऊ लक्के, मेटे दियागा खाट कोण खिटीन कामय दडा लक्के डा। जब देटेन खिटी टे उरा गा मेरान आदिरजे मेटे डीचनी गना ससाडी गा नाचो गा आवाज आजुम्के डा। डीचनी म्या भाग्य के हाकोटे कोम्बाराके, ‘येटेन चोच डाऊ लक्के होय?’ डीचनी डीचके मंडीके, ‘अमा डाई उरान हिराके होय, एठा अमा बाटे खाट खाना तैयारके होय चोयाकी देटेन सजाका उरान हेन होय।’ इनी आजुमटे देटेन खीजो टे भेटटेन एठा उरा गा तलान बान चेल्के डा इनिघल्जी दियागा बाटे बल्लान हेन उरा तलान हेजे घल्जी बो मेंटो मंडी लज्जे। डीचनी हेजा बाटे के जवाब जीके, ‘डोगे, इंज एटो साल टे अमा सेवा दडा लक्के, एठा चोलाकाभी अमा हुकूम बान मेंडूका, एठा फिरभी आमनी इंज्के चोचकाभी अच्छा चीजो बान जिडुका ताकी इंज इंजा सोपतीकु गेल्ला खुशी ममानातिंज डा। पेनो जब अमा इनी कोण, डीचनी अमा संपत्ति रांडोकुन उळातिंजके, नका उरान हिराके होय, मेटे आमनी दिया घल्जी खाट खाना तैयारके होय।’ डीचनी मंडीके, ‘इंजा कोण आम हमेशा इंजा सेंग्गोन होय, एठा जो चोचकाभी इंजा होय देटेन सेबाईका आमका होय। पेनो नका खुशी दडा एठा मगन थंदळ होना चोयाकी येटेन येनोगो डा डेनोगोका अमा डाई गोएन मेना डा लेकिन डाबोलटे जीटाएन होय, आटजे डा नका घाटाएन होय।’”

കേൾക്കുക लूका 15