 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Chaidh am Facal a Dh&#232;anamh na Fhe&#242;il</div><div class="p"> 1Anns an toiseach bha am Facal, agus bha am Facal c&#242;mhla ri Dia, agus b' e am Facal Dia. 2Bha e c&#242;mhla ri Dia anns an toiseach.</div><div class="p"> 3Chaidh a h&#8209;uile rud a dh&#232;anamh troimhesan; agus &#224;s aonais&#8209;san cha deach aon rud a dh&#232;anamh a chaidh a dh&#232;anamh. 4Annsan bha beatha, agus b' i a' bheatha sin solas dhaoine. 5Tha an solas a' soillseachadh anns an dorchadas, ach cha tug an dorchadas buaidh air.</div><div class="p"> 6Th&#224;inig duine a chaidh a chur o Dhia; b' e ainm&#8209;san E&#242;in. 7Th&#224;inig e mar fhianais airson fianais a thoirt mun t&#8209;solas, gus an creideadh na h&#8209;uile troimhesan. 8Cha b' esan idir an solas; ach th&#224;inig e mar fhianais mun t&#8209;solas. 9Bha an solas f&#236;or, a tha a' soillseachadh a h&#8209;uile neach, a' tighinn dhan t&#8209;saoghal.</div><div class="p"> 10Bha e anns an t&#8209;saoghal, agus ged a chaidh an saoghal a dh&#232;anamh troimhe, cha do dh'aithnich an saoghal e. 11Th&#224;inig e gu a chuid fh&#232;in, ach cha do ghabh a chuid fh&#232;in ris. 12Ach dhan fheadhainn a ghabh ris, dhan fheadhainn a chreid na ainm, thug e dhaibh c&#242;ir a bhith nan cloinn do Dhia &#8211; 13a rugadh chan ann o fhuil, no o mhiann na fe&#242;la, no o thoil duine, ach o Dhia.</div><div class="p"> 14Chaidh am Facal a dh&#232;anamh na fhe&#242;il agus ghabh e c&#242;mhnaidh nar measg. Chunnaic sinne a ghl&#242;ir&#8209;san, mar ghl&#242;ir an Aonghin on Athair, l&#224;n gr&#224;is agus f&#236;rinn.</div><div class="p"> 15Tha E&#242;in a' toirt fianais ma dheidhinn. Tha e ag &#232;igheach, ag r&#224;dh, &#8220;Is e seo esan air an do bhruidhinn mi: &#8216;Tha am fear a tha a' tighinn &#224;s mo dh&#232;idh air thoiseach orm a chionn 's gun robh e romham.&#8217;&#8221; 16&#192;s a l&#224;nachd&#8209;san fhuair sinn uile gr&#224;s &#224;s d&#232;idh gr&#224;is. 17Oir chaidh an lagh a thoirt tro Mhaois; ach th&#224;inig gr&#224;s agus f&#236;rinn tro &#204;osa Cr&#236;osd. 18Chan fhaca neach sam bith Dia riamh, ach rinn Dia an t&#8209;Aonghin Mic, a tha ann an com an Athar, follaiseach e.</div><div class="s1">E&#242;in Baistidh a' Dol &#224;s &#192;icheadh gur Esan an Cr&#236;osd</div><div class="p"> 19A&#8209;nis b' e seo fianais E&#242;in nuair a chuir I&#249;dhaich Ierusaleim sagartan agus L&#232;bhithich a dh'fhaighneachd dha, &#8220;C&#242; thusa?&#8221; 20Dh'aidich e agus cha deach e &#224;s &#224;icheadh, ach dh'aidich e gu saor&#8209;thoileach, &#8220;Cha mhise an Cr&#236;osd.&#8221;</div><div class="p"> 21Dh'fhaighnich iad dha, &#8220;D&#232; ma&#8209;th&#224;? An tusa Eliah?&#8221;</div><div class="q">Thuirt e, &#8220;Cha mhi.&#8221;</div><div class="q">&#8220;An tu am F&#224;idh?&#8221;</div><div class="q">Fhreagair e, &#8220;Cha mhi.&#8221;</div><div class="p"> 22Mu dheireadh thuirt iad, &#8220;C&#242; thu? Thoir freagairt dhuinn a bheir sinn air ais chun na feadhna a chuir a&#8209;mach sinn. D&#232; a th' agad ri r&#224;dh mud dheidhinn fh&#232;in?&#8221;</div><div class="p"> 23Thuirt E&#242;in ann am faclan Isaiah am f&#224;idh, &#8220;Is mise guth neach ag &#232;igheach anns an fh&#224;sach, &#8216;D&#232;anaibh d&#236;reach slighe an Tighearna.&#8217;&#8221;#Isa. 40:3</div><div class="p"> 24A&#8209;nis dh'fhaighnich feadhainn dhe na Pharasaich a chaidh a chur a&#8209;mach dha, 25&#8220;Carson ma&#8209;th&#224; a tha thu a' baisteadh mura tu an Cr&#236;osd, no Eliah, no am F&#224;idh?&#8221;</div><div class="p"> 26Fhreagair E&#242;in, &#8220;Tha mise a' baisteadh le uisge, ach tha fear na sheasamh nur measg nach aithne dhuibh. 27Is esan am fear a tha a' tighinn &#224;s mo dh&#232;idh, agus nach airidh mise air barraill a chuarain fhuasgladh.&#8221;</div><div class="p"> 28Thachair seo ann am Betani air taobh thall I&#242;rdain, far an robh E&#242;in a' baisteadh.</div><div class="s1">&#204;osa Uan Dh&#232;</div><div class="p"> 29Air an ath latha chunnaic E&#242;in &#204;osa a' tighinn thuige agus thuirt e, &#8220;Seallaibh, Uan Dh&#232;, a tha a' toirt air falbh peacadh an t&#8209;saoghail! 30Is e seo esan a bha mi a' ciallachadh nuair a thuirt mi, &#8216;Tha fear a tha a' tighinn &#224;s mo dh&#232;idh air thoiseach orm a chionn 's gun robh e romham.&#8217; 31Cha b' aithne dhomh fh&#232;in idir e, ach airson 's gum biodh e air fhoillseachadh do dh'Israel, th&#224;inig mi a' baisteadh le uisge.&#8221;</div><div class="p"> 32An uair sin thug E&#242;in an fhianais seo: &#8220;Chunnaic mi an Spiorad a' tighinn a&#8209;nuas o n&#232;amh mar chalman agus a' fuireach air. 33Cha bhithinn air a bhith e&#242;lach air, mura biodh am fear a chuir mi a bhaisteadh le uisge air innse dhomh, &#8216;Am fear air am faic thu an Spiorad a' tighinn a&#8209;nuas agus a' fuireach, 's esan a bhaisteas leis an Spiorad Naomh.&#8217; 34Chunnaic mi agus tha mi a' toirt fianais gur e seo Mac Dh&#232;.&#8221;</div><div class="s1">Deisciobail E&#242;in a' Leantainn &#204;osa</div><div class="p"> 35Air an ath latha bha E&#242;in an siud a&#8209;rithist c&#242;mhla ri dithis dhe a dheisciobail. 36Nuair a chunnaic e &#204;osa a' dol seachad, thuirt e, &#8220;Seallaibh, Uan Dh&#232;!&#8221;</div><div class="p"> 37Nuair a chuala an dithis dheisciobal e ag r&#224;dh seo, lean iad &#204;osa. 38A' tionndadh mun cuairt, chunnaic &#204;osa iad a' leantainn agus dh'fhaighnich e, &#8220;D&#232; tha sibh ag iarraidh?&#8221;</div><div class="q">Thuirt iad, &#8220;A Rabaidh&#8221; (a tha a' ciallachadh &#8216;Fear&#8209;Teagaisg&#8217;), &#8220;c&#224;it a bheil thu a' fuireach?&#8221;</div><div class="p"> 39&#8220;Thigibh,&#8221; fhreagair e, &#8220;agus ch&#236; sibh.&#8221;</div><div class="p">Agus dh'fhalbh iad agus chunnaic iad far an robh e a' fuireach, agus chuir iad seachad an latha sin c&#242;mhla ris. Bha e mu cheithir uairean feasgar.#1:39 Gu lit.: &#8220;Bha e mun deicheamh uair.&#8221;</div><div class="p"> 40B' e Anndra, br&#224;thair Sh&#236;moin Pheadair, fear dhen dithis a chuala na thuirt E&#242;in agus a lean &#204;osa. 41B' e a' chiad rud a rinn Anndra a bhr&#224;thair S&#236;mon a lorg agus innse dha, &#8220;Fhuair sinn am Mesiah&#8221; ('s e sin Cr&#236;osd). 42Thug e gu &#204;osa e.</div><div class="p">Choimhead &#204;osa air agus thuirt e, &#8220;Is tusa S&#236;mon mac E&#242;in. Bidh C&#232;phas air a ghabhail ort&#8221; ('s e sin air eadar&#8209;theangachadh, Peadar).</div><div class="s1">&#204;osa a' Gairm Philip agus Nat&#224;nael</div><div class="p"> 43Air an ath latha chuir &#204;osa roimhe a dhol a Ghalile. Fhuair e Philip agus thuirt e ris, &#8220;Lean mise.&#8221;</div><div class="p"> 44Bha Philip o Bhetsaida, baile Anndra agus Pheadair. 45Fhuair Philip Nat&#224;nael agus dh'innis e dha, &#8220;Fhuair sinne am fear mun do sgr&#236;obh Maois anns an Lagh, agus mun do sgr&#236;obh na f&#224;idhean cuideachd &#8211; &#204;osa o N&#224;saret, mac I&#242;saiph.&#8221;</div><div class="p"> 46&#8220;An tig rud math sam bith a&#8209;mach &#224; N&#224;saret?&#8221; dh'fhaighnich Nat&#224;nael.</div><div class="p">Thuirt Philip, &#8220;Thig agus faic.&#8221;</div><div class="p"> 47Nuair a chunnaic &#204;osa Nat&#224;nael a' tighinn thuige, thuirt e ma dheidhinn, &#8220;'S e seo f&#236;or Israeleach, anns nach eil cealg.&#8221;</div><div class="p"> 48&#8220;Ciamar as aithne dhut mi?&#8221; dh'fhaighnich Nat&#224;nael. Fhreagair &#204;osa, &#8220;Chunnaic mi thu nuair a bha thu fhathast fon chrann&#8209;fh&#236;ge mun do ghairm Philip ort.&#8221;</div><div class="p"> 49An uair sin fhreagair Nat&#224;nael e, &#8220;A Rabaidh, is tusa Mac Dh&#232;; is tusa R&#236;gh Israeil.&#8221;</div><div class="p"> 50Fhreagair &#204;osa, &#8220;Tha thu a' creidsinn a chionn 's gun do dh'innis mi dhut gum faca mi thu fon chrann&#8209;fh&#236;ge. Ch&#236; thu rudan nas motha na sin.&#8221; 51An uair sin thuirt e ris, &#8220;Gu deimhinn, deimhinn tha mi ag r&#224;dh ribh, ch&#236; sibh n&#232;amh air fhosgladh, agus ainglean Dh&#232; a' dol suas agus a' tighinn a&#8209;nuas air Mac an Duine.&#8221;</div>
 </div>
 </div>
</div>

Anns an toiseach bha am Facal, agus bha am Facal còmhla ri Dia, agus b' e am Facal Dia. Bha e còmhla ri Dia anns an toiseach.
Chaidh a h‑uile rud a dhèanamh troimhesan; agus às aonais‑san cha deach aon rud a dhèanamh a chaidh a dhèanamh. Annsan bha beatha, agus b' i a' bheatha sin solas dhaoine. Tha an solas a' soillseachadh anns an dorchadas, ach cha tug an dorchadas buaidh air.
Thàinig duine a chaidh a chur o Dhia; b' e ainm‑san Eòin. Thàinig e mar fhianais airson fianais a thoirt mun t‑solas, gus an creideadh na h‑uile troimhesan. Cha b' esan idir an solas; ach thàinig e mar fhianais mun t‑solas. Bha an solas fìor, a tha a' soillseachadh a h‑uile neach, a' tighinn dhan t‑saoghal.
Bha e anns an t‑saoghal, agus ged a chaidh an saoghal a dhèanamh troimhe, cha do dh'aithnich an saoghal e. Thàinig e gu a chuid fhèin, ach cha do ghabh a chuid fhèin ris. Ach dhan fheadhainn a ghabh ris, dhan fheadhainn a chreid na ainm, thug e dhaibh còir a bhith nan cloinn do Dhia – a rugadh chan ann o fhuil, no o mhiann na feòla, no o thoil duine, ach o Dhia.
Chaidh am Facal a dhèanamh na fheòil agus ghabh e còmhnaidh nar measg. Chunnaic sinne a ghlòir‑san, mar ghlòir an Aonghin on Athair, làn gràis agus fìrinn.
Tha Eòin a' toirt fianais ma dheidhinn. Tha e ag èigheach, ag ràdh, “Is e seo esan air an do bhruidhinn mi: ‘Tha am fear a tha a' tighinn às mo dhèidh air thoiseach orm a chionn 's gun robh e romham.’” Às a lànachd‑san fhuair sinn uile gràs às dèidh gràis. Oir chaidh an lagh a thoirt tro Mhaois; ach thàinig gràs agus fìrinn tro Ìosa Crìosd. Chan fhaca neach sam bith Dia riamh, ach rinn Dia an t‑Aonghin Mic, a tha ann an com an Athar, follaiseach e.

A‑nis b' e seo fianais Eòin nuair a chuir Iùdhaich Ierusaleim sagartan agus Lèbhithich a dh'fhaighneachd dha, “Cò thusa?” Dh'aidich e agus cha deach e às àicheadh, ach dh'aidich e gu saor‑thoileach, “Cha mhise an Crìosd.”
Dh'fhaighnich iad dha, “Dè ma‑thà? An tusa Eliah?”
Thuirt e, “Cha mhi.”
“An tu am Fàidh?”
Fhreagair e, “Cha mhi.”
Mu dheireadh thuirt iad, “Cò thu? Thoir freagairt dhuinn a bheir sinn air ais chun na feadhna a chuir a‑mach sinn. Dè a th' agad ri ràdh mud dheidhinn fhèin?”
Thuirt Eòin ann am faclan Isaiah am fàidh, “Is mise guth neach ag èigheach anns an fhàsach, ‘Dèanaibh dìreach slighe an Tighearna.’”
A‑nis dh'fhaighnich feadhainn dhe na Pharasaich a chaidh a chur a‑mach dha, “Carson ma‑thà a tha thu a' baisteadh mura tu an Crìosd, no Eliah, no am Fàidh?”
Fhreagair Eòin, “Tha mise a' baisteadh le uisge, ach tha fear na sheasamh nur measg nach aithne dhuibh. Is esan am fear a tha a' tighinn às mo dhèidh, agus nach airidh mise air barraill a chuarain fhuasgladh.”
Thachair seo ann am Betani air taobh thall Iòrdain, far an robh Eòin a' baisteadh.

Air an ath latha chunnaic Eòin Ìosa a' tighinn thuige agus thuirt e, “Seallaibh, Uan Dhè, a tha a' toirt air falbh peacadh an t‑saoghail! Is e seo esan a bha mi a' ciallachadh nuair a thuirt mi, ‘Tha fear a tha a' tighinn às mo dhèidh air thoiseach orm a chionn 's gun robh e romham.’ Cha b' aithne dhomh fhèin idir e, ach airson 's gum biodh e air fhoillseachadh do dh'Israel, thàinig mi a' baisteadh le uisge.”
An uair sin thug Eòin an fhianais seo: “Chunnaic mi an Spiorad a' tighinn a‑nuas o nèamh mar chalman agus a' fuireach air. Cha bhithinn air a bhith eòlach air, mura biodh am fear a chuir mi a bhaisteadh le uisge air innse dhomh, ‘Am fear air am faic thu an Spiorad a' tighinn a‑nuas agus a' fuireach, 's esan a bhaisteas leis an Spiorad Naomh.’ Chunnaic mi agus tha mi a' toirt fianais gur e seo Mac Dhè.”

Air an ath latha bha Eòin an siud a‑rithist còmhla ri dithis dhe a dheisciobail. Nuair a chunnaic e Ìosa a' dol seachad, thuirt e, “Seallaibh, Uan Dhè!”
Nuair a chuala an dithis dheisciobal e ag ràdh seo, lean iad Ìosa. A' tionndadh mun cuairt, chunnaic Ìosa iad a' leantainn agus dh'fhaighnich e, “Dè tha sibh ag iarraidh?”
Thuirt iad, “A Rabaidh” (a tha a' ciallachadh ‘Fear‑Teagaisg’), “càit a bheil thu a' fuireach?”
“Thigibh,” fhreagair e, “agus chì sibh.”
Agus dh'fhalbh iad agus chunnaic iad far an robh e a' fuireach, agus chuir iad seachad an latha sin còmhla ris. Bha e mu cheithir uairean feasgar.
B' e Anndra, bràthair Shìmoin Pheadair, fear dhen dithis a chuala na thuirt Eòin agus a lean Ìosa. B' e a' chiad rud a rinn Anndra a bhràthair Sìmon a lorg agus innse dha, “Fhuair sinn am Mesiah” ('s e sin Crìosd). Thug e gu Ìosa e.
Choimhead Ìosa air agus thuirt e, “Is tusa Sìmon mac Eòin. Bidh Cèphas air a ghabhail ort” ('s e sin air eadar‑theangachadh, Peadar).

Air an ath latha chuir Ìosa roimhe a dhol a Ghalile. Fhuair e Philip agus thuirt e ris, “Lean mise.”
Bha Philip o Bhetsaida, baile Anndra agus Pheadair. Fhuair Philip Natànael agus dh'innis e dha, “Fhuair sinne am fear mun do sgrìobh Maois anns an Lagh, agus mun do sgrìobh na fàidhean cuideachd – Ìosa o Nàsaret, mac Iòsaiph.”
“An tig rud math sam bith a‑mach à Nàsaret?” dh'fhaighnich Natànael.
Thuirt Philip, “Thig agus faic.”
Nuair a chunnaic Ìosa Natànael a' tighinn thuige, thuirt e ma dheidhinn, “'S e seo fìor Israeleach, anns nach eil cealg.”
“Ciamar as aithne dhut mi?” dh'fhaighnich Natànael. Fhreagair Ìosa, “Chunnaic mi thu nuair a bha thu fhathast fon chrann‑fhìge mun do ghairm Philip ort.”
An uair sin fhreagair Natànael e, “A Rabaidh, is tusa Mac Dhè; is tusa Rìgh Israeil.”
Fhreagair Ìosa, “Tha thu a' creidsinn a chionn 's gun do dh'innis mi dhut gum faca mi thu fon chrann‑fhìge. Chì thu rudan nas motha na sin.” An uair sin thuirt e ris, “Gu deimhinn, deimhinn tha mi ag ràdh ribh, chì sibh nèamh air fhosgladh, agus ainglean Dhè a' dol suas agus a' tighinn a‑nuas air Mac an Duine.”

കേൾക്കുക Eòin 1