If you would like a copy of this version please contact info@davaraudiobibles.org

Zande Bible © 1978, UBS, Bible Society of the Democratic Republic of Congo. (Text)
Zande Audio Bible ℗ 2025, Davar Partners International. (Audio)

Zande Bible Version 1978

<div class="version vid2922 iso6393zne" data-vid="2922" data-iso6393="zne">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s1">Yesu akedi aboro 70</div><div class="p"> 1Fuo agi apai re Gbia ki sia akura yo 70, ki kedi yo ni ba ue ue ku mbata yo fu ko ku rogo agu akporo na agu arago dunduko ko nikandu ku rogo a tigako. 2Ko ki ya fu yo, &#8220;Kii zuzu ati, ono abamangisunge du ni umba yo; oni kp&#225;ri ke fu Gbia ati ko kedi abamangisunge ku rogo gako ati. 3Oni nd&#250; ke; oni ng&#233;re, mi nakeda roni wa wiri akandoro dagba anyarinde. 4Ka oni nd&#250; nga na mangu gaoni mar&#227; be roni na kura mangu na katara a ya; ka oni poi nga kuti boro gene ya. 5Gu bambu oni ka rima ku rogo, oni g&#250;mba gere mbata. &#8216;Zereda d&#250; fu gi bambu re!&#8217; 6Ka gu irazereda du yo, gaoni zereda anye yo du ni ni; si ngia ni yo te, si ay&#233;ga fu roni berewe. 7Oni ki nye ku rogo gu bambu re, ki ri riahe ki nimbiri agu ahe wa i afu he fu roni; bambiko bamangisunge rengbe na gani mosoro. Ka oni t&#225;ngara nga abambu ya. 8Gu bakporo oni ka rima ku rogo, i ki di roni ku gume, oni ri agu ahe i ka mamaa ha barangba roni. 9Oni h&#250;si agu aboro kaza du yo, ki ya fu yo, &#8216;Ga Mbori ngbi mbedi konoduonini.&#8217; 10Gu bakporo oni ka rima ku rogo, ka i ad&#237;a nga roni ku gume ya, oni ki kuru ku gene yo, ki ya, 11&#8216;Oni b&#237; nga ke gu nvutu sende nga ga gaoni bakporo du ti ndurani, ani wege he kuti roni; ono oni&#237;ni gere, ga Mbori ngbi mbedi kono du oni ni.&#8217; 12Ya mi fu roni, gu pai nikadu fu Sodoma ti gu rago re, si agb&#233;r&#227; nga wa ga gu bakporo te re.</div><div class="s1">Rungo tipa abaakporo</div><div class="r">(Mt. 11:20-24)</div><div class="m"> 13&#8220;Na gber&#7869; he foro Korazina! na gber&#7869; he foro Betesaida! bambiko ka i amangi agu apai du na tandu rogo Tura na Sidona yo wa i amangi he rogo roni yo, ka i asa gayo ber&#227; ki nisungu na mbuzaroko na kuke. 14Ono pai angb&#225; fu Tura na Sidona rago sapangbanga, ki susi gaoni. 15Mo, Kaparanauma, i at&#250;mba ro ku ngbangbatur&#361; yo? i az&#243;gosa ro ku Adisi yo.</div><div class="p"> 16&#8220;Gu ni nagia gaoni pai ni nagia gi pai a; gu ni nabasa pa roni ni nabasa pa re a; gu ni nabasa pa re, ni nabasa pa gu ko nakedi re a.&#8221;</div><div class="s1">Aboro 70 akaraga tiyo</div><div class="m"> 17Agu yo nadu 70 ki yega ni ngbarago, ki niya, &#8220;Gbia, adaimona du ni zogozogo ra fu rani mbiko rimoro!&#8221; 18Ko ki ya fu yo. &#8220;Mi abi Satana ti wa kina we gumba ngbangbatur&#361; yo. 19Oni ng&#233;re, mi asia pa simbida awo na angerembia fu roni, na ome vuraroni dunduko; a nga he ka manga roni wa sa te. 20Ono ka oni ng&#237; nga mbiko gere nga atoro du ni zogozogo ra fu roni ya; ono oni ng&#237; angi bambiko rimoroni du ni keke he ngbangbatur&#361; yo.&#8221;</div><div class="s1">Ga Yesu ngbarago</div><div class="r">(Mt. 11:25-27; 13:16-17)</div><div class="m"> 21Ni kina gu rago re Yesu angi rogo Ziazia Toro, ki ya, &#8220;Mi natambua ro, Buba, Gbia ngbangbatur&#361; na sende, ya mo aoko agi apai re be airatatamana na airainahe, ki yugu he fu toni agude; ii, Buba, mbiko wo si angba angba bangiro. 22Ahe dunduko du ni fufu he fere be Buba: a nga boro sa ini da nga Wiri te, kina Mbori nga Ba; na da nga Ba, kina Wiriko ini he, na gu ni Wiriko nakpi nyemu ka yugo ho fu ni.&#8221;</div><div class="p"> 23Ko ki sa tiko fu abawiriki, ki ya fu yo ni rondo, &#8220;Bangironi ni betedi he bambiko oni nabi agi apai re! 24Bambiko ya mi fu roni, dungu anebi na abakindo akpi nyemu ka bi agu apai oni abi, ono i abi nga ha te; na ka gia agu apai oni agia, ono i agia nga ha te.&#8221;</div><div class="s1">Sanza: wene boro Somorona</div><div class="m"> 25Mo ng&#233;re, gu bainiparugute ki ye ka asada Yesu, ki ya, &#8220;Bayugupai, mi am&#225;nga w&#227;i ka dia nyenye unga?&#8221; 26Yesu ki ya fu ko, &#8220;I ake gini pai rogo rugute? Mo nageda ha w&#227;i?&#8221; 27Ko ki ta karaga ha niya, &#8220;Mo kpi nyemu Yekova nga ga Mbori kpotoro yo dunduko, na mbisimoro d&#361;, na omero d&#361;, na ga b&#7869;ra dunduko; mo nikp&#237; nyemu akuaro dunduko wa mo akpi nyemu tiro.&#8221; 28Ko ki ya fu ko, &#8220;Mo karaga ha weneng&#227;i; mo m&#225;ngi gere, mo ki nye ni ungaro.&#8221; 29Ono ko akpi nyemu mbakada rimoko tigako, ko ki ya fu Yesu, &#8220;Da nga kuare?&#8221; 30Yesu ki karaga ha ki ya, &#8220;Boro anungu Yerusarema yo ku Yereo yo; ko ki gbia abatuka, i ki tuka gako remu ki nitaki ko, ki ta guari, nimbu ko, ko nimbedi ka kpi. 31Boromotumo ki ndu ngba gu gene re: ho ko abi ko ni ko ki yari banduru gene bani. 32Boro Revi a, ho ko ada ni koyo, ko ki bi ko kina wo, ko ki yari banduru gene bani a. 33Ono boro Somorona, wa ko anungu, ko ki ye koyo du ko ni. Ho ko abi ko ni, nungako ki mangi ko, 34ko ki ye koyo du ko ni, ki ta vo gako aoro, niuka nzeme na imekakue auru he; ki nimoi ko auru gako nya, ki nigasi ko ku sinziri yo ki nibanda ko. 35Wiso ko ki kusi rukutu mar&#227; feda ue ki fu ra fu irasinziri, ki ya, &#8216;Mo b&#225;nda ko; gu mo ka baga ha ku ri gere, ho mi ka yega ni, mi ag&#225;sa haforo.&#8217; 36Ya mo w&#227;i? Da dagba agi aboro biata re adu wa kurako fu gu ko nagbia abatuka?&#8221; 37Ko ki ya, &#8220;Gu ni naini pai fu ko.&#8221; Yesu ki ya fu ko, &#8220;Mo nd&#250; ki mangi kina wo a.&#8221;</div><div class="s1">Marata na Maria</div><div class="m"> 38Wa i anunga Yesu ki rimi ku rogo gu kporo; de rimori nangia Marata ki di ko ku gume ku rogo gari bambu. 39Wirinari adu yo rimori nangia Maria, ri asungu pati ndu Yesu, ki nigi gako pai a. 40Ono Marata adu ni fudifudi ri be bakere mangapai; ri ki ye koyo du ko ni, ki ya, &#8220;Gbia, si agber&#227; nga ti ro wa wirinami ambu re mi nimangi sunge ni sa re te? Mo r&#250;gu ri tie ri unda re na ni.&#8221; 41Ono Gbia ki karaga na ki ya fu ri, &#8220;Marata, Marata, mo ni fudifudi ro be dungu apai; 42kina pai sa rengbe: wa Maria asia gu wene pai re, i adia nga ha be ri te.&#8221;</div>
 </div>
 </div>
</div>

Fuo agi apai re Gbia ki sia akura yo 70, ki kedi yo ni ba ue ue ku mbata yo fu ko ku rogo agu akporo na agu arago dunduko ko nikandu ku rogo a tigako. Ko ki ya fu yo, “Kii zuzu ati, ono abamangisunge du ni umba yo; oni kpári ke fu Gbia ati ko kedi abamangisunge ku rogo gako ati. Oni ndú ke; oni ngére, mi nakeda roni wa wiri akandoro dagba anyarinde. Ka oni ndú nga na mangu gaoni marã be roni na kura mangu na katara a ya; ka oni poi nga kuti boro gene ya. Gu bambu oni ka rima ku rogo, oni gúmba gere mbata. ‘Zereda dú fu gi bambu re!’ Ka gu irazereda du yo, gaoni zereda anye yo du ni ni; si ngia ni yo te, si ayéga fu roni berewe. Oni ki nye ku rogo gu bambu re, ki ri riahe ki nimbiri agu ahe wa i afu he fu roni; bambiko bamangisunge rengbe na gani mosoro. Ka oni tángara nga abambu ya. Gu bakporo oni ka rima ku rogo, i ki di roni ku gume, oni ri agu ahe i ka mamaa ha barangba roni. Oni húsi agu aboro kaza du yo, ki ya fu yo, ‘Ga Mbori ngbi mbedi konoduonini.’ Gu bakporo oni ka rima ku rogo, ka i adía nga roni ku gume ya, oni ki kuru ku gene yo, ki ya, ‘Oni bí nga ke gu nvutu sende nga ga gaoni bakporo du ti ndurani, ani wege he kuti roni; ono oniíni gere, ga Mbori ngbi mbedi kono du oni ni.’ Ya mi fu roni, gu pai nikadu fu Sodoma ti gu rago re, si agbérã nga wa ga gu bakporo te re.


“Na gberẽ he foro Korazina! na gberẽ he foro Betesaida! bambiko ka i amangi agu apai du na tandu rogo Tura na Sidona yo wa i amangi he rogo roni yo, ka i asa gayo berã ki nisungu na mbuzaroko na kuke. Ono pai angbá fu Tura na Sidona rago sapangbanga, ki susi gaoni. Mo, Kaparanauma, i atúmba ro ku ngbangbaturũ yo? i azógosa ro ku Adisi yo.
“Gu ni nagia gaoni pai ni nagia gi pai a; gu ni nabasa pa roni ni nabasa pa re a; gu ni nabasa pa re, ni nabasa pa gu ko nakedi re a.”

Agu yo nadu 70 ki yega ni ngbarago, ki niya, “Gbia, adaimona du ni zogozogo ra fu rani mbiko rimoro!” Ko ki ya fu yo. “Mi abi Satana ti wa kina we gumba ngbangbaturũ yo. Oni ngére, mi asia pa simbida awo na angerembia fu roni, na ome vuraroni dunduko; a nga he ka manga roni wa sa te. Ono ka oni ngí nga mbiko gere nga atoro du ni zogozogo ra fu roni ya; ono oni ngí angi bambiko rimoroni du ni keke he ngbangbaturũ yo.”


Ni kina gu rago re Yesu angi rogo Ziazia Toro, ki ya, “Mi natambua ro, Buba, Gbia ngbangbaturũ na sende, ya mo aoko agi apai re be airatatamana na airainahe, ki yugu he fu toni agude; ii, Buba, mbiko wo si angba angba bangiro. Ahe dunduko du ni fufu he fere be Buba: a nga boro sa ini da nga Wiri te, kina Mbori nga Ba; na da nga Ba, kina Wiriko ini he, na gu ni Wiriko nakpi nyemu ka yugo ho fu ni.”
Ko ki sa tiko fu abawiriki, ki ya fu yo ni rondo, “Bangironi ni betedi he bambiko oni nabi agi apai re! Bambiko ya mi fu roni, dungu anebi na abakindo akpi nyemu ka bi agu apai oni abi, ono i abi nga ha te; na ka gia agu apai oni agia, ono i agia nga ha te.”

Mo ngére, gu bainiparugute ki ye ka asada Yesu, ki ya, “Bayugupai, mi amánga wãi ka dia nyenye unga?” Yesu ki ya fu ko, “I ake gini pai rogo rugute? Mo nageda ha wãi?” Ko ki ta karaga ha niya, “Mo kpi nyemu Yekova nga ga Mbori kpotoro yo dunduko, na mbisimoro dũ, na omero dũ, na ga bẽra dunduko; mo nikpí nyemu akuaro dunduko wa mo akpi nyemu tiro.” Ko ki ya fu ko, “Mo karaga ha wenengãi; mo mángi gere, mo ki nye ni ungaro.” Ono ko akpi nyemu mbakada rimoko tigako, ko ki ya fu Yesu, “Da nga kuare?” Yesu ki karaga ha ki ya, “Boro anungu Yerusarema yo ku Yereo yo; ko ki gbia abatuka, i ki tuka gako remu ki nitaki ko, ki ta guari, nimbu ko, ko nimbedi ka kpi. Boromotumo ki ndu ngba gu gene re: ho ko abi ko ni ko ki yari banduru gene bani. Boro Revi a, ho ko ada ni koyo, ko ki bi ko kina wo, ko ki yari banduru gene bani a. Ono boro Somorona, wa ko anungu, ko ki ye koyo du ko ni. Ho ko abi ko ni, nungako ki mangi ko, ko ki ye koyo du ko ni, ki ta vo gako aoro, niuka nzeme na imekakue auru he; ki nimoi ko auru gako nya, ki nigasi ko ku sinziri yo ki nibanda ko. Wiso ko ki kusi rukutu marã feda ue ki fu ra fu irasinziri, ki ya, ‘Mo bánda ko; gu mo ka baga ha ku ri gere, ho mi ka yega ni, mi agása haforo.’ Ya mo wãi? Da dagba agi aboro biata re adu wa kurako fu gu ko nagbia abatuka?” Ko ki ya, “Gu ni naini pai fu ko.” Yesu ki ya fu ko, “Mo ndú ki mangi kina wo a.”

Wa i anunga Yesu ki rimi ku rogo gu kporo; de rimori nangia Marata ki di ko ku gume ku rogo gari bambu. Wirinari adu yo rimori nangia Maria, ri asungu pati ndu Yesu, ki nigi gako pai a. Ono Marata adu ni fudifudi ri be bakere mangapai; ri ki ye koyo du ko ni, ki ya, “Gbia, si agberã nga ti ro wa wirinami ambu re mi nimangi sunge ni sa re te? Mo rúgu ri tie ri unda re na ni.” Ono Gbia ki karaga na ki ya fu ri, “Marata, Marata, mo ni fudifudi ro be dungu apai; kina pai sa rengbe: wa Maria asia gu wene pai re, i adia nga ha be ri te.”

കേൾക്കുക Ruka 10