Anjam - 2014 Edition (NT) Non-Drama

Anjam - 2014 Edition (NT) Drama

<div class="version vid1743 iso6393boj" data-vid="1743" data-iso6393="boj">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Yesus a ma tamo bei boletej</div><div class="p"> 1Bati bei Yesus a Juda na&#331;go yori bati koba unqa marsiqa Jerusalem aiyej.</div><div class="p"> 2Jerusalem dia ya kuru bei soqnej. Ya kuru di kaja na&#331;go sira&#331;me qalaq di soqnej. Ya kuru di aqa &#241;am Betesda. Di Hibru anjam na mareqnub. Ya kuru areqsi jagwa oqajqa tal ki&#241;ilala 5 soqneb. 3Tal dia tamo ma ti, tamo &#331;am qandimo, tamo si&#331;ga uge, tamo jejamu lainjro qaji tula&#331; gargekoba soqneb. Na&#331;gi ya an&#331;ilqajqa tari&#331;oqneb. 4Bati qudei Tamo Koba aqa la&#331; a&#331;gro ya kuru miligiq aiyoqnsiqa ya enteqnaqa an&#331;iloqnej. Ya an&#331;iloqnimqa tamo a namo yaq aiqas qaji aqa ma koboqas. Utru deqa na&#331;gi ya an&#331;ilqajqa tari&#331;oqneb.</div><div class="p"> 5Ariya bati deqa tamo bei wausau 38 ma ti soqnej qaji a dia tari&#331;oqnej. 6Onaqa Yesus na tamo di &#331;eiesonaq unsiqa a bati olekoba ma de ti soqnej di qalieosiqa nenemyej, &#8220;Ni boleqajqa are unu e?&#8221;</div><div class="p"> 7Onaqa minjej, &#8220;O Tamo Koba, ya an&#331;iloqnimqa tamo yai na e aqaryaibosim urur yaq osi aiqas? Tamo dego bei sosai. E aiqa yeqnam ma tamo qudei na&#331;gi e bu&#331;boqnsib namo yaq aiyeqnub.&#8221; 8Onaqa Yesus na minjej, &#8220;Ni tigelosim ino sapera qoboiyosim walwel.&#8221; 9Degsi minjnaqa bati qujai deqa aqa jejamu boleonaqa a tigeloqujatosiq aqa sapera qoboiyosiqa walwelosiq gilej.</div><div class="p">Bati di Juda na&#331;go yori bati. 10Deqa Juda tamo kokba na&#331;gi na tamo boleej qaji di unsib minjeb, &#8220;Bini yori bati. Iga wauqa getento. Deqa ni ino sapera qoboiyaim.&#8221; 11Onaqa a na kamba minjrej, &#8220;Tamo e boletbqo qaji a na merbqo, &#8216;Ni ino sapera qoboiyosim walwel.&#8217;&#8221; 12Degsi minjrnaqa na&#331;gi na nenemyeb, &#8220;Tamo yai na ni mermqo, &#8216;Ni ino sapera qoboiyosim walwel&#8217;?&#8221; 13Onaqa a na minjrej, &#8220;Tamo e boletbqo qaji aqa &#241;am di e qaliesai.&#8221; A na&#331;gi degsi minjrej. Di kiyaqa? Tamo gargekoba sonab Yesus a na&#331;go ambleq na ula&#331;ej.</div><div class="p"> 14Onaqa nebeonaqa Yesus a atra tal miligiq gilsiqa tamo di itosiq minjej, &#8220;Ni que. E ni boletmonum deqa ni olo une bei ataim. Gulbe kobaquja bei ino jejamuq di olo branto uge.&#8221; 15Onaqa tamo di aisiqa Juda tamo kokba na&#331;gi minjrej, &#8220;Tamo e boletbej qaji agi Yesus.&#8221;</div><div class="p"> 16Onaqa Juda tamo kokba na&#331;gi Yesus ugeugeiyqajqa maroqneb. Di kiyaqa? A ma&#331;wa di yori bati qa yoqnej deqa. 17Onaqa Yesus na kamba minjrej, &#8220;Ijo Abu a nami gaigai wauoqnej agi bini wauoqnsiq unu. Deqa e dego waueqnum.&#8221; 18Onaqa Juda tamo kokba na&#331;gi Yesus aqa anjam di qusibqa na&#331;gi a qalib moiqajqa torei si&#331;gilaoqneb. Di kiyaqa? A yori bati segi gentosai. A dego marej, &#8220;Qotei a ijo Abu.&#8221; Aqa anjam dena a segi qa marej, &#8220;Aqo Qotei wo ombla kerekere.&#8221;</div><div class="s1">Yesus a Qotei aqa &#330;iri</div><div class="p"> 19Onaqa Yesus na kamba minjrej, &#8220;E bole mer&#331;gwai. E Qotei aqa &#330;iri. E ijo segi areqalo na kumbra bei yqa keresai. Kumbra ijo Abu na yeqnaq e uneqnum qaji di e dego yeqnum. 20E ijo Abu aqa &#330;iri. Deqa a na e qalaqalaiboqnsiqa kumbra kalil a yeqnu qaji di e olo osorbeqnu. Bunuqna a kumbra tula&#331; si&#331;gila kokba dego osorboqnqas. Yim ni&#331;gi unsib tula&#331; prugwab. 21Ijo Abu na tamo more&#331;o qaji na&#331;gi olo &#331;ambile enjroqnsiqa subq na tigeltnjreqnu. Deqa e Qotei aqa &#330;iri e kamba dego ijo segi areqalo na tamo na&#331;gi &#331;ambile enjreqnum. 22Ijo Abu na tamo na&#331;go une qa na&#331;gi peginjrosaieqnu. Wau di a na e ebej. E Qotei aqa &#330;iri deqa e na tamo na&#331;go une qa na&#331;gi peginjreqnum. 23E wau di yeqnum. Di kiyaqa? Tamo kalil na&#331;gi ijo &#241;am soqtetboqnqajqa deqa. Agi na&#331;gi ijo Abu aqa &#241;am soqteqnub dego kere. Tamo a ijo &#241;am soqtetbosaieqnu di a ijo Abu e qari&#331;bej qaji aqa &#241;am dego soqtosaieqnu.</div><div class="p"> 24&#8220;E bole mer&#331;gwai. Tamo a ijo anjam qusim ijo Abu e qari&#331;bej qaji a qa aqa areqalo si&#331;gilatqas di a &#331;ambile gaigai sqas. Deqa e aqa une qa pegiyqasai. A moiyo gam uratosim olo &#331;ambile oqas.</div><div class="p"> 25&#8220;E bole mer&#331;gwai. E Qotei aqa &#330;iri. Bati bei brantimqa tamo u&#331;gasari more&#331;o qaji na&#331;gi ijo kakro qusib &#331;ambile oqab. Bati di agi brantqo. 26Ijo Abu a segi &#331;ambile qa utru. E aqa &#330;iri. A na e si&#331;gila ebej deqa e dego &#331;ambile qa utru. 27E Tamo A&#331;gro unum deqa ijo Abu na e si&#331;gila ebej. Si&#331;gila dena e na tamo u&#331;gasari na&#331;go une qa peginjreqnum. 28Ni&#331;gi ijo anjam di qusib tula&#331; prugaib. Bati bei brantimqa tamo u&#331;gasari kalil subq di unub qaji na&#331;gi ijo kakro quqwab. 29Qusib olo sub uratosib tigelqab. Tamo u&#331;gasari kumbra bole bole yeqnub qaji na&#331;gi tigelosib &#331;ambile sqab. Tamo u&#331;gasari kumbra uge uge yeqnub qaji na&#331;gi tigelabqa e na na&#331;gi peginjrsiy padaltnjrqai.&#8221;</div><div class="s1">Tamo qudei na Yesus aqa &#241;am ubteqnub</div><div class="p"> 30Osiqa Yesus a olo marej, &#8220;E ijo segi areqalo na wau bei yqa keresai. Ijo Abu na e anjam merbeqnaq quoqnsim tamo u&#331;gasari na&#331;gi peginjreqnum. E kumbra ti&#331;ti&#331; na na&#331;gi peginjreqnum. E ijo segi areqalo dauryosaieqnum. Ijo Abu e qari&#331;bej qaji aqa areqalo dauryeqnum.</div><div class="p"> 31&#8220;E segi na ijo kumbra ti ijo wau ti ubtosiy marqai di tamo na&#331;gi bole qa maraib. 32Tamo bei unu agi Qotei. A dego ijo kumbra ti ijo wau ti ubtosiq mareqnu. E qalieonum, anjam a mareqnu qaji di bole.</div><div class="p"> 33&#8220;Ni&#331;gi na tamo qudei qari&#331;njrnab Jon aqaq gilnabqa a anjam bole ubtosiq minjroqnej. 34Bole, mandam tamo bei na ijo kumbra ti ijo wau ti ubtqa keresai. Ariya Qotei na ni&#331;gi ele&#331;qajqa deqa e ni&#331;gi Jon qa mer&#331;gonum. 35Jon a &#331;am pulo&#331; bul sosiqa tamo u&#331;gasari na&#331;gi suwantnjreqnaqa ni&#331;gi aqa suwa&#331;oq di soki&#241;alayoqnsib arebolebolei&#331;goqnej.</div><div class="p"> 36&#8220;Ijo anjam e ubtosim mareqnum qaji di anjam kobaquja. Anjam dena Jon aqa anjam tula&#331; bu&#331;yejunu. Di kiyaqa? Wau kalil ijo Abu na ebej qaji di e yeqnam tamo u&#331;gasari na&#331;gi unoqnsib endegsi poinjreqnu, bole, ijo Abu na e qari&#331;bonaq bem. 37Ijo Abu e qari&#331;bej qaji a e qa anjam ubtosiq mareqnu. Ariya ni&#331;gi aqa kakro nami quosaioqneb. Aqa ulatamu dego ni&#331;gi nami unosaioqneb. 38Qotei aqa anjam dego nu&#331;go are miligiq di sosai. Tamo Qotei na qari&#331;yonaq mandamq aiyej qaji aqa anjam ni&#331;gi nu&#331;go areqaloq di si&#331;gilatosaieqnub.</div><div class="p"> 39&#8220;Bole, ni&#331;gi Qotei aqa anjam ne&#331;gre&#331;q di unu qaji di sisiyoqnsib peleiyeqnub. Ni&#331;gi are qaleqnub, anjam dena ni&#331;gi &#331;ambile gaigai sqab. Ariya anjam di e ubtosiq mareqnu. 40Ni&#331;gi kiyaqa &#331;ambile oqajqa are qaloqnsib olo ijoq bqajqa urateqnub?</div><div class="p"> 41&#8220;E mandam tamo na&#331;goq dena &#241;am koba osaieqnum. 42Ariya e ni&#331;gi qa qalieonum. Nu&#331;go are miligiq di ni&#331;gi Qotei qalaqalaiyosaieqnub. 43E ijo Abu aqa &#241;am na bonamqa ni&#331;gi ijo anjam osai. Tamo bei aqa segi &#241;am na bqas di ni&#331;gi aqa anjam oqujatqab. 44Ni&#331;gi nu&#331;go segi was na&#331;goq dena &#241;am koba oqajqa are qaleqnub. Ariya ni&#331;gi Qotei aqaq dena &#241;am koba oqajqa are qalosaieqnub. Qotei agi a segi qujai Qotei bole. Ni&#331;gi kumbra degyeqnub deqa ni&#331;gi kiyersib e qa nu&#331;go areqalo si&#331;gilatqab? Di keresai.</div><div class="p"> 45&#8220;E ijo Abu aqa &#331;amdamuq di nu&#331;go une qa mer&#331;gwai edegaib. Nu&#331;go une qa mer&#331;gwajqa tamo qujai agi Moses. Ni&#331;gi are qaleqnub, Moses a na ni&#331;gi aqaryai&#331;gwas. Di sai. 46Ni&#331;gi Moses aqa anjam nu&#331;go areqaloq di si&#331;gilateqnub qamu ijo anjam dego nu&#331;go areqaloq di si&#331;gilateqnub qamu. Di kiyaqa? Moses a nami e qa anjam ne&#331;gre&#331;yej. 47Ni&#331;gi Moses aqa anjam nami ne&#331;gre&#331;yej qaji di nu&#331;go areqaloq di si&#331;gilatosaieqnub deqa ni&#331;gi kiyersib ijo anjam dego nu&#331;go areqaloq di si&#331;gilatqab? Di keresai.&#8221;</div>
 </div>
 </div>
</div>

Bati bei Yesus a Juda naŋgo yori bati koba unqa marsiqa Jerusalem aiyej.
Jerusalem dia ya kuru bei soqnej. Ya kuru di kaja naŋgo siraŋme qalaq di soqnej. Ya kuru di aqa ñam Betesda. Di Hibru anjam na mareqnub. Ya kuru areqsi jagwa oqajqa tal kiñilala 5 soqneb. Tal dia tamo ma ti, tamo ŋam qandimo, tamo siŋga uge, tamo jejamu lainjro qaji tulaŋ gargekoba soqneb. Naŋgi ya anŋilqajqa tariŋoqneb. Bati qudei Tamo Koba aqa laŋ aŋgro ya kuru miligiq aiyoqnsiqa ya enteqnaqa anŋiloqnej. Ya anŋiloqnimqa tamo a namo yaq aiqas qaji aqa ma koboqas. Utru deqa naŋgi ya anŋilqajqa tariŋoqneb.
Ariya bati deqa tamo bei wausau 38 ma ti soqnej qaji a dia tariŋoqnej. Onaqa Yesus na tamo di ŋeiesonaq unsiqa a bati olekoba ma de ti soqnej di qalieosiqa nenemyej, “Ni boleqajqa are unu e?”
Onaqa minjej, “O Tamo Koba, ya anŋiloqnimqa tamo yai na e aqaryaibosim urur yaq osi aiqas? Tamo dego bei sosai. E aiqa yeqnam ma tamo qudei naŋgi e buŋboqnsib namo yaq aiyeqnub.” Onaqa Yesus na minjej, “Ni tigelosim ino sapera qoboiyosim walwel.” Degsi minjnaqa bati qujai deqa aqa jejamu boleonaqa a tigeloqujatosiq aqa sapera qoboiyosiqa walwelosiq gilej.
Bati di Juda naŋgo yori bati. Deqa Juda tamo kokba naŋgi na tamo boleej qaji di unsib minjeb, “Bini yori bati. Iga wauqa getento. Deqa ni ino sapera qoboiyaim.” Onaqa a na kamba minjrej, “Tamo e boletbqo qaji a na merbqo, ‘Ni ino sapera qoboiyosim walwel.’” Degsi minjrnaqa naŋgi na nenemyeb, “Tamo yai na ni mermqo, ‘Ni ino sapera qoboiyosim walwel’?” Onaqa a na minjrej, “Tamo e boletbqo qaji aqa ñam di e qaliesai.” A naŋgi degsi minjrej. Di kiyaqa? Tamo gargekoba sonab Yesus a naŋgo ambleq na ulaŋej.
Onaqa nebeonaqa Yesus a atra tal miligiq gilsiqa tamo di itosiq minjej, “Ni que. E ni boletmonum deqa ni olo une bei ataim. Gulbe kobaquja bei ino jejamuq di olo branto uge.” Onaqa tamo di aisiqa Juda tamo kokba naŋgi minjrej, “Tamo e boletbej qaji agi Yesus.”
Onaqa Juda tamo kokba naŋgi Yesus ugeugeiyqajqa maroqneb. Di kiyaqa? A maŋwa di yori bati qa yoqnej deqa. Onaqa Yesus na kamba minjrej, “Ijo Abu a nami gaigai wauoqnej agi bini wauoqnsiq unu. Deqa e dego waueqnum.” Onaqa Juda tamo kokba naŋgi Yesus aqa anjam di qusibqa naŋgi a qalib moiqajqa torei siŋgilaoqneb. Di kiyaqa? A yori bati segi gentosai. A dego marej, “Qotei a ijo Abu.” Aqa anjam dena a segi qa marej, “Aqo Qotei wo ombla kerekere.”

Onaqa Yesus na kamba minjrej, “E bole merŋgwai. E Qotei aqa Ŋiri. E ijo segi areqalo na kumbra bei yqa keresai. Kumbra ijo Abu na yeqnaq e uneqnum qaji di e dego yeqnum. E ijo Abu aqa Ŋiri. Deqa a na e qalaqalaiboqnsiqa kumbra kalil a yeqnu qaji di e olo osorbeqnu. Bunuqna a kumbra tulaŋ siŋgila kokba dego osorboqnqas. Yim niŋgi unsib tulaŋ prugwab. Ijo Abu na tamo moreŋo qaji naŋgi olo ŋambile enjroqnsiqa subq na tigeltnjreqnu. Deqa e Qotei aqa Ŋiri e kamba dego ijo segi areqalo na tamo naŋgi ŋambile enjreqnum. Ijo Abu na tamo naŋgo une qa naŋgi peginjrosaieqnu. Wau di a na e ebej. E Qotei aqa Ŋiri deqa e na tamo naŋgo une qa naŋgi peginjreqnum. E wau di yeqnum. Di kiyaqa? Tamo kalil naŋgi ijo ñam soqtetboqnqajqa deqa. Agi naŋgi ijo Abu aqa ñam soqteqnub dego kere. Tamo a ijo ñam soqtetbosaieqnu di a ijo Abu e qariŋbej qaji aqa ñam dego soqtosaieqnu.
“E bole merŋgwai. Tamo a ijo anjam qusim ijo Abu e qariŋbej qaji a qa aqa areqalo siŋgilatqas di a ŋambile gaigai sqas. Deqa e aqa une qa pegiyqasai. A moiyo gam uratosim olo ŋambile oqas.
“E bole merŋgwai. E Qotei aqa Ŋiri. Bati bei brantimqa tamo uŋgasari moreŋo qaji naŋgi ijo kakro qusib ŋambile oqab. Bati di agi brantqo. Ijo Abu a segi ŋambile qa utru. E aqa Ŋiri. A na e siŋgila ebej deqa e dego ŋambile qa utru. E Tamo Aŋgro unum deqa ijo Abu na e siŋgila ebej. Siŋgila dena e na tamo uŋgasari naŋgo une qa peginjreqnum. Niŋgi ijo anjam di qusib tulaŋ prugaib. Bati bei brantimqa tamo uŋgasari kalil subq di unub qaji naŋgi ijo kakro quqwab. Qusib olo sub uratosib tigelqab. Tamo uŋgasari kumbra bole bole yeqnub qaji naŋgi tigelosib ŋambile sqab. Tamo uŋgasari kumbra uge uge yeqnub qaji naŋgi tigelabqa e na naŋgi peginjrsiy padaltnjrqai.”

Osiqa Yesus a olo marej, “E ijo segi areqalo na wau bei yqa keresai. Ijo Abu na e anjam merbeqnaq quoqnsim tamo uŋgasari naŋgi peginjreqnum. E kumbra tiŋtiŋ na naŋgi peginjreqnum. E ijo segi areqalo dauryosaieqnum. Ijo Abu e qariŋbej qaji aqa areqalo dauryeqnum.
“E segi na ijo kumbra ti ijo wau ti ubtosiy marqai di tamo naŋgi bole qa maraib. Tamo bei unu agi Qotei. A dego ijo kumbra ti ijo wau ti ubtosiq mareqnu. E qalieonum, anjam a mareqnu qaji di bole.
“Niŋgi na tamo qudei qariŋnjrnab Jon aqaq gilnabqa a anjam bole ubtosiq minjroqnej. Bole, mandam tamo bei na ijo kumbra ti ijo wau ti ubtqa keresai. Ariya Qotei na niŋgi eleŋqajqa deqa e niŋgi Jon qa merŋgonum. Jon a ŋam puloŋ bul sosiqa tamo uŋgasari naŋgi suwantnjreqnaqa niŋgi aqa suwaŋoq di sokiñalayoqnsib areboleboleiŋgoqnej.
“Ijo anjam e ubtosim mareqnum qaji di anjam kobaquja. Anjam dena Jon aqa anjam tulaŋ buŋyejunu. Di kiyaqa? Wau kalil ijo Abu na ebej qaji di e yeqnam tamo uŋgasari naŋgi unoqnsib endegsi poinjreqnu, bole, ijo Abu na e qariŋbonaq bem. Ijo Abu e qariŋbej qaji a e qa anjam ubtosiq mareqnu. Ariya niŋgi aqa kakro nami quosaioqneb. Aqa ulatamu dego niŋgi nami unosaioqneb. Qotei aqa anjam dego nuŋgo are miligiq di sosai. Tamo Qotei na qariŋyonaq mandamq aiyej qaji aqa anjam niŋgi nuŋgo areqaloq di siŋgilatosaieqnub.
“Bole, niŋgi Qotei aqa anjam neŋgreŋq di unu qaji di sisiyoqnsib peleiyeqnub. Niŋgi are qaleqnub, anjam dena niŋgi ŋambile gaigai sqab. Ariya anjam di e ubtosiq mareqnu. Niŋgi kiyaqa ŋambile oqajqa are qaloqnsib olo ijoq bqajqa urateqnub?
“E mandam tamo naŋgoq dena ñam koba osaieqnum. Ariya e niŋgi qa qalieonum. Nuŋgo are miligiq di niŋgi Qotei qalaqalaiyosaieqnub. E ijo Abu aqa ñam na bonamqa niŋgi ijo anjam osai. Tamo bei aqa segi ñam na bqas di niŋgi aqa anjam oqujatqab. Niŋgi nuŋgo segi was naŋgoq dena ñam koba oqajqa are qaleqnub. Ariya niŋgi Qotei aqaq dena ñam koba oqajqa are qalosaieqnub. Qotei agi a segi qujai Qotei bole. Niŋgi kumbra degyeqnub deqa niŋgi kiyersib e qa nuŋgo areqalo siŋgilatqab? Di keresai.
“E ijo Abu aqa ŋamdamuq di nuŋgo une qa merŋgwai edegaib. Nuŋgo une qa merŋgwajqa tamo qujai agi Moses. Niŋgi are qaleqnub, Moses a na niŋgi aqaryaiŋgwas. Di sai. Niŋgi Moses aqa anjam nuŋgo areqaloq di siŋgilateqnub qamu ijo anjam dego nuŋgo areqaloq di siŋgilateqnub qamu. Di kiyaqa? Moses a nami e qa anjam neŋgreŋyej. Niŋgi Moses aqa anjam nami neŋgreŋyej qaji di nuŋgo areqaloq di siŋgilatosaieqnub deqa niŋgi kiyersib ijo anjam dego nuŋgo areqaloq di siŋgilatqab? Di keresai.”

കേൾക്കുക Jon 5